Սամվել Բաբայան. Ես չեմ եկել պաշտպանվելու
«Ես չեմ եկել այստեղ պաշտպանվելու, ասում եմ, որ իմանաք որպես դատավոր: Պաշտպանվելու կարիք չկա, քանի որ ես հանցագործություն չեմ կատարել, որ պաշտպանվեմ»,-այսօր Վերաքննիչ քրեական դատարանում հայտարարեց Սամվել Բաբայանը:
Հիշեցնենք, որ 2017թ․ նոյեմբերի 28-ին Կենտրոն և Նորք-Մարաշ վարչական շրջանների ընդհանուր իրավասության դատարանի կողմից 6 տարվա ազատազրկման դատապարտված Սամվել Բաբայանը դիմել է վերաքննիչ դատարան՝ պահանջելով արդարացնել իրեն հանցակազմի բացակայության պատճառաբանությամբ:
Նա մեկ անգամ ևս կրկնեց, որ չի ընդունում պետական մեղադրողի կողմից առաջադրված մեղադրանքն ու դատարանի կողմից՝ իրեն մեղսագրվող արարքները: Ասաց՝ չի հրաժարվում առկա ձայնագրություններում իր խոսքերից, սակայն որոշ ձայնագրություններ մասամբ են օգտագործվել:
«Նշվել է, որ մի քանի տեղ ես շշուկով եմ խոսել: Սակայն դատարանում էլ ապացուցվեց, որ ես եղել եմ հիվանդ, կոկորդի պրոբլեմ ունեմ, ու դիտմամբ չէ, որ շշուկով եմ խոսել: Ես խնդրում եմ, կոնտեքստից բառեր մի հանեք: Եթե խոսում ենք օրենքից ու փաստերից, ապա փաստեր չունեք»,-ասաց Բաբայանը:
Ամբաստանյալը նշեց, որ վաճառողն իր հարցին պատասխանելիս ասել է, եթե «Իգլա»-ի գումարը տային, ինքը ԱԱԾ չէր դիմի, բացի այդ էլ, «նա մեղադրվում է ավելի ծանր հանցագործության մեջ, քան ես, սակայն ինքն ազատության մեջ է: Սա արդեն խոսում է ամեն ինչի մասին, ես չեմ ուզում քաղաքանացնել, ես խոսում եմ փաստերից»:
Նա խնդրեց, որ որպես վկա կամ ամբաստանյալ ներգրավել այն մարդուն, ով հայտարարել է, թե Վրաստանից տարածքից զենք է բերել:
«Ամբողջ հանրապետությունում թնադացրել են, որ Բաբայանի պատվերով հրթիռը տեղափոխել են այդ անձինք, ինչպես նաև քիմիական այլ նյութեր: Հիմա բերեք հարցրեք, էդ մարդը տեղյա՞կ է այդ նյութերից: Եթե չեք բերում, ուրեմն էս թեման փակեք, եթե ուզում եք դատեք, դատեք»,-ասաց նա:
Հարակից հրապարակումներ`
- Սամվել Բաբայանը ինքնաբացարկ հայտնեց դատախազին
- Հայաստանին է հանձնվել «Իգլա»-ի մաքսանենգության և դրա ապօրինի շրջանառության համար հետախուզման մեջ գտնվողը
- Սամվել Բաբայանի գործով Վերաքննիչ բողոք է ներկայացվել
- Դատախազ Արամ Անանյան. Այս երկու անհերքելի փաստերի հետ իր առնչությունը ընդունել և ընդունում է նաև Սամվել Բաբայանը
- Սամվել Բաբայանը դատապարտվեց վեց տարի ազատազրկման
- Սամվել Բաբայան. Ինձ մեղավոր չեմ ճանաչում
- «Առաջադրված մեղադրանքներն անհիմն են». Սամվել Բաբայանի փաստաբան
- Դատախազը միջնորդեց Սամվել Բաբայանին դատապարտել 7 տարվա ազատազրկման
- «Իգլա»-ի քրգործի նյութերն ուղարկվել է հսկողություն իրականացնող դատախազին. ՀԺ
- «Իգլայի» գործով կալանավորների կալանքը ևս 2 ամսով երկարաձգվել է. «Ժողովուրդ»
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ