Քաղաքական 16:05 12/01/2018 Հայաստան

Սերժ Սարգսյան. Ակնհայտ է, որ խորհրդարանի աշխատանքի որակի աճ ենք արձանագրել

«Այս հանդիպումը որոշ չափով աննախադեպ է: Թեև ես պարբերաբար հանդիպում եմ Ազգային ժողովի նախագահի, այլ պատգամավորների հետ, բայց անհրաժեշտություն համարեցի այսօր հանդիպում կազմակերպել այս ձևաչափով»,- այս մասին նշել է ՀՀ նախագահ Սերժ Սարգսյանն՝ այսօր Ազգային ժողովի ղեկավար կազմի հետ հանդիպման ժամանակ։

ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունից ներկայացնում են Սերժ Սարգսյանի խոսքն ամբողջությամբ։

«Ազգային ժողովի մեծարգո՛ նախագահ,

Օրենսդիր իշխանության հարգելի՛ գործընկերներ,

Ազգային ժողովի գործունեության իմ տեսլականը մանրակրկիտ ներկայացրել եմ անցյալ տարվա մայիսի 18-ի ծավալուն ելույթում և բնականաբար այսօր չեմ կրկնի այդ ուղերձի դրույթները, այլ կկենտրոնանամ բոլորիս հուզող այլ հարցերի վրա:
Մեզ յուրահատուկ առաքելություն է վիճակվել Հայաստանի կառավարման համակարգը վերափոխելու ուղղությամբ: Ապրիլի 9-ից Հայաստանի Հանրապետությունն անցնում է խորհրդարանական կառավարման համակարգի, և պետք է ասեմ, որ բավարարված եմ այս ուղղությամբ Ազգային ժողովի կողմից իրականացվող աշխատանքներով. անցած տարվա մայիսի 18-ից ի վեր դուք ընդունել եք 286 օրենք, որոնցից 15-ը լիովին նոր օրենքներ են:

Սրանք լավ և, իհարկե, դրական միտումներ են, այդուհանդերձ, չպետք է պարզապես արձանագրենք այս ցուցանիշը և բավարարվենք արվածով: Պարտավոր ենք պահպանել աշխատանքի այս տեմպը, որպեսզի կարողանանք ճիշտ ժամանակին անհրաժեշտ օրենսդրական լուծումներ տալ առկա բոլոր խնդիրներին:
Կարճ ժամանակում էլի պետք է ահռելի օրենսդրական աշխատանք կատարվի, ուստի աշխատանքի արդյունավետությունը դառնում է խիստ կարևոր: Պետք է նոր և ամբողջական տեսքի բերվի Դատական օրենսգիրքը, նոր օրենքներ պետք է ընդունվեն Սահմանադրական դատարանի մասին, կառավարության մասին, անվտանգության խորհրդի մասին, և այս անցումային շրջանը պետք է հաջողությամբ ավարտենք, իսկ հաջողության չափանիշն այս պարագայում լինելու է սահուն, հարթ և անցնցում ընթացքը:

Հարգելի՛ գործընկերներ,

Ձեր աշխատանքի անցած գրեթե ութ ամիսները ցույց տվեցին, որ Ազգային ժողովը հիրավի հանդիսանում է Հայաստանի հասարակական և քաղաքական գործընթացների կենտրոնական և հիմնական հարթակը: Այս հանգամանքը լիովին արտացոլվեց ոչ միայն Ազգային ժողովի լիագումար նիստերում, այլև մշտական հանձնաժողովների աշխատանքներում, ինչպես նաև տեղի ունեցած խորհրդարանական լսումների ընթացքում:

Կարևոր դերակատարություն է վերապահված սահմանադրական փոփոխությունների արդյունքում ձևավորված նոր մարմնին` Ազգային ժողովի խորհրդին: Այն պետք է զարգանա և ամրապնդվի՝ էապես նպաստելով ձեր աշխատանքի արդյունավետ կազմակերպմանը:

Ազգային ժողովը պետք է հանդես գա որպես մեծամասնության և փոքրամասնության երկխոսության և համատեղ աշխատանքի կարևոր հարթակ: Այս առումով, ինչպես և աշխարհի բոլոր ժողովրդավարական երկրներում, ամեն ինչ չէ, որ հարթ և սահուն է ընթանում: Լիագումար նիստերում երբեմն ոչ միայն ընդդիմությունը, այլև կառավարող ուժի ներկայացուցիչները տեղի են տալիս հույզերին և շիկացնում մթնոլորտը, բայց սրանք ժողովրդավարական զարգացման և աճի բնականոն խնդիրներ են, որոնք, համոզված եմ, ժամանակի հետ, հանդարտվելու են:

Այստեղ պետք է նշեմ, որ ես գնահատում եմ Ազգային ժողովի նախագահի հետևողականությունը և համբերությունը որոշ պատգամավորների հետ շփումներում: Բոլոր պարագաներում մենք պետք է շարունակենք ամրապնդել հանդուրժողականությունը և փոխադարձ հարգանքը ծավալվող քաղաքական քննարկումներում: Կառավարող ուժի ներկայացուցիչները պետք է լինեն ավելի զուսպ՝ հաշվի առնելով իրենց կարգավիճակը:

Դեպի ապագան միտված այս անցումային շրջանում մեր ուշադրությունից չպետք է վրիպեն նաև երկրի առօրյայի և սոցիալ-տնտեսական զարգացման խնդիրները: Մի քանի օր առաջ խորհրդակցություն էի հրավիրել առանձին ապրանքատեսակների գնաճի և դրա հետևանքների մեղմման լուծումների շուրջ: Խորհրդարանը պետք է իր ձեռքը պահի երկրի զարկերակի վրա, և սա բնական է: Ազգային ժողովն արդեն մի քանի ուշագրավ խորհրդարանական լսումներ է անցկացրել, և գուցե արժե նաև այս հարցի շուրջ նման լսումներ կազմակերպել, որպեսզի հարցը հանգամանորեն հրապարակավ քննարկվի, և մարդիկ տեսնեն իրողությունները: Ինքներդ տեսեք նպատակահարմարությունը, բայց կարծում եմ, որ օգտակար կարող է լինել:
Հուսով եմ, որ խորհրդարանական դիվանագիտության աշխատանքները ևս չեն տուժի այս ընթացքում՝ լինեն դրանք բազմակողմ կառույցներ, թե երկկողմ համագործակցություն: Այս հարցին դեռևս մանրակրկիտ անդրադառնալու, իհարկե, առիթներ մենք ունենալու ենք: Եթե կուզեք այսօր էլ կարող ենք այս հարցերին անդրադառնալ, եթե ոչ՝ ապագա քննարկումների ընթացքում: Տարեվերջին՝ դեկտեմբերին տեղի է ունենալու «Ընդդեմ ցեղասպանության հանցագործության» երրորդ գլոբալ ֆորումը, որի կազմակերպման և անցկացման գործում Ազգային ժողովը, ըստ ավանդույթի, իր յուրահատուկ ներդրումը պետք է կատարի:

Ընդհանուր առմամբ ակնհայտ է, որ խորհրդարանի աշխատանքի որակի աճ ենք արձանագրել: Հայաստանին պետք է այնպիսի խորհրդարան, որը ոչ միայն ճիշտ ժամանակին ընդունի բոլոր անհրաժեշտ օրենքները, այլև իրականացնի արդյունավետ խորհրդարանական վերահսկողություն: Այս առումով կարծում եմ, որ Ազգային ժողովը ճիշտ ճանապարհին է:

Դրան զուգահեռ նաև ամրապնդվում է Ազգային ժողովի աշխատակազմը: Ապագայում Հանրապետության Նախագահի աշխատակազմն էապես ներգրավված չի լինելու օրենսդրության մշակման և սրբագրման գործընթացին, ուստի պատասխանատվության առյուծի բաժինն ընկնելու է հենց խորհրդարանի աշխատակազմի վրա: Սա էլ շատ կարևոր հանգամանք է, և մենք շատ ուշադիր պետք է լինենք սրա նկատմամբ:

Ազգային ժողովի աշխատակազմը նաև պետք է փորձագիտական աջակցություն տրամադրի ոչ միայն օրենսդրության մշակման, այլև գործադիր իշխանության հանդեպ խորհրդարանական վերահսկողություն իրականացնելու ուղղությամբ:
Հայաստանի Հանրապետությունը թևակոխում է լուրջ քաղաքական շրջափուլ: Մինչև այս տարվա մարտի 9-ը Ազգային ժողովը պետք է ընտրի Հայաստանի Հանրապետության չորրորդ նախագահին: Հուսով եմ, որ նոր սահմանադրական ընթացակարգով նախատեսված այս ընտրություններին Ազգային ժողովի բոլոր պատգամավորները կմոտենան ամենայն պատասխանատվությամբ: Եվ իհարկե, ցանկալի է, որ Հանրապետության նախագահը ընտրվի խարհրդարանական ընդարձակ համաձայնության պայմաններում:

Մինչև այս տարվա մարտի 9-ը Ազգային ժողովը պետք է ընտրի նաև Բարձրագույն դատական խորհրդի անդամներին: Դժվար է գերագնահատել այս մարմնի կարևորությունը՝ հաշվի առնելով նրան վերապահված լիազորությունները դատարանների և դատավորների անկախությունը երաշխավորելու գործում: Այս մարմինը վճռորոշ նշանակություն է ունենալու մեր երկրի ապագայի համար:
Գալիք ամիսներին անհրաժեշտ է լինելու նաև լրացնել սահմանադրական դատարանի կազմում առաջացող թափուր տեղերը: Ազգային ժողովը նաև պետք է նշանակի նորաստեղծ ինքնավար մարմնի՝ Կոռուպցիայի կանխարգելման հանձնաժողովի անդամներին: Կարիք չկա բացատրելու, թե որքան կարևոր է մեր երկրի և տնտեսության ապագայի համար այդ չարիքի դեմ պայքարելը:
Եվ, անշուշտ, ապրիլի 9-ից հետո Ազգային ժողովը պետք է ընտրի նաև Հայաստանի Հանրապետության վարչապետին:

Ես նշեցի որոշ ուղենիշներ դեպի կառավարման նոր համակարգ տանող մեր ճանապարհային քարտեզի վրա: Այսօր գուցե արժե կենտրոնանալ և անդրադառնալ ընդհուպ մինչև մարտի կեսը կամ ապրիլի սկիզբը տեղի ունենալիք զարգացումների վրա: Ակնկալում եմ, որ դուք ակտիվ և անկաշկանդ կլինեք այս քննարկման ընթացքում:

Այս տարի մենք տոնելու ենք Հայաստանի անկախ պետականության վերականգնման 100-րդ տարեդարձը, և մենք պատասխանատվություն ենք կրում ոչ միայն ժամանակակիցների, այլև Հայաստան աշխարհի հազարամյակների պատմության և մայիսյան մարտերի հերոսների հիշատակի հանդեպ: Վստահ եմ, որ այս հանգամանքի գիտակցումը ուղեկցելու է մեզ գալիք ամիսների ընթացքում:

Շնորհակալ եմ ուշադրության համար, այժմ անցնենք քննարկումներին»:



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

11:18
Հուսով եմ՝ մի օր Հայաստանին պետք չեն լինի տեսախցիկներ, ցուցակների հրապարակում. Պյոտր Սվիտալսկի
ԵՄ-ն պատրաստ է համագործակցել հայաստանյան բոլոր գործընկերների հետ՝ ընտրական գործընթացների բարելավման հարցում: Այսօր Երևանում 2017-ի ապրիլի 2-ի ԱԺ...
Աղբյուր` Panorama.am
11:08
Կարեն Կարապետյան. Սինգապուրի զարգացման ուղին լավ օրինակ է մեզ համար
Վարչապետ Կարեն Կարապետյանը սինգապուրցի իր գործընկերոջը հրավիրել է այցելել Հայաստան:
Աղբյուր` Panorama.am
10:55
Շվեյցարցիները բողոքում են Թրամփի այցի դեմ
ԱՄՆ նախագահ Դոնալդ Թրամփը վաղը՝ հունվարի 25-ին, ներկա է գտնվելու Շվեյցարիայում ընթացող Դավոս տնտեսական միջազգային ֆորումին: Այս լուրը...
Աղբյուր` Panorama.am
10:43
Սերժ Սարգսյան. Ադրբեջանը պետք է ճանաչի և հարգի Արցախի ժողովրդի կողմից սեփական ապագան ինքնուրույն որոշելու իրավունքը
Ֆրանսիա աշխատանքային այցի շրջանակներում Նախագահ Սերժ Սարգսյանը հունվարի 23-ի երեկոյան հանդիպում է ունեցել Ֆրանսիայի Հանրապետության Ազգային...
Աղբյուր` Panorama.am
10:30
ԵԱՀԿ դիտարկում է անցկացվելու
Հունվարի 25-ին, Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը հրադադարի ռեժիմի...
Աղբյուր` Panorama.am
10:19
Լարսը բաց է
Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը...
Աղբյուր` Panorama.am
09:42
Հունվար ամսվա աղքատության նպաստն ուշանում է. ՀԺ
Հայաստանի բնակչությանը բաժանվող աղքատության նպաստը այս ամիս ուշանում է: «Հայկական ժամանակ»-ին ահազանգած բնակիչները նշել են, որ...
Աղբյուր` Panorama.am
09:40
Աշոտ Մանուկյանը նոր աշխատանք կունենա. «Փաստ»
Երբ ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը հրաժարական տվեց, բոլորը զարմացան: Մեր երկրում ոչ ոք պաշտոնից...
Աղբյուր` Panorama.am
09:39
Նալբանդյանը ինքն է տարածել իր՝ նախագահի թեկնածու լինելու մասին լուրերը. «Ժամանակ»
«Ժամանակ»-ի տեղեկություններով՝ ՀՀ ԱԳ նախարար Էդվարդ Նալբանդյանը ինքն է տարածել իր՝ նախագահի թեկնածու լինելու մասին լուրերը։...
Աղբյուր` Panorama.am
09:37
Արամ Սարգսյան. Քաղաքական առումով դեմ եմ քվեարկելու Արմեն Սարգսյանի թեկնածությանը. ՀԺ
«Հայկական ժամանակ»-ի հետ զրույցում «Հանրապետություն» կուսակցության ղեկավար Արամ Սարգսյանն, ընդհանուր առմամբ, դրական է...
Աղբյուր` Panorama.am
09:36
Վարչապետի գլխավոր խորհրդականը էներգետիկայի նախարար կնշանակվի. «Փաստ»
«Փաստ»-ի տեղեկացմամբ՝ հասարակական հիմունքներով ՀՀ վարչապետի գլխավոր խորհրդական Էդուարդ Ներսիսյանը օրերս կնշանակվի ՀՀ էներգետիկ...
Աղբյուր` Panorama.am
09:30
Արմեն Սարգսյանն ասել է՝ Ամուլսարի հետ գործ չունի. «Հրապարակ»
«Հրապարակ»-ի աղբյուրների փոխանցմամբ` որքան էլ ապագա նախագահ Արմեն Սարգսյանին համարում են արևմտամետ գործիչ, այնուհանդերձ, մասնավոր...
Աղբյուր` Panorama.am
09:27
Մովսես Հակոբյանն ու Սեյրան Օհանյանը հանդիպել են. «Փաստ»
«Փաստ»-ի տեղեկություններով՝ չորս օր առաջ, Երևանի ռադիոտան դիմաց, Ալեք Մանուկյան 4/7 հասցեում գտնվող «Բելլա Իտալիա»...
Աղբյուր` Panorama.am
09:26
Խոսրով Հարությունյանը գնաճը համարում է բարիք. «Ժամանակ»
Երեկ ԱԺ-ում կազմակերպված «Առանձին ապրանքատեսակների գների բարձրացման պատճառները և գնաճը մեղմելու հնարավորությունները» թեմայով...
Աղբյուր` Panorama.am
20:30
Ջրհեղեղից առաջ Նոյը բջջայինով խոսել է որդու հետ. թուրք գիտնական
Թուրք ակադեմիկոս Յավուզ Էրնեկը հայտարարել է, որ մինչև Համաշխարհային ջրհեղեղը Նոյը բջջային հեռախոսով խոսել է իր որդու հետ: Այս մասին տեղեկացնում...
Աղբյուր` Panorama.am
20:24
Անդրեն –Աշոտ զույգը իրավունք է ստացել մասնակցելու Եվրոպայի առաջնությանը
Հունվարի 20-ինև21-ին կայացել է ձյան վոլեյբոլի «Ծաղկաձոր օփեն 2018» Հայաստանի բաց առաջնությունը: Մրցաշարին մասնակցել են տղամարդկանց...
Աղբյուր` Panorama.am
20:17
Բքի պատճառով Վարդենյաց լեռնանցքը դժվարանցանելի է
ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է,  որ  հունվարի 23-ին՝ ժամը 20:00-ի դրությամբ, բքի...
Աղբյուր` Panorama.am
20:15
Վաղը Երևանում սպասվում է +6-+8 աստիճան տաքություն
Հանրապետության տարածքում հունվարի 23-ի ցերեկը, 28-ին սպասվում է առանց տեղումների եղանակ: 24-27-ը շրջանների զգալի մասում ժամանակ առ ժամանակ...
Աղբյուր` Panorama.am
20:11
Սերժ Սարգսյան. Լեռնային Ղարաբաղի ժողովրդի պայքարը չի կարող բարեհաջող ավարտ չունենալ
«Անշուշտ, խոսեցինք Լեռնային Ղարաբաղի հակամարտության մասին, որը, թերևս, մեր տարածաշրջանի ամենազգայուն հարցերից է»,-այս մասին...
Աղբյուր` Panorama.am
20:07
Մակրոնը մեծ նշանակություն է տալիս Հայաստան կատարելիք այցին (պաշտոնական)
Ֆրանսիա կատարած աշխատանքային այցի շրջանակներում Նախագահ Սերժ Սարգսյանն այսօր Ելիսեյան պալատում հանդիպում է ունեցել Ֆրանսիայի նախագահ Էմանուել...
Աղբյուր` Panorama.am
20:00
Փարիզում Սենա գետը դուրս է եկել ափերից
Հորդառատ անձրևիների հետևանքով Փարիզում Սենա գետը դուրս է եկել ափերից: Գետի ջրերի մակարդակը բարձրացել է մինչև 4.9 մետր: Le Figaro-ի հրապարակած...
Աղբյուր` Panorama.am
19:53
Ջավախքցիների համար անձնագրային խնդիրները մնում են անլուծելի. Jnews
Ջավախքցիների համար անձնագրային խնդիրները մնում են անլուծելի, երկքաղաքացիություն ստանալը շատերի համար ապրուստի միջոց է, սակայն դրան հետևում են...
Աղբյուր` Panorama.am
19:45
Հայտնի է աթլետիկայի Հայաստանի հավաքականի կազմը
Օրերս Արտաշատում անցկացված աթլետիկայի Հայաստանի բաց առաջնության արդյունքներով ձևավորվել է Ստամբուլում ուսումնամարզական հավաքի (փետրվարի 6-16)...
Աղբյուր` Panorama.am
19:34
Ժան Իվ Շարլիե. Մենք լավատեսությամբ ենք նայում Հայաստանին
Վարչապետ Կարեն Կարապետյանը Դավոսում ընթացող Համաշխարհային տնտեսական համաժողովի շրջանակներում այսօր հանդիպումներ է ունեցել միջազգային խոշոր...
Աղբյուր` Panorama.am
19:28
Ֆրանկոֆոնիայի շրջանակներում ՀՀ-ում կանցկացվի նաև ֆրանկոֆոն գործարարների համաժողով
2018թ․-ի հոկտեմբերին Հայաստանը  կհյուրընկալի Ֆրանկոֆոնիայի 17-րդ գագաթաժողովը, որը կարևոր տեղ ունի Ֆրանսիայի ու Հայաստանի երկկողմ...
Աղբյուր` Panorama.am
19:25
Վրաստան է մատակարարվել ամերիկյան հակատանկային համակարգերի առաջին խմբաքանակը
«Առաջին փուլը հաջողությամբ է ավարտվել։ Համակարգերը Վրաստանում ապահով վայրում են»,- ասել է Իզորիան։
Աղբյուր` Panorama.am
19:16
Հունվարի 26-ից նոր արագաչափ կգործարկվի Երևան քաղաքի Հրաչյա Ներսիսյան փողոցում
Երթևեկության թույլատրելի արագությունը 40/60 կմ/ժ է:
Աղբյուր` Panorama.am
19:08
Ան. Բոտուլիզմի հետևանքով անցած տարի երկու մարդ է մահացել
Նախորդ տարի հանրապետությունում արձանագրվել է բոտուլիզմի 13 դեպք, տուժել է 21 մարդ, որից 2-ի կյանքը փրկել չի հաջողվել: 2016 թվականի...
Աղբյուր` Panorama.am
19:06
Էմանուել Մակրոն. ԼՂ հարցի լուծումը «քաջ կոմպրոմիս» պետք է լինի
«Լեռնային Ղարաբաղի հակամարտությունը  սառեցված հակամարտություն չէ ու  շատ կարևոր է խնդրին լուծում գտնել»,-ինչպես Փարիզից...
Աղբյուր` Panorama.am
19:00
Դավոսում Կարեն Կարապետյանը հանդիպել է Շվեյցարիայի նախագահի հետ
Անդրադարձ է կատարվել նաև Երևան-Ցյուրիխ ուղիղ չվերթի բացման հեռանկարներին:
Աղբյուր` Panorama.am

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}