Թրամփը խոստացել է վետո դնել բյուջեի մասին նախագծի վրա
ԱՄՆ նախագահ Դոնալդ Թրամփը հայտարարել է դաշնային գերատեսչությունների ֆինանսավորման մասին ԱՄՆ կոնգրեսի ընդունած նախագծի վրա վետո դնելու մտադրության մասին: Այս մասին տեղեկացնում է Gazeta.ru-ն: Պատճառը ներգաղթյալների և սահմանին պատ կառուցելու հարցում դեմոկրատների հետ ունեցած տարաձայնություններն են:
«Ես դիտարկում եմ բյուջեի մասին օրենքի նախագծի վրա վետո դնելու հնարավորությունը՝ հիմնվելով նրա վրա, որ DACA (ապօրինի ներգաղթյալների երեխաների հետաձգված արտաքսման) ծրագրի 800 հազար մասնակիցները դեմոկրատների ուշադրությունից դուրս են մնում, իսկ սահմանին պատի կառուցումը, որ շատ կարևոր է մեր ազգային պաշտպանության համար, ամբողջությամբ չի ֆինանսավորվել»,- ասել է Թրամփը:
Ավելի վաղ տեղեկություն կար, որ ԱՄՆ կոնգրեսը հաստատել է գերատեսչությունների ֆինանսավորման օրենքի նախագիծը: