Beeline-ի աջակցությամբ պարգևատրվել են հեքըթոնի հաղթող թիմերը
Թումո ստեղծարար տեխնոլոգիաների կենտրոնում հոկտեմբերի 20-21-ին կայացել է Beeline Հայաստանի և Մայքրոսոֆթ ինովացիոն կենտրոն Հայաստանի կողմից կազմակերպված «Հեքըթոն» նորարար գաղափարների և ծրագրավորման մրցույթը:
«ՎԵՈՆ Արմենիա» ՓԲԸ-ի (Beeline ապրանքանիշ) մամուլի ծառայության հաղորդմամբ, հաղթող է ճանաչվել Lezoo թիմը, որը արժանացել է 3000 դոլարին համարժեք գումարի չափով մրցանակի: Թիմը մշակել է մի լուծում, որը թույլ էր տալիս ոչ միայն խմբակային զանգ կատարել, այլև խոսակցության ընթացքում ունենալ համաժամանակյա թարգմանություն։
Երկրորդ տեղի մրցանակին արժանացան երկու թիմեր՝ iterate և megista, որոնք կստանան 1000-ական ԱՄՆ դոլարին համարժեք գումարի չափով մրցանակ։ Iterate թիմի մշակած լուծումը թույլ է տալիս հեռահաղորդակցության կապից օգտվողին տեսահոլովակներ նայելու միջոցով հավաքել միավորներ և հետագայում այդ միավորները փոխանակել հեռախոսակապի րոպեների հետ։ Իսկ Megista թիմի մշակած պրոդուկտը թույլ է տալիս հաճախորդի ունեցած տվյալների վերլուծության հիման վրա առաջարկել նրան տվյալ օպերատորի առաջարկած ամենալավ սակագնային պլանը։
«Թիմերը մեծ աշխատանք են կատարել այս 24 ժամվա ընթացքում և ներկայացրել են իսկապես օգտակար և հետաքրքիր լուծումներ։ Կարծում եմ, մեր հեքըթոնը կարելի է համարել կայացած։ Շնորհակալ եմ բոլոր մասնակիցներին հեռահաղորդակցության ոլորտի նկատմամբ հետաքրքրություն ցուցաբերելու համար։ Դա այն ոլորտն է, որը 21-րդ դարում վերաբերում է գրեթե ամեն մեկին, հետևաբար դրա զարգացումը կենսական նշանակություն ունի բոլորիս համար։ Իսկ այսպիսի նորարար և հետաքրքիր լուծումները կարող են շատերի կյանքը դարձնել ավելի լավը», - նշել է Հայաստանում Beeline-ի գլխավոր տնօրեն Անդրեյ Պյատախինը:
«Հեռահաղորդակցության հեքըթոնին մասնակցող թիմերը բազմաթիվ հետաքրքիր լուծումներ էին մշակել՝ կիրառելով նորագույն տեխնոլոգիաներ և հիմնվելով այս ոլոտում առկա big data-ի վրա։ Լուծումներից շատերը հետագայում կարող են դառնալ բավականին նորարար և եկատմաբեր պրոդուկտներ, որոնք կիրառելի կլինեն հեռահաղորդակցության օպերատորների կողմից ցանկացած երկրում», - նշել է Մայքրոսոֆթ ինովացիոն կենտրոնի տնօրեն Արտաշես Վարդանյանը։
Դիմում-հայտ ներկայացրած 40-ից ավել թիմերից ընտրվել էին 25-ը, որոնք մրցույթի 24 ժամվա ընթացքում մշակեցին հեռահաղորդակցության ոլորտին վերաբերող տարբեր լուծումների փորձնական տարբերակներ և ներկայացրեցին մասնագետների դատին։ Մրցույթի որպես ընտրության չափանիշ կիրառել է 24 ժամում կատարված աշխատանքի ծավալը, գաղափարի նորարարությունը և կիրառելիությունը։
Հարակից հրապարակումներ`
- Beeline-ի աջակցությամբ մեկնարկել է Մայքրոսոֆթ ինովացիոն կենտրոն Հայաստանի հեքըթոնը
- Երևանում մեկնարկել է «Հեքըթոն 2016»-ը
- Beeline-ը և Մայքրոսոֆթ ինովացիոն կենտրոն Հայաստանն ընդունում են «Հեքըթոն»–ին մասնակցության հայտեր
Լրահոս
Տեսանյութեր
Եթե մտանք նոր սահման գծելու տրամաբանության մեջ, մենք մեր բոլոր սահմանները կկորցնենք. Փաշինյան