ՄԻԵԴ-ը ՌԴ-ին պարտավորեցնում է Բեսլանի ահաբեկչության հետ կապված փոխհատուցում տալ
Մարդու իրավունքների եվրոպական դատարանը մերժել է Ռուսաստանի Դաշնության դիմումը՝ վերանայել Բեսլանի ահաբեկչության հետ կապված գործը։
ՄԻԵԴ որոշմամբ՝ «Թագաևան ու այլոք ընդդեմ Ռուսաստանի» գործով ՌԴ-ն պետք է հայցվորներին՝ «Բեսլանի մայրերը» կոմիտեին, որպես փոխհատուցում վճարի 2,9 մլն եվրո, հայտնում է Gazeta.ru-ն։
ՄԻԵԴ ներկայացվել էր 7 կոլեկտիվ հայց՝ զոհվածների ու վիրավորվածների 409 հարազատների կողմից։
Փոխհատուցման ընդհանուր գումարը կազմում է 2 մլն 955 հազար եվրո, ինչպես նաև 88 հազար եվրո՝ դատական ծախսերի համար։ ՄԻԵԴ-ն այս գործով գտել էր, որ ռուսական անվտանգության ուժերը ահաբեկիչների կողմից գրաված դպրոցն ազատելու ժամանակ կիրառել էին որոշ տեսակի չհիմնավորված զենքեր։
Հիշեցնենք, որ ահաբեկչական հարձակումը Բեսլանի թիվ 1 դպրոցի վրա տեղի է ունեցել 2004 թվականի սեպտեմբերի 1-ին՝ նոր ուսումնական տարվան նվիրված միջոցառման ժամանակ: Երկուսուկես օրվա ընթացքում ահաբեկիչները պատանդառել էին 1128 անձանց։ Գործողությունների երրորդ օրը ՌԴ անվտանգության դաշնային ծառայությունը ձեռնամուխ էր եղել գրոհի: Ահաբեկչության արդյունքում մահացել է 333 մարդ, իսկ մոտ 800-ը ստացել են տարբեր աստիճանի վնասվածքներ:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին