ԱՄՀ-ն հրապարակել է 15 հարուստ երկրների ցանկը
Արժույթի միջազգային հիմնադրամն ամփոփել է այս տարվա հոկտեմբերին անցկացված հետազոտության տվյալներն ու հրապարակել է աշխարհի ամենահարուստ 15 երկրների անունները: Այս երկրներում բնակչության մեկ շնչին բաժին ընկնող ՀՆԱ-ն ամենաբարձրն է: Հետազոտության ժամանակ հաշվի են առնվել ներդրումների ծավալը, բանկային համակարգը և տնտեսության մեջ կարևոր դեր խաղացող այլ գործոններ:
Աղբյուրի փոխանցմամբ, աշխարհի ամենահուրստ երկիրը Քաթարն է: Այն բնական գազի պաշարներով աշխարհում 3-րդն է, 6-րդ խոշոր արտահոնղը, նավթի 21-րդ արտահանողը: Բնակչության մեկ շնչին բաժին ընկնող ՀՆԱ-ն կազմում է 124 930 դոլար:
Հաջորդը Լյուքսեմբուրգն է, որի բնակչության կենսամակարդակը շատ բարձր է: Շնորհիվ շահավետ պայմանների ու օֆշորային գոտիների այնտեղ տեղակայված են մոտ հազար ներդրումային ֆոնդեր, ավելի քան 200 բանկեր: Այստեղ բնակչության մեկ շնչին բաժին ընկնող ՀՆԱ-ն կազմում է 109 190 դոլար:
Երրորդ տեղում Սինգապուրն է, բնակչության մեկ շնչին բաժին ընկնող համախառն ներքին արտադրանքը կազմում է 90 530 դոլար:
Այն ունի զարգացած շուկայական տնտեսություն, ցածր հարկեր, ինչը հրապուրում է ներդրողներին: Այն ընդհանուր առմամաբ հինգ հարկատեսակ ունի, որոնցից են շահութահարկն ու աշխատավարձի հարկը: Այստեղ զարգացած է էլեկտրոնիայի արտադրությունը, ֆինանսական ծառայությունների ոլորտը, նավաշինությունը: Լայնածավալ հետազոտություններ են իրականացվում բիոտեխնոլոգիայի ոլորտում:
Առաջին հնգյակում են Բրունեյն ու Իռլանդիան: Բրունեյը համարվում է ամենաապահովված երկրներից մեկը: Բնակիչների ու սուլթանի հարստության համար այն երբեմն անվանում են «Իսլամական Դիսնեյլենդ»: Նավթի ու գազի հարուստ պաշարների շնորհիվ կենսամակարդակով այն Ասիայում առաջին տեղն է զբաղեցնում: ՄԵկ շնչին բաժին ընկնող ՀՆԱ-ն կազմում է 76 740 դոլար:
Իռլանդիայում մեկ շնչին բաժին ընկող ՀՆԱ-ն կազմում է 72 630 դոլար: Տնտեսական աճի հիմնական շարժիչը արտահանումն է, սակայն արտադրությունը նույնպես նպաստում է սպառողական ծախսերի , շինարարության ու ներդրումների աճին:
15 հարուստ երկրների թվում են նաև Նորվեգիան, Քուվեյթը, ԱՄԷ-ն, Շվեյցարիան, Հոնկոնգը, Սան Մարինոն, ԱՄՆ-ն, Սուադիան Արաբիան, Նիդերլանդները, Իսլանդիան: