Գետինը մտնեն, էդքան հարստանալ պետք չի էլի. գեներալ Սարոյանը՝ թանկացումների մասին
Եթե նախագահն ասում է, որ որոշ համայնքապետեր թալանել են պետական բյուջեն, ուրեմն մի բան գիտի: Լրագրողների հետ զրույցում այսօր ԱԺ-ում այս մասին ասաց Հանրապետական խմբակցության պատգամավոր, գեներալ Սեյրան Սարոյանը:
«Մեր նախագահը ճիշտ ա ասել»,- շեշտեց խորհրդարանականը:
Հարցին՝ արդյոք համայնքապետերը շա՞տ են թալանել, Սեյրան Սարոյանը պատասխանեց. «Ի՞նչ իմանամ, ես ռեվիզո՞ր եմ, Իշխան Զաքարյանին հարցրեք»:
Գեներալի խոսքով, համայնքապետերը ոչ թե գողեր են, որ մսխել են պետական միջոցները, այլ ուղղակի, հնարավոր է, թերացել կամ գումարները ճիշտ չեն ծախսել:
«Էսօր մեր համայնքապետեր ո՞նց են: Շատերը դաժե գրագիտություն չունեին: Ազգովի շատ էին, իրանց ազգությունը շատ էր, գյուղում դառնում էին գյուղապետ, ու էդ փողերը ծախսում էին ոչ թե նորմալ տեղերում, այլ՝ ոնց ուզեին: Հիմա խնդիրը ոչ թե գողանալն է, երևի ճիշտ չեք հասկացել նախագահի ասածը, այլ որ այդ փողերը չի կարելի փոշիացնել, փչացնել»,- ասաց Սեյրան Սարոյանը:
Լրագրողները գեներալին խնդրեցին անդրադառնալ նաև վերջին թանկացումներին:
«Դե որ ամոթ ունենան, չեն թանկացնի էլի: Գետինը մտնեն, էդքան հարստանալ պետք չի էլի»,- ի պատասխան ասաց խորհրդարանականը:
Իսկ ինչու գեներալը չի մասնակցում ԱԺ պաշտպանության հանձնաժողովի նիստերին, հետաքրքրվեցին ԶԼՄ ներկայացուցիչները: «Հիվանդացել եմ»,- ասաց նա՝ միաժամանակ հավելելով, որ արդեն լավ է:
Ինչ վերաբերում է սահմանային իրադրությանը՝ գեներալ պատգամավորը խնդրեց իրեն այդ մասին ավելի ուշ հարցնել՝ պատճառաբանելով, որ նոր է վերադարձել Հայաստան և իրավիճակին չի տիրապետում:
Հարակից հրապարակումներ`
- Սերժ Սարգսյան. Մենք կարող ենք և պարտավոր ենք միասին ու պատվով հանձնել այս քննությունը
- «Համայնքների խոշորացմամբ մենք թվաբանության խնդիր չենք լուծում»
- Նախագահը մասնակցել է տեղական ինքնակառավարման և տարածքային կառավարման մարմիններին նվիրված խորհրդաժողովին
- Կառավարության առաջարկած նոր մոդելով՝ համայնքներն ինքնուրույն են ֆինանսական միջոցներ հայթայթելու
- Առաջիկա տարիներին նախատեսվում է խոշորացնել ևս 450 համայնք
- ՀՀԿ-ական պատգամավոր. Աղքատներին թանկացումը չի վնասում, մեկ է գումար չունեն և առևտուր չեն անում. «Ժողովուրդ»
- Հայաստանին թանկացումների նոր ալիք է սպասվում. «Ժողովուրդ»
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ