«Երկուսն էլ խեղդվող չեն». Կարեն Ավագյանը՝ Փաշինյանի ու Գեղամյանի մասին. «Հրապարակ»
Երեկ, Երևանի պետական բժշկական համալսարանի ուսանողական խորհրդարանի 25-ամյակին նվիրված միջոցառման ժամանակ, ուշագրավ հարցուպատասխան է ծավալվել բուհի ուսանողներից մեկի և ՀՀԿ-ական պատգամավոր Կարեն Ավագյանի միջև։
«Հրապարակ»-ի փոխանցմամբ՝ Բուհի ԿՎՆ-ի թիմի բլից հարցերից մեկին, թե՝ պատկերացրեք նավով գնում են Նիկոլ Փաշինյանը և Արտաշես Գեղամյանը, սկսվում է փոթորիկ, ո՞ւմ կփրկեք առաջինը, պատգամավորն ինքնագոհ նետել է․ «Նավակին, որովհետև իրենք երկուսն էլ խեղդվող չեն»։
Ըստ թերթի, միջոցառմանը ՀՀԿ երիտթևի հավերժ նախագահ Ավագյանից բացի մասնակցել է նաև ՀՀԿ-ական ոչ պակաս «երիտասարդ» պատգամավոր Արմեն Աշոտյանը, որոնք երկուսն էլ այդ բուհի շրջանավարտ են, իսկ հիմա էլ հոգաբարձուների խորհրդի կազմում են։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ