Խոշոր կազմակերպությունները պարտավոր են հրապարակել իրենց ֆինանսական հաշվետվությունները. Թանդիլյան
Այսօր ԱԺ Ֆինանսավարկային և բյուջետային հարցերի մշտական հանձնաժողովի նիստում հանձնաժողվի ադամները միաձայն կողմ քվեարկեցին «Ելք» խմբակցության պատգամավոր Մանե Թանդիլյանի ներկայացրած «Հաշվապահական հաշվառման մասին ՀՀ օրենքում լրացում կատարելու մասին» նախագծին:
Պատգամավորը համոզմամբ, օրենքի ներկայիս կարգավորումներով խոշոր կազմակերպությունները պարտավոր են հրապարակել իրենց ֆինանսական հաշվետվությունները մամուլում, համացանցում կամ տարածել գրքույկների տեսքով:
Թանդիլյանը նշեց, որ խոշոր կազմակերպություններին պետք է պարտավորեցնել քաղաքացիների դիմումի հիման վրա ֆինանսական հաշվետվություն տրամադրել դիմումը ստանալուց հետո 5-օրյա ժամկետում, ինչպես նաև պետական մարմիններ ֆինանսական հաշվետվությունները չներկայացնելու կամ դրանք չհրապարակելու համար խստացնել պատիժը, խիստ պատիժ սահմանել շահագրգիռ կողմերին հաշվետվություններն օրենքով սահմանված կարգով չտրամադրելու համար:
«Յուրաքանչյուր անձ՝ իրավաբանական, թե ֆիզիկական, եթե ցանկություն ունի ստանալու այդ տեղեկատվությունը, նա դառնում է շահագրգիռ անձ։ Այո, ամեն մեկը կարող է որոշել, որ ուզում է տեղեկատվություն ստանալ։ Նա պետք է կարողանա ստանալ այդ տվյալները, և եթե կա օրենքով սահմանված հնարավորություն դա հրապարակելու, յուրաքանչյուր անձի համար պետք է լինի հասանելի»,- ասաց Մանե Թանդիլյանը։
Հանձնաժողովի ՀՀԿ-ական անդամ Էդուարդ Շարմազանովն իր հերթին նկատեց, որ ընդդիմադիր իրենց գործընկերներն այնքան լավ նախագիծ են ներկայացրել, որ այլևս կարիք չկա լրացուցիչ առաջարկություններով հանդես գալ։
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում