Ֆրանսիայում ձերբակալվել է «ռուսական մաֆիայի» 35 անդամ
Կազմակերպված հանցագործությունների բաժնի ոստիկանները հատուկ գործողություն են անցկացրել Փարիզում և նրա արվարձաններում՝ նախկին ԽՍՀՄ-ից ներգաղթածների կողմից ստեղծված քրեական խմբավորման անդամներին ձերբակալելու համար։
«Լենտա.ռու»-ի փոխանցմամբ՝ ֆրանսիական հատուկ ծառայությունները կասկածյալներին հետևել են ավելի քան երկու տարի։ Քննությունը իրականացվել է Ֆրանսիայում Վրաստանի դեսպանատան, Ինտերպոլի ու Եվրոպոլի օժանդակությամբ։ Արդյունքում հատուկ ծառայությունների աշխատակիցների ձեռքերում են հայտնվել «35 մարդ, այդ թվում 8 կին», որոնք հիմնականում վրացիներ են։ Նրանք մասնակցել են «կողոպուտների, դրամաշորթությունների, մարդկանց առևտրի»։
Խուզարկությունների ընթացքում ոստիկանները բռնագրավել են 70 հազար եվրո կանխիկ գումար, մի քանի ատրճանակ ու ավտոմեքենա։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ