Քաղաքական 19:59 21/09/2017 Հայաստան

Մեր ընթացքը եղել է ճիշտ ուղղությամբ, այսօր էլ մենք ճիշտ ուղու վրա ենք. Սերժ Սարգսյան

Նախագահ Սերժ Սարգսյանը Հայաստանի Հանրապետության անկախության 26-րդ տարեդարձի առթիվ այսօր Պաշտպանության նախարարության վարչական համալիրում հրավիրել է տոնական ընդունելություն: Հանրապետության Նախագահն ընդունելության ժամանակ շնորհավորական ուղերձ է հղել Անկախության տոնի առթիվ:Ուղերձում, մասնավորապես, ասված է.


«Արցախի Հանրապետության նախագահ, պարո՛ն Բակո Սահակյան,

Ձե՛րդ Սրբություն Ամենայն Հայոց Կաթողիկոս և Ծայրագույն Պատրիարք Գարեգին Երկրորդ,

Ձե՛րդ Սրբություն Մեծի Տանն Կիլիկիո Կաթողիկոս Արամ Առաջին,

Արցախի Հանրապետության պաշտոնաթող նախագահ, պարո՛ն Արկադի Ղուկասյան,

Հարգարժա՛ն հյուրեր,

Սիրելի՛ հայենակիցներ,

Սրտանց շնորհավորում եմ ձեզ անկախության 26-րդ տարեդարձի կապակցությամբ:

Այսօր մեծ տոն է, թերևս՝ հայության համար ամենամեծ տոնը:
Հայոց անկախ պետականության վերականգնումը իրականացումն էր մեր վաղեմի երազանքի: Նաև պսակն էր այն տևական ու հերոսական պայքարի, որ մղել էին հայորդիների բազում սերունդներ:

Մենք այն երջանիկ սերունդն ենք, որ իր աչքերով տեսավ այդ մեծագույն օրը: Այդ օրվանից անցել է 26 տարի, որ քիչ ժամանակ չէ:

Ժամանակն ընդհանրապես աշխատում է նրա օգտին, ով արդյունավետ է օգտագործում այդ ժամանակը: Այս ընթացքում արվել է շատ բան, բայց պետք է խոստովանել, որ մենք միշտ չէ, որ առավելագույն արդյունավետությամբ ենք օգտագործել անցած 26 տարիները:

Համոզված եմ, որ կարելի էր անել ավելին: Բայց մեր ընթացքը եղել է ճիշտ ուղղությամբ: Այսօր էլ մենք ճիշտ ուղու վրա ենք:

Ավելին, պիտի փորձենք hետ բերել բաց թողածը: Պիտի դա անենք մեր ուժերի նկատմամբ ունեցած մեծ հավատով և լավատեսությամբ:
Հոռետեսները երբեք որևէ գործ չեն արել ո՛չ մարդկության, ո՛չ իրենց ժողովրդի համար: Աշխարհի բոլոր մեծագործություններն արել են լավատեսները: Արել են նրանք, ովքեր հավատացել են մարդուն, հավատացել են իրենց երկրի ու ժողովրդի և ընդհանրապես մարդկության ապագային:

Լավատեսությունը իրականությունից կտրված լինելու և փուչ երազանքների մեջ չէ: Լավատեսությունն իրականությունը փոխելու վճռականության մասին է: Իրականությունն ավելի լավը դարձնելու ծրագրերի, նպատակների և իղձերի մասին է:

Այո՛, մենք ունենք ծրագրեր, նպատակներ և իղձեր, և դրանք կյանքի կոչելը ներկա սերնդի պատմական պարտավորությունն է: Չեմ կասկածում, որ մենք դա անելու ենք:

Ես լավատես եմ: Ես հավատում եմ մարդուն, հավատում եմ մեր ժողովրդի հավաքական ունակությանը, մեր երկրի և ողջ մարդկության ավելի խաղաղ և բարեկեցիկ ապագային:

Այո՛, այսօր ողջ աշխարհում իսկապես մեծ է լարվածությունը, բազմաթիվ և լուրջ են մարտահրավերները գրեթե բոլորի, այդ թվում և՝ մեզ համար: Բայց խնդիրները լուծելու համար են, այլ ոչ թե՝ հուսահատության առիթ:
Մեր աչքի առաջ կրոններ են ծագել ու անհետացել, կայսրություններ են բարձրացել ու կործանվել, հին ազգեր են վերացել ու նոր ազգեր են ձևավորվել, բայց աշխարհը դրանից չի կործանվել, իսկ մենք էլ շարունակում ենք մեր ճանապարհը:

Այսօր՝ Հայաստանի Հանրապետության անկախության 26-րդ տարեդարձի օրը, մենք լավատեսորեն արձանագրում ենք հետևյալը.
Առաջին. Հայաստանի ժողովուրդը շարունակում է իր երթը՝ հենվելով իր պատմական, մշակութային ու լայն առումով՝ քաղաքակրթական ժառանգության վրա, շարունակելով հավատարիմ մնալ ազատության և մարդասիրության գաղափարներին:

Երկրորդ. Հայաստանի ժողովուրդը շարունակում է իր երթը՝ ունենալով բարեկամներ, դաշնակիցներ և գործընկերներ:

Երրորդ. Հայաստանի ժողովուրդը շարունակում է աշխատել իր պաշտպանունակության և բարեկեցության բարձրացման ուղղությամբ՝ հստակ գիտակցելով, որ անկախությունը նախ և առաջ ի՛ր պատասխանատվությունն է:

Չորրորդ. Հայաստանի ժողովուրդն իր իշխանությունը ձևավորում է օրինական և ժողովրդավարական ճանապարհով: Նա օրինապահ է ու ազատատենչ և չի հանդուրժելու որևէ իշխանություն, որ ինքը չի ձևավորել:

Այս չորս նախադրյալները կարևորագույն հիմք են վաղվա հաջողությունների:

Վաղվա Հայաստանը աշխարհին ներկայանալու է որպես արագ զարգացող երկիր, որպես տեղեկատվական հասարակություն՝ զինված առաջադեմ տեխնոլոգիաներով: Աշխարհում այսօր տեղի ունեցող գիտատեխնիկական նոր հեղափոխությունը հայ ժողովրդի դաշնակիցն է: Մեր այդ հզոր դաշնակիցը փոխում է և դեռ փոխելու է գրեթե բոլոր պատկերացումները ռեսուրսների մասին, լինեն դրանք բնական, մարդկային, ֆինանսական և այլ: Նոր տեխնոլոգիաները մարդկանց և ժողովուրդներին հնարավորություն են տալիս համեստ ռեսուրսներով հասնել անհամեմատ մեծ արդյունքների: Սա ճակատագրի նվեր է համեստ ռեսուրսներով Հայաստանի համար, և մենք իրավունք չունենք չօգտագործելու պատմական այս հնարավորությունը:

Այն հատվածներում, որտեղ դեռ պատրաստ չենք, պետք է կրթվենք, սովորենք և աճենք, շարժվենք առաջանցիկ տեմպերով: Մեր նպատակը հստակ է՝ տնտեսության և հասարակական կյանքի բոլոր ոլորտները պետք է քայլեն հաջողություն արձանագրած երկրների ճանապարհով:
Սակայն պետք չէ ակնկալել, որ տնտեսության զարգացումն ինքնըստինքյան լուծելու է մեր բոլոր հիմնախնդիրները: Ժամանակակից աշխարհում կտրուկ մեծացել են միգրացիոն հոսքերը: Ես այս հարցին անդրադարձել եմ նաև օրերս կայացած Հայաստան-սփյուռք համաժողովի ժամանակ: Այդ հոսքերի պատճառները շատ են և բազմապիսի: Մենք իսկապես ցավագին ենք ընդունում բնակչության արտահոսքի փաստը և ճիշտ ենք անում:

Մեր պարագայում սա ազգային անվտանգության հարց է: Մենք խնդիր ենք դրել Հայաստանի բնակչության թիվը մեծացնելու, հասցնելու մինչև 4 միլիոնի: Լուրջ միջոցառումներ են նախատեսվում և՛ բնակչության բնական աճն ավելացնելու, և՛ ներգաղթ կազմակերպելու ուղղությամբ:

Սիրելի՛ հայրենակիցներ,

Անվտանգության հարցը թիվ մեկ հարցն է ցանկացած երկրի համար: Յուրաքանչյուրն այդ հարցը լուծում է՝ ելնելով իր պայմաններից և հատկապես ունակություններից: Անցած 26 տարիները միարժեքորեն ցույց են տվել, որ Հայաստանի և Արցախի Հանրապետությունները կենսունակ են և պաշտպանունակ: Ցույց են տվել, որ սին էին այն հեքիաթները, թե իբր շրջափակված Հայաստանը դատապարտված է ձախողման, իսկ նավթագազային Ադրբեջանն անպայման հասնելու է մեծ հաջողության: Ավելին, մեզ փորձում էին համոզել, թե իբր Ադրբեջանի տնտեսական հաջողությունները գրավական էին լինելու Արցախի և Հայաստանի ոչնչացման:

Քարոզչական և քաղաքական առասպելների ամենադաժան, բայց արդարացի թշնամին իրականությունն է: Իսկ իրականությունը ազատ և զարգացող, օր օրի ամրացող ու շենացող հայկական երկու պետություններն են:

Անվտանգության հարցերը մեր պարագայում կապված են մեր երկրի կենսագործունեության բոլոր ոլորտների հետ: Այստեղ չկան մանրուքներ կամ երկրորդական հարցեր: Սա է մեր միասնական պատասխանը անվտանգության մեր բոլոր մարտահրավերներին: Նաև խորհրդանշական է, որ այս խոսքերը հնչում են այստեղ` Պաշտպանության նախարարության՝ մեր զինված ուժերին սազական այս վարչական համալիրում:

Սիրելի՛ հայրենակիցներ,

1991 թվականի այս օրը մեր ժողովուրդը քվեարկեց անկախ ու ժողովրդավար Հայաստանի օգտին: Նման քվեարկություն իրականացնում է այն քաղաքացին, ով լավատես է և վստահ իր ուժերին:
Համոզված եմ, որ մեր երկրի անկախության հաջորդ քսանվեց տարիներին մենք շարունակելու ենք առաջ շարժվել ավելի մեծ լավատեսությամբ և ինքնավստահությամբ:

Փա՜ռք Հայաստանի ժողովրդին:

Խոնարհո՜ւմ Հայաստանի ազատության համար զոհվածների հիշատակին:

Կեցցե՜ Հայաստանի Հանրապետությունը»:















 



Աղբյուր` Panorama.am
Share |

Լրահոս

16:11
Երբ տուրիստը ոստիկանին՝ Mourrons pour des idées, d’accord, mais de mort lente
Հարցին՝ քանի՞ օրինակով են տպված հայերեն-ֆրանսերեն զրուցարանները, ՀՀ ոստիկանության ԶԼՄ-ների հետ կապի լրատվության և վերլուծության բաժնի պետը հստակ պատասխան չտվեց:
Աղբյուր` Panorama.am
16:01
Զորավարժություն 5-րդ զորամիավորումում
Դասակների և վաշտերի հրամանատարների՝ հարձակողական գործողությունների ընթացքում ստորաբաժանման կազմով ներդաշնակ գործելու, կրակի կառավարումը...
Աղբյուր` Panorama.am
16:01
Արա Բաբլոյանը պաշտոնական այցով կմեկնի Շվեյցարիա
ՀՀ ԱԺ նախագահ Արա Բաբլոյանի գլխավորած պատվիրակությունը սեպտեմբերի 24-ին երկօրյա պաշտոնական այցով կմեկնի Բեռն: Պատվիրակության կազմում են ՀՀ ԱԺ...
Աղբյուր` Panorama.am
15:48
Անկախության տոնի առթիվ նախագահ Արմեն Սարգսյանը շնորհավորանքներ է ստանում
Շվեյցարական կոնֆեդերացիայի նախագահ Ալեն Բերսենից, Ղազախստանի Հանրապետության նախագահ Նուրսուլթան Նազարբաևից և Չինաստանի ժողովրդական Հանրապետության նախագահ Սի Ծինփինից։
Աղբյուր` Panorama.am
15:30
Նախագահն այցելել է Հայաստանում Չինաստանի դեսպանություն
Հանրապետության նախագահ Արմեն Սարգսյանն այսօր այցելել է Հայաստանում Չինաստանի Ժողովրդական Հանրապետության դեսպանություն: ՀՀ նախագահի...
Աղբյուր` Panorama.am
15:27
Հին նմուշի անձնագրերի տրամադրման ժամկետը երկարաձգվում է մինչև 2020 թ-ը
Գործադիրը հավանություն է տվել «Նույնականացման քարտերի մասին» օրենքում փոփոխություններ կատարելու մասին» և «ՀՀ քաղաքացու...
Աղբյուր` Panorama.am
15:25
Գազալցակայաններում տեղադրված խաղային ապարատները պետք է դուրս բերվեն հնարավորինս շուտ ժամկետներում. վարչապետ
«Գազալցակայաններում և ամենուր տեղադրված խաղային ապարատները պետք է դուրս բերվեն հնարավորինս շուտ ժամկետներում», - այս մասին գործադիրի...
Աղբյուր` Panorama.am
15:18
Էրիկ Էսրաիլյանը և Ջին Բլոքը հարգանքի տուրք են մատուցել Հայոց ցեղասպանության զոհերի հիշատակին
Հայաստանի Ազգային հերոս, մեծ բարերար Քըրք Քըրքորյանի բարեկամ, Ամերիկահայ հայտնի բժիշկ, ԱՄՆ Լոս Անջելեսի Կալիֆոռնիայի համալսարանի (UCLA) Դեյվիդ...
Աղբյուր` Panorama.am
15:15
Կառավարությունը չպետք է խրախուսի ո՛չ աղքատությունը, ո՛չ խաղամոլությունը. վարչապետ Նիկոլ Փաշինյան
Գործադիրի այսօրվա նիստում հավանության են արժանացել «Վիճակախաղերի մասին» ՀՀ օրենքում լրացումներ կատարելու մասին» և...
Աղբյուր` Panorama.am
15:00
Ոստիկանությունը ստուգել է Լայմա Վայկուլեի գործունեությունը
Ստուգումը կատարվել էր, երբ երգչուհին հրաժարվել էր ելույթ ունենալ Ղրիմում:
Աղբյուր` Panorama.am
14:50
Թուրքիայում ծեծել են ազգայնական կուսակցության առաջնորդին հայ անվանողին
Թուրքիայում «հայ» բառը որպես վիրավորանք ընկալելու հետևանքով հերթական վիճաբանությունն է տեղի ունեցել, որն ուղեկցվել է ծեծկռտուքով:...
Աղբյուր` Panorama.am
14:45
Որովհետև ես բժիշկ եմ. Էրիկ Էսրաիլյան
ԵՊԲՀ կենտրոնական մասնաշենքում հայ և օտարերկրացի ուսանողները,  պրոֆեսորադասախոսական կազմի ներկայացուցիչներն այսօր դիմավորել են ամերիկահայ...
Աղբյուր` Panorama.am
14:40
«ֆեյք տեղեկություն է». Արայիկ Հարությունյան
Հրաժարականի լուրերի մասին։
Աղբյուր` Panorama.am
14:35
ԵԱՀԿ Մինսկի խմբի համանախագահությանն ուղղված դիմումը չի կարող անուշադրության մատնվել. Դավիթ Բաբայան
«Ադրբեջանը տապալում և խարխլում է ԵԱՀԿ Միսկի խմբի համանախագահների ջանքերը և վտանգում տարածաշրջանային խաղաղությունն ու կայունությունը»,- ասաց մեր զրուցակիցը։
Աղբյուր` Panorama.am
14:30
Beeline Ստարտափ Ինկուբատորի ռեզիդենտներն ելույթ ունեցան ներդրողների առջև
Beeline Ստարտափ Ինկուբատորի առաջին ցիկլն ավարտած ստարտափների ռեզիդենտներն ելույթ ունեցան ներդրողների առջև։  Demo Day միջոցառմանը ներկա էին...
Աղբյուր` Panorama.am
14:20
ՄԻԵԴ կայացրած այսօրվա վճիռներով Հայաստանը պարտավորվում է վճարել մոտ 77 հազար եվրո
Մարդու իրավունքների եվրոպական դատարանն այսօր հրապարակել է Հայաստանի վերաբերյալ 3 վճիռ՝ «Գասպարին ընդդեմ Հայաստանի»,...
Աղբյուր` Panorama.am
14:19
ՀԱՊԿ-ում Խաչատուրովին փոխարինելու շուրջ խորհրդակցությունները շարունակվում են. Զոհրաբ Մնացականյան
ՀԱՊԿ գլխավոր քարտուղարի պաշտոնում Հայաստանի ներկայացուցիչ Յուրի Խաչատուրովին մեկ այլ թեկնածուով փոխարինելու շուրջ խորհրդակցությունները...
Աղբյուր` Panorama.am
14:15
Երևանում աղբահանության ընթացիկ վիճակի լուծումը հնարավոր է երկու շաբաթվա ընթացքում. Խաժակյան
Երևանի ավագանու արտահերթ ընտրություններին մասնակցող «Լույս» դաշինքը մայրաքաղաքում երեք առաջնային խնդիր է առանձնացնում՝ հանրային...
Աղբյուր` Panorama.am
14:12
Իսկ ինչպես ընտրեն հայերեն չիմացողները
Երևանի ավագանու արտահերթ ընտրություններին վերջնական ցուցակների հրապարակման դրությամբ ընտրողների թիվը 848.343 է։ Panorama.am-ի հետ զրույցում...
Աղբյուր` Panorama.am
14:07
ՀԱՊԿ-ի չարձագանքելը չի նշանակում, որ կազմակերպությունում մենք մեր գործառույթը չենք իրականացնում. նախարար
ՀԱՊԿ-ն այն կառույցն է, որի մեջ ապահովում ենք մեր միասնական անվտանգությունը: Այս մասին այսօր գործադիրի նիստից հետո լրագրողների հետ զրույցում...
Աղբյուր` Panorama.am
14:00
Իրանը ՄԱԿ-ին կոչ է արել վերահսկողության տակ վերցնել Իսրայելի՝ «իբրև թե միջուկային ծրագիրը»
Իրանում հայտարարել են, որ Իսրայելը պետք է միանա միջուկային զենքի չտարածման պայմանագրին։
Աղբյուր` Panorama.am
13:47
Նյու Յորքում Փաշինյան-Թրամփ հանդիպում չի սպասվում. Զոհրաբ Մնացականյան
Ներկայումս չենք կարող նախատեսել, որ հապճեպ հանդիպում կկայանա. ԱԳ նախարարը՝ Փաշինյան-Թրամփ հանդիպման մասին
Աղբյուր` Panorama.am
13:44
Վարչապետ Փաշինյանը հանդիպեց բողոքի ակցիա իրականացնող արծվաշենցիներին
Կառավարության դիմաց բողոքի ակցիա անող արծվաշենցիները լարված իրավիճակ էին ստեղծել։ Նրանք փորձել էին անցնել ոստիկանական պատնեշը և մտնել շենք։...
Աղբյուր` Panorama.am
13:40
Հայաստանի հավաքականը 100-րդն է ՖԻՖԱ-ի դասակարգման աղյուսակում
Այսօր հրապարակվել է ՖԻՖԱ-ի դասակարգման նոր աղյուսակը: ՀՖՖ-ից տեղեկանում ենք, որ որ Հայաստանի հավաքականը պահպանել է իր տեղը և զբաղեցնում է 100-րդ...
Աղբյուր` Panorama.am
13:30
ՄԻԵԴ-ը հրապարակեց «Գասպարին ընդդեմ Հայաստանի» վճիռը՝ մարտի 1-ի դեպքերի հետ կապված
Մարդու իրավունքների եվրոպական դատարանն այսօր հրապարակել է «Գասպարին ըննդեմ Հայաստանի» գործով վճիռը։ Գործը վերաբերում է 2008թ.-ի...
Աղբյուր` Panorama.am
13:15
Արնահոսություն քթից, ականջներից՝ օդաչուի պատճառով
Համացանցում տարածված տեսանյութերում երևում է, որ ուղևորները կրում են թթվածնի դիմակներ։
Աղբյուր` Panorama.am
13:04
«Երևան ՋԷԿ»-ի պատճառով «Սպայկան» ու «Արմսանպրոդակտ»-ը ջերմոց կառուցելու ծրագրով կներդնեն ոչ թե 133, այլ 88 մլն դրամ
Գործադիրն այսօրվա նիստում հավանություն տվեց Հայաստանի Հանրապետության կառավարության 2017 թվականի հունիսի 23-ի N 762-Ա որոշման մեջ փոփոխություններ...
Աղբյուր` Panorama.am
13:00
ՄԻԵԴ-ը հրապարակել է Մարտի 1-ի հետ կապված «Սաղաթելյանն ընդդեմ Հայաստանի» գործով վճիռը
Մարդու իրավունքների եվրոպական դատարանն այսօր հրապարակել է Մարտի 1-ի հետ կապված «Սաղաթելյանն ընդդեմ Հայաստանի» գործով վճիռը։...
Աղբյուր` Panorama.am
12:55
Երևանի ընտրություններում փորձարկվելու է արտահերթ խորհրդարանական ընտրությունները. Ա. Զեյնալյան
«Մենք ևս մեկ անգամ հաստատում ենք և պնդում, որ պետք է Հայաստանում անցակացվի արտահերթ խորհրդարանական ընտրություններ»։
Աղբյուր` Panorama.am

Տեսանյութեր

Վարչապետ Փաշինյանը հանդիպեց բողոքի ակցիա իրականացնող արծվաշենցիներին
15:33 20/09/2018

Վարչապետ Փաշինյանը հանդիպեց բողոքի ակցիա իրականացնող արծվաշենցիներին

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}