Հասարակություն 20:18 12/10/2017 Հայաստան

Նախագահը բարերար Էդուարդո Էռնեկյանին հանձնել է Հայրենիքի շքանշան

Նախագահի նստավայրում այսօր տեղի է ունեցել արգենտինահայ բարերար Էդուարդո Էռնեկյանին «Հայաստանի ազգային հերոս» բարձրագույն կոչում շնորհելու հանդիսավոր արարողությունը, որի ընթացքում Հանրապետության Նախագահը՝ համազգային նշանակություն ունեցող բացառիկ ծառայությունների, Հայաստանի շենացմանն ու բարգավաճմանն ուղղված ազգանվեր գործունեության համար մեծանուն բարերարին հանձնել է Հայրենիքի շքանշանը:

Ինչպես տեղեկացնում են Նախագահի մամուլի գրասենյակից, մինչ արարողությունը Սերժ Սարգսյանն ընդունել է Էդուարդո Էռնեկյանին և նրա հետ քննարկել Հայաստանում նոր ներդրումային ծրագրերի իրականացման հետ կապված հարցեր: Մեծանուն բարերարը պատրաստակամություն է հայտնել այդ ուղղությամբ հայրենիքում շարունակել իր գործունեությունը: Պայմանավորվածություն է ձեռք բերվել Հայաստանի տնտեսության համար առաջնահերթ նշանակություն ունեցող հեռանկարային մի շարք ոլորտներում ներդրումային ծրագրերի նախագծերը մշակելուց հետո ներկայացնել կառավարություն:

Հանրապետության Նախագահը Հայաստանի բարձրագույն կոչումը շնորհելու արարողության ժամանակ իր շնորհավորական խոսքում անդրադարձել է մեծանուն բարերարի անցած ուղուն և հայրենանվեր ձեռնարկումներին, բարձր գնահատել նրա գործունեությունը և վստահություն հայտնել, որ Էդուարդո Էռնեկյանը նույն եռանդով շարունակելու է իրականացնել այդ շնորհակալ աշխատանքը:

«Պարոն Էդուարդո Էռնեկյանին հատուկ ներկայացնելու կարիք չկա: Ոչ միայն Արգենտինայում, այլև աշխարհի տարբեր մայրցամաքներում պարոն Էռնեկյանը մեծ համբավ է վայելում` շնորհիվ այն լայնածավալ աշխատանքի, որ իրականացվում է նրա առաջնորդությամբ և ղեկավարությամբ: Դրանում անձամբ համոզվելու հնարավորություն ունեցա ոչ միայն Լատինական Ամերիկայում իմ պաշտոնական շրջագայությունների ժամանակ, այլ նաև եվրոպական մայրցամաքում տարբեր գործարարների և պաշտոնյաների հետ իմ հանդիպումների ընթացքում:

Պարոն Էռնեկյանը, սակայն, իր գործունեությունը դրանով բնավ չսահմանափակեց և որպես իսկական ու նվիրյալ հայ հաստատվեց նաև մայր Հայաստանում և ընդարձակ գործունեություն ծավալեց այստեղ: Առանձնահատուկ պետք է նշեմ, բայց հպանցիկ, որ մեծատաղանդ գործարարը նաև բարեհամբույր բարերար է, և չնայած այն հանգամանքին, որ նա չի խոսում իր կատարած բարեգործությունների մասին, թեև դա հենց այդպես էլ պետք է լինի, այնուհանդերձ, մենք գիտենք դրանց ծավալները, չափերը, գիտենք, որ դրանք կրում են շարունակական բնույթ:

Էդուարդո Էռնեկյանը եկավ Հայաստան և իր հետ բերեց գործարար նոր մշակույթ, որ համապատասխանում է համաշխարհային ամենաբարձր չափանիշներին: Կարող եմ խոստովանել, որ Հայաստան այցելած տարբեր պետական պաշտոնյաներ, միջազգային կառույցների ներկայացուցիչներ մշտապես դրական են արտահայտվում մեր օդանավակայանում իրականացվող ծառայությունների մասին: Շատ կարևոր է, որ մենք դրական արձագանքներ ունենք մեր քաղաքացիներից և ընդհանրապես Հայաստան այցելող յուրաքանչյուր մարդուց: Այն, որ մենք ունենք զբոսաշրջության աճ, կարծում եմ, այստեղ նաև նպաստող հանգամանք է «Զվարթնոց» օդանավակայանի լավ աշխատանքը: Բայց պարոն Էռնեկյանի գործունեությունը Հայաստանում միայն օդանավակայանով չսահմանափակվեց, և օդանավակայանում կատարած հսկայական աշխատանքին լրացնելու են գալիս տարբեր բրենդներ, տարբեր մեծածավալ աշխատանքներ՝ «Կոնվերս բանկը», «Հայփոստը», «Կարասը», այն հսկայական այգին, որ հիշեցնում է եվրոպական ամենաբարձր չափանիշներով մշակված մեծ հողակտոր:

Իհարկե, այս ցուցակն ամբողջական չէ, և պարոն Էռնեկյանի հետ ունեցած իմ հաճախակի զրույցներից գիտեմ, այսօր ևս այդ թեմայով խոսեցինք՝ նոր ներդրումների մասին, և ես պետության անունից, մեր կառավարության անունից այժմ հավաստիացնում եմ, պարո՛ն Էռնեկյան, որ մենք մշտապես պատրաստ ենք Ձեզ հետ քննարկելու ցանկացած ներդրումային ծրագիր, որովհետև գիտենք, որ Դուք միջավայրի կարիք առանձնապես չունեք, և շատ երկրներում ուրախ կլինեն Ձեզ լսելու, Ձեր ներդրումներից օգտվելու: Այնպես որ՝ մենք շատ լավ հասկանում և գիտակցում ենք, որ դա զուտ բիզնես չէ, սակայն զուգահեռաբար այն նաև բիզնես պետք է լինի, որպեսզի օրինակ լինի ուրիշների համար:

Պարո՛ն Էռնեկյան,

Սիրելի՛ հայրենակիցներ,

Էդուարդո Էռնեկյանին «Հայաստանի ազգային հերոս» բարձրագույն կոչումը շնորհելու մեջ ես շատ մեծ խորհուրդ եմ տեսնում: Այո՛, մենք համոզված ենք, որ Հայաստանը շենացնելը հերոսություն է: Այո՛, սփյուռքի ձեռնարկատերերի և Հայաստանի պետության միջև կարող են հաստատվել փոխշահավետ հարաբերություններ, և այս գործընկերային հարաբերությունը պարոն Էռնեկյանի հետ ուղղակի այդ օրինակներից մեկն է: Ես համոզված եմ, որ պարոն Էռնեկյանի հետ միասին ստեղծել ենք լավագույն հնարավոր համագործակցությունը, և այն իսկապես պետք է օրինակ դառնա սփյուռքի մեր բազմաթիվ հայրենակիցների համար:

Երիտասարդ զինծառայողների հետ հանդիպումներից մեկի ժամանակ ես ասել եմ, որ իսկական հրամանատարն այն հրամանատարը չէ, որ ասում է՝ առա՛ջ. իսկական հրամանատարն այն հրամանատարն է, որ ասում է՝ առա՛ջ իմ ետևից: Հիմա պարոն Էռնեկյանը ոչ թե կոչ է անում ուրիշներին, որ պետք է Հայաստանում ներդրումներ, բարեգործություններ կատարել, այլ ուղղակի անձնական օրինակով ցույց է տալիս, թե դա ինչպես է պետք անել: Ես մեծ համոզվածություն ունեմ, որ պարոն Էռնեկյանը՝ որպես առաջամարտիկ, դեռևս շատ երկար ժամանակ շարունակելու է նույն եռանդով իրականացնել այդ շնորհակալ գործունեությունը:

Սրտանց շնորհավորում եմ Ձեզ, պարո՛ն Էռնեկյան, Հայաստանի Հանրապետության հերոսի կոչմանն արժանանալու համար: Ես կարծում եմ, որ այս իրադարձությունը Հայաստանի և մեր ժողովրդի համար էլ է շատ կարևոր իրադարձություն: Վստահ եմ, որ նաև անձնապես Ձեզ համար է կարևոր իրադարձություն, որովհետև ճանաչման ավելի մեծ չափանիշ չկա, քան պետության բարձրագույն կոչումը: Ես համոզված եմ, որ հայ ժողովրդի ապագան փայլուն է, որովհետև մեր ժողովուրդն ունի բազմաթիվ տաղանդավոր զավակներ:

Ուրեմն փա՛ռք մեր ժողովրդին և փա՛ռք մեր հերոսներին»,- ասել է Հանրապետության Նախագահը:

Էդուարդո Էռնեկյանը իր համար մեծ պատիվ է համարել հայրենիքի բարձրագույն պարգևին արժանանալը, երախտագիտություն հայտնել Հանրապետության Նախագահին և ընդգծել, որ այն ընդունում է մեծ պատասխանատվության զգացումով և խոնարհությամբ:

«Պարո՛ն Նախագահ, շնորհակալ եմ Ձեր ջերմ խոսքերի համար: Իրոք, մեծ պատիվ է լինել այսօր այստեղ, ստանալ Ազգային հերոսի շքանշանը, որը Դուք ինձ շնորհել եք:

Ես այն ընդունում եմ անչափ մեծ խոնարհությամբ և պատասխանատվության զգացումով:
Իմ սիրելի ծնողների և ավագ եղբոր մասին հուշերը ինձ համար կենդանանում են այսօր:

Ինչպես գիտեք, Անդրանիկը՝ իմ եղբայրը, ով բժիշկ էր, միավորեց իր խիզախ հայրենակիցներին, մեր նախնիների հողը՝ Արցախը, պաշտպանելու նպատակով, ինչպես արեցիք Դուք, պարո՛ն Նախագահ: 

Ես կիսում եմ այս պատիվը նրանց հետ, որովհետև ես ժառանգել եմ հայրենասիրության, զոհաբերության և ծառայության ոգի, որն ինձ պարտավորեցնում է կանգնել Հայաստանի՝ մի երկրի կողքին, որը շատ բան է տվել դարերի ընթացքում:

Որպես հայկական ծագումով Արգենտինայի քաղաքացի՝ ես համարում եմ, որ իմ պարտքն է միանալ բոլոր իրական հերոսներին, ովքեր ամեն օր այս պետությունը հզոր են դարձնում, կյանքի են կոչում մեր նախնիների տեսլականը և կերտում այսօրվա ու վաղվա երկիրը: Իմ երախտագիտությունն ու հիացմունքն եմ հայտնում նրանց բոլորին և իմ արգենտինահայ ընկերներին, ովքեր շատ բան են անում այս պետության համար:

Թող այս մեդալը լինի մեծարանք բոլոր վերոհիշյալների համար և ժառանգություն՝ գալիք սերունդներին: Նրանց բոլորին հայտնում եմ իմ շնորհակալությունը: Ես վայելում եմ ժողովրդի հարգանքը: Հայաստանի ապագայի համար ամեն օր աշխատող մարդիկ են այս պահի իրական հերոսները:

Շնորհակալ եմ, պարո՛ն Նախագահ: Բոլորիցդ շատ շնորհակալ եմ»,- ասել է Էդուարդո Էռնեկյանը:

Նախագահի նստավայրում Էդուարդո Էռնեկյանին Հայաստանի բարձրագույն կոչում շնորհելու արարողության ժամանակ Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսն իր ջերմագին շնորհավորանքները և Հայրապետական օրհնությունն է բերել երախտավոր հայորդուն պետական բարձր պարգևի արժանացնելու կապակցությամբ:

«Գոհունակ սրտով ենք մասնակցում Հայաստանի Հանրապետության Նախագահի կողմից մեր ժողովրդի ու մեր Սուրբ Եկեղեցու մեծազնիվ զավակ տիար Էդուարդո Էօրնեկյանին «Հայաստանի ազգային հերոս»-ի կոչման ու պարգևի հանձնման այս հանդիսավոր արարողությանը: Պարգևը արժանի գնահատանք է ազգային կյանքում մեծ բարերարի ավանդի ու ծառայությունների, որոնք առատ արգասիքներն են նրա բարեպաշտ հոգու և ջերմ ազգասիրության ու հայրենասիրության:
Փառք և գոհություն Ամենակալ Աստծուն, որ մեր ժողովրդին շնորհում է զավակներ, ովքեր իրենց կյանքը նվիրում են դարձնում հարազատ ժողովրդին ու հայրենիքին ծառայությունը:

Սփյուռքում ծնված շատ հայորդիների նման տիար Էդուարդո Էօրնեկյանը չէր կարող անտարբեր մնալ հայրենիքի առջև ծառացած խնդիրների ու մարտահրավերների հանդեպ և անկախ պետականության առաջին իսկ օրից ազնիվ հանձնառությամբ իր զորակցությունը բերեց Հայաստանին ու Արցախին: Նրա բարերարությամբ կյանքի կոչված մեծածավալ ծրագրերը կարևոր նպաստ են մեր երկրի տնտեսության զարգացման գործում, ինչպես և՝ նշանակալի աջակցություն կրթությանն ու մշակույթին: Սրտի գոհունակությամբ ենք անդրադառնում նաև, որ տիար Էդուարդո Էօրնեկյանը սատարում է մեր Եկեղեցու, Մայր Աթոռ Սուրբ Էջմիածնի առաքելությանը՝ իր մեծ ավանդը բերելով հոգևոր մեր կյանքի պայծառացմանը: Այսպիսի օրհնաբեր իրագործումներով, որոնք զորացնում ու բարօր են դարձնում մեր հայրենիքը, շենացնում ազգային-եկեղեցական կյանքը, գրվում են մեր ժողովրդի նորօրյա պատմության փառքի էջերը:

Այս պահին կցանկանայինք առանձնացնել նաև, որ մեր ժողովրդի բարերար զավակների նվիրումը, իրագործվող ազգանվեր ու հայրենաշեն ծրագրերը, բոլորիս համար մեծ քաջալերություն լինելով, միաժամանակ վառ օրինակ են պատանի և երիտասարդ հայորդիների և գալիք սերունդների համար: Թող այսպես լինի միշտ, թող Բարձրյալ Տերը մեր զավակներին հանապազ շնորհի բարեպաշտության, հայրենյաց սիրո, պատասխանատվության ու նախանձախնդության ոգի, և մեր կյանքից անպակաս լինի պարծանքը ազնիվ գործերի:

Այս ուրախալի առիթով Մեր ջերմագին շնորհավորանքներն ենք բերում Ձեզ, սիրելի՛ պարոն Էօրնեկյան և մաղթում արևշատ կյանք ու նոր հաջողություններ՝ Ձեր և Էօրնեկյան բարեգործ գերդաստանի ազնիվ նախաձեռնություններին ու գործերին:

Հայրապետական Մեր օրհնությունը, գնահատանքը և շնորհավորանքն ենք բերում Ձեզ, մեծարգո՛ Նախագահ, ազգային անդաստանում բացառիկ ծառայություններ մատուցած երախտավոր հայորդիներին պետական բարձր պարգևների արժանացնելու համար:
Աղոթքով առ Աստված հայցում ենք, որ խաղաղ պահի մեր հայրենիքը և օրհնի մեր ժողովրդի ջանքերը՝ հանուն աշխարհասփյուռ հայ կյանքի շենացման ու պայծառության»,- ասել է Վեհափառ Հայրապետը:



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

13:13
Դիարբեքիրի 16 գյուղերում հայտարարվել է պարետային ժամ
Հոկտեմբերի 19-ին առավոտյան Թուրքիայի Դիարբեքիր նահանգի Հազրո, Քուլփ, Սիլվան և Լիջե շրջանների 16 գյուղերում  հայտարարվել է պարետային ժամ:...
Աղբյուր` Panorama.am
12:52
Խարկովում «Լեքսուս»-ը մխրճվել է մարդկանց բազմության մեջ
«Հայտնվել է վթարի վայրից առաջին տեսանյութը: Այն դիտելուց հետո կասկած չունեմ, որ մեղավորը «Լեքսուս»-ի կին վարորդն է»:
Աղբյուր` Panorama.am
12:15
Ռադայի մոտ ցուցարարները պատգամավորներին պարտադրում են ընդունել իրենց պահանջած օրենքները
Ցուցարարները հույս ունեն, որ այսօր պատգամավորներն առողջապահական բարեփոխումներին կողմ քվեարկելուց հետո կանցնեն իրենց պահանջների քննարկմանը:
Աղբյուր` Panorama.am
12:04
«Ինչպե՞ս խուսափել Ղարաբաղում լայնամասշտաբ պատերազմից». Ճեպազրույց ԱՄՆ Կոնգրեսում
Այս մասին տեղեկացնում է Միացյալ Նահանգների Կոնգրեսի Հելսինկյան Հանձնաժողովի պաշտոնական կայքը։
Աղբյուր` Panorama.am
12:00
Ոստիկանություն. Այնթափի գյուղապետի մեքենայի համարանիշերը առգրավվել են
Արարատի մարզի Այնթափի գյուղապետ Կարեն Սարգսյանի մեքենայի ռուսական պետհամարանիշերը առգրավվել են՝ սահմանված կարգով ոչնչացնելու համար: Այս մասին...
Աղբյուր` Panorama.am
11:50
Խցանումների հին հարցը և վարչապետի նոր հանձնարարականը
2-ամսյա ժամկետում ուսումնասիրել Երևան քաղաքում խցանումների նվազեցման հնարավորությունները:
Աղբյուր` Panorama.am
11:40
Տրամաբանության չափով պետք է լեգալիզացնել անտառհատումները. Վարչապետ
«ապօրինի ծառահատումների համար սահմանված վարչական և քրեական պատասխանատվության միջոցները չեն նպաստում դրանց կանխարգելմանը»
Աղբյուր` Panorama.am
11:36
Ամփոփվել են Արևորդի 7-րդ միջազգային բնապահպանական փառատոնի արդյունքները
Փառատոնի ֆիլմերի ծրագրի երեք՝ «Շրջակա միջավայր», «Վայրի բնություն», «Մանկապատանեկան» անվակարգերում հայտարարվել են հաղթող ֆիլմերը։
Աղբյուր` Panorama.am
11:25
Կարեն Կարապետյան. Մենք ուզում ենք ունենալ մրցունակ, առաջադեմ ազգ
«Համոզված եմ, որ կհաջողեն այն երկրները, ովքեր կկարողանան արագ ադապտացվել նոր իրավիճակին և կլինեն նորարարություններ ստեղծող և առաջարկող»:
Աղբյուր` Panorama.am
11:11
«Պողիկտոս» օպերան վերականգնված տարբերակով վերադառնում է օպերային թատրոնի խաղացանկ
Պարտիտուրան Հայաստան է բերվել 1970 - ականներին, Վատիկանի գրադարանից, Վազգեն Առաջինի և Հռոմի պապի բանակցությունների շնորհիվ։
Աղբյուր` Panorama.am
11:00
Հայտնի թուրք գործարարը ձերբակալվել է
Նախորդ տարվա ապրիլի 24-ին Քավալան այցելել է Հայոց ցեղասպանության հուշարձան և հարգանքի տուրք մատուցել զոհերի հիշատակին:
Աղբյուր` Panorama.am
10:51
Իտալիայում 3,3 մագնիտուդ ուժգնությամբ երկրաշարժ է տեղի ունեցել
Հաղորդվում է, որ երկրաշարժի օջախը գտնվել է 2 կմ խորության վրա։
Աղբյուր` Panorama.am
10:43
Արցախի Կարմիր շուկա համայնքը բազմաբնակարան շենքերով նոր թաղամաս կունենա
Մարտունու շրջանի Կարմիր շուկա համայնքի հին դպրոցի շենքի տեղում Արցախի ներդրումային հիմնադրամի միջոցներով բազմաբնակարան 2 շենք է կառուցվում:...
Աղբյուր` Panorama.am
10:35
Բեյրութում մաքսանենգներից բռնագրավվել են Դալիի կտավը
Այն գնահատվում է մի քանի միլիոն դոլար:
Աղբյուր` Panorama.am
10:23
Հոկտեմբերի 19-ը Հրթիռահրետանային զորքերի օրն է
Զինված ուժերի տոնացույցում հոկտեմբերի 19-ը նշվում է որպես Հրթիռահրետանային զորքերի օր: ՀՀ զինված ուժերի կազմավորմանը զուգընթաց ձևավորվել են...
Աղբյուր` Panorama.am
10:10
Բանգկոկի օդանավակայանները Ռամա IX թագավորի հրաժետի օրերին կընդունեն ավելի քան 3 միլիոն ուղևոր
Երկու օդանավակայանները հոկտեմբերի 23-31-ը սպասարկելու են շուրջ 15 հազար ներքին և միջազգային չվերթներ
Աղբյուր` Panorama.am
09:42
ԵԱ. Ժորժ Եղիկյանը փոքր բրոնզե մեդալ է նվաճել
Ալբանիայի Դուրրես քաղաքում ընթանում է ծանրամարտի երիտասարդների և Մ 23 տարեկանների Եվրոպայի առաջնությունը։
Աղբյուր` Panorama.am
09:27
Նելլի Դուրյանին զայրացրել է իր ունեցվածքի մասին լրագրողի հարցը. «Հրապարակ»
«Հրապարակ»-ում կարդում ենք. «Ոստիկանության քրեական հետախուզության երրորդ վարչության պետ Նելլի Դուրյանը ջղաձգվել է, երբ մեր...
Աղբյուր` Panorama.am
09:26
«Հողեր ոչ մեկը ոչ մեկի չի փոխանցելու». ռուս քաղաքագետը՝ Սարգսյան-Ալիև հանդիպման մասին. «168 Ժամ»
«Ժնևյան հանդիպման ընթացքում նախագահներն ընդհանուր հարցեր են քննարկել, որոնք միշտ են քննարկում Ղարաբաղյան կարգավորման շրջանակում:...
Աղբյուր` Panorama.am
09:24
Փոխոստիկանապետը հերքում է Քննչական կոմիտեի և ոստիկանության միջև հակասությունների մասին լուրերը. «Ժողովուրդ»
ՀՀ քննչական կոմիտեի և ոստիկանության միջև միջգերատեսչական լարվածությունը վաղուց նորություն չէ, և պարբերաբար ականատես ենք լինում նրանց միջև...
Աղբյուր` Panorama.am
09:13
«Հարավկովկասյան երկաթուղիների» գնումները՝ իրավապահների ուշադրության կենտրոնում. «Ժամանակ»
«Ժամանակ»-ի տեղեկություններով՝ վերջերս իրավապահների ուշադրությունն են  գրավել «Հարավկովկասյան երկաթուղիներ» ՓԲԸ-ի...
Աղբյուր` Panorama.am
09:12
Գյուղական բնակչության թիվը նվազել է. «Փաստ»
Հայաստանի մշտական գյուղական բնակչության միջին թվաքանակի վերաբերյալ 2017թ. առաջին և երկրորդ կիսամյակների ցուցանիշները հայտնի են:...
Աղբյուր` Panorama.am
09:11
Մալաթիա համայնքում դեղատների բիզնեսում կատաղի պայքար է ընթանում. «Առավոտ»
Դեղատների բիզնեսում կատաղի պայքար է գնում. Մալաթիա համայնքում, ինչպես բնակիչներն են ասում՝ Բանգլադեշում Անդրանիկի փողոցի վրա ընդամենը 150-200...
Աղբյուր` Panorama.am
09:10
Հայաստանի եզդիները զբաղվում են գորտերի առքուվաճառքով. «Ժողովուրդ»
Հայաստանում եզդիները զբաղվում են ոչ միայն ոչխարների, այլ գորտերի առքուվաճառքով: «Ժողովուրդ»-ի հաղորդմամբ՝ գորտերի հիմնական...
Աղբյուր` Panorama.am
09:09
Դանիական ընկերությունը դադարեցրել է Թեղուտը շահագործող «Վալեքս» խմբի ֆինանսավորումը. ՀԺ
«Հայկական ժամանակ»-ը գրել է, որ դանիական «Արտահանումների վարկավորման գործակալությունը» և PenslonDenmark մասնավոր...
Աղբյուր` Panorama.am
09:08
Կարեն Կարապետյանը 2018թ.-ին կդառնա փոխվարչապետ, Սերժ Սարգսյանը՝ վարչապետ. «Ժամանակ»
«Ժամանակ»-ի տեղեկություններով՝ իշխանության ներսում  օրերս մեծ համաձայնություն է կայացրել, ըստ որի՝ Ժնևից վերադառնալու նախօրեին...
Աղբյուր` Panorama.am
09:07
Գնաճի նոր ալիք է սպասվում. «Ժողովուրդ»
«Ժողովուրդ»-ը գրել է. «Կառավարությունը որոշել է պարզապես ծաղրել ժողովրդին՝ ամեն կերպ արդարացնելով թանկացումները և կոչ անելով...
Աղբյուր` Panorama.am
09:05
Հայաստան-ԵՄ համաձայնագրի ստորագրումը, հնարավոր է, ձգվի մինչև տարեվերջ. «Հրապարակ»
ԵՄ հարևանության ծրագրի վերջնական ստորագրումը հնարավոր է ձգվի մինչև տարեվերջ: Բանն այն է, որ ԵՄ 28 երկրները պետք է համաձայնագրի տակ դնեն իրենց...
Աղբյուր` Panorama.am
20:50
Պեսկովը մեկնաբանել է նախագահական ընտրություններում Սոբչակի մասնակցության հարցը
Պեսկովը նաև Սոբչակին տաղանդավոր մարդ է անվանել։
Աղբյուր` Panorama.am

Տեսանյութեր

Արա Զոհրաբյան. «Ընտանեկան բռնության կանխարգելման մասին» օրենքը վերաբերում է բոլորիս
15:42 18/10/2017

Արա Զոհրաբյան. «Ընտանեկան բռնության կանխարգելման մասին» օրենքը վերաբերում է բոլորիս

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}