Լրահոս

ԿԱՐՃ ԼՈՒՐԵՐ

19:16 Հայաստան
Սեպտեմբերի 17-ին 18:00-ի սահմաններում ՀՀ ԱՆ «Նուբարաշեն» քրեակատարողական հիմնարկի աշխատակիցները դատապարտյալ Վ. Խ.-ի անվամբ քաղաքացուհի Գ. Վ.-ի կողմից բերված հանձնուքի մեջ

հայտնաբերել են 2 կաթոցիկ և 10 սպիտակ, կլորավուն դեղահաբ: Հայտնաբերվածներն ուղարկվել են փորձաքննության, նախապատրաստվում են նյութեր:
Աղբյուր՝ ՀՀ ԱՆ քրեակատարողական ծառայություն

19:01 Հայաստան
ՀՀ սպորտի և երիտասարդության հարցերի նախարար Լ. Վահրադյանը և ՀՀ- ում Վրաստանի դեսպան Գ. Սագանելիձեն քննարկել են երկու երկրների սպորտի և երիտասարդական քաղաքականության

ոլորտներին առնչվող հարցեր: Անդրադարձ է կատարվել վրացական և հայկական ազգային մարզաձևերի զարգացմանը: Նախարար Վահրադյանը և դեսպան Սագանելիձեն համակարծիք են եղել Հայաստանի և Վրաստանի միջև ավանդաբար ձևավորված բարի դրացիական հարաբերությունները բոլոր, այդ թվում՝ նաև սպորտի և երիտասարդական քաղաքականության բնագավառներում պահպանելու և զարգացնելու հարցում:
Աղբյուր՝ ՀՀ սպորտի և երիտասարդության հարցերի նախարարություն

19:00 Հայաստան
Եվրոպական միության կողմից ֆինանսավորվող «Օրգանական գյուղատնտեսության աջակցության նախաձեռնություն» ծրագրի շրջանակներում տեղի է ունեցել

«Օրգանական գյուղատնտեսություն» ուսումնական ձեռնարկի և երկու ուղեցույցների շնորհանդեսը: Միջոցոռմանը մասնակցել են ՀՀ ԿԳ նախարար Ա. Հարությունյանը, Հայաստանում ԵՄ պատվիրակության ղեկավար, դեսպան Պ. Սվիտալսկին, Ավստրիական զարգացման գործակալության ՕԳԱՆ ծրագրի թիմի ղեկավար Դ. Մուքենհուբերը և այլք: Ներկայումս իրականացվող «Ավելի լավ որակավորում ավելի լավ աշխատանքի համար» բյուջետային աջակցության ծրագիրն ուղղված է գյուղատնտեսական ոլորտի ՄԿՈՒ հաստատությունների զարգացմանը:
Մամուլի հաղորդագրություն

18:33 Հայաստան
Սեպտեմբերի 19-ին 14:30-ին, ՀՀ ԳԱԱ նախագահության նիստերի դահլիճում տեղի կունենա կլոր սեղան՝ նվիրված ՀՀ և ՌԴ միջև կենսաբժշկության ոլորտում համագործակցության զարգացման հարցերին

Բացման խոսքով հանդես կգա ՀՀ գիտությունների ազգային ակադեմիայի փոխնախագահ ակադեմիկոս Յ. Շուքուրյանը: «Կենսաբժշկական ուսումնասիրությունները ՌԳԱ-ում» թեմայով զեկուզում կներկայացնի Ռուսաստանի գիտությունների ակադեմիայի փոխնախագահ ակադեմիկոս, նանոկենսատեխնոլոգիայի, իմունաքիմիայի և նյարդային համակարգի կենսաքիմիայի հայտնի մասնագետ Վ. Չեխոնինը: «Կենսաբժշկական ուսումնասիրությունները ԳԱԱ-ում» թեմայով զեկուցմամբ հանդես կգա ՀՀ ԳԱԱ բնական գիտությունների բաժանմունքի ակադեմիկոս-քարտուղար թղթակից անդամ Ռ. Հարությունյանը:
Աղբյուր՝ ՀՀ ԳԱԱ Տեղեկատվական-վերլուծական ծառայություն

18:20 Հայաստան
Անց է կացվել ՀՀ սպորտի և երիտասարդության հարցերի նախարարին կից հասարակական խորհրդի հերթական նիստը՝ ռոտացիոն կարգով խորհրդի կազմում ընդգրկված նոր անդամների մասնակցությամբ

Քննարկվել են հոգեբան Ա. Բարխուդարյանի ներկայացրած մարզաձևերի ՀՀ ազգային հավաքականներում ընդգրկված, ինչպես նաև հեռանկարային մարզիկների հոգեբանական ապահովման և մոնիտորինգի ունիվերսալ համակարգի ձևավորման մասին, Հայաստանի ֆիզիկական կուլտուրայի և սպորտի պետական ինստիտուտի Լալայանի անվան մանկավարժության և հոգեբանության ամբիոնի վարիչ Հ.Բաբայանի՝ գիտամեթոդական գրականության հրատարակման հանրապետական խորհուրդ ստեղծելու վերաբերյալ հարցեր:
 

18:06 Հայաստան
Հարկադիր կատարման ծառայությունը հյուրընկալել է Էստոնիայի դատական կատարողների և սնանկության գործերով կառավարիչների պալատի պաշտոնական պատվիրակությանը

Այցի նպատակը երկու երկրների գործընկեր կառույցների միջև շարունակական համագործակցության ընդլայնում է: Կողմերը քննարկել են համատեղ ծրագրի իրականացման հնարավորությունը տեղեկատվական տեխնոլոգիաների ոլորտում: Այցի շրջանակներում Էստոնիայից ժամանած պատվիրակությունը եղել է նաև Ծառայության թանգարանում, ծանոթացել դրա 20-ամյա պատմությանը՝ հիմնադրման օրվանից մինչև մեր օրերը:
Աղբյուր՝ harkadir.am

17:12 Հայաստան
ՀՀ ԱԻ նախարար Հ. Ռոստոմյանն ընդունել է Ճապոնիայի միջազգային համագործակցության գործակալության (JICA) Ուզբեկստանի գրասենյակի ներկայացուցիչ Մ. Տակասակային

Հանդիպման նպատակն էր ստորագրել «Ճգնաժամային հաղորդակցության և հանրային իրազեկման բարելավում՝ աղետների ռիկսի կառավարման նպատակով» ծրագրի քննարկումների արձանագրությունը, որի ստորագրումից հետո՝ տարեսկզբին, կմեկնարկեն ծրագրի փորձագետների ներգրավման աշխատանքները: Գարնանը ճապոնացի փորձագետները կժամանեն Հայաստան:
Աղբյուր՝ ՀՀ ԱԻՆ

16:33 Աշխարհում
Սեպտեմբերի 16-ին Զամոշչ քաղաքի կենտրոնում՝ հայկական նախկին եկեղեցու տարածքում, տեղի է ունեցել հայկական խաչքարի բացման հանդիսավոր արարողություն

Հուշարձան-արձանախումբը պատրաստվել է Երևանում, քանդակագործ վարպետ Վարազդատ Համբարձումյանի կողմից։ Խաչքարը տեղադրվել է Լեհաստանի անկախության վերականգնման և Հայաստանի առաջին Հանրապետության 100-ամյակի հոբելյանական տարում՝ ի նշան հայ և լեհ ժողովուրդների բարեկամության։ Խաչքարի բացման հանդիսավոր արարողությանը մասնակցել և ելույթներով հանդես են եկել Զամոշչի քաղաքապետ Ա. Վնուկը, Լեհաստանում ՀՀ դեսպան Է. Ղազարյանը, լեհ-հայկական հիմնադրամի նախագահ Ա. Հովսեփյանը, խաչքարագործ վարպետ Վ. Համբարձումյանը։
Աղբյուր՝ kronikatygodnia.pl

16:20 Հայաստան
ՀՀ ԿԳ նախարար Ա. Հարությունյանը ՀՀ- ում Արգենտինայի դեսպան Գ. Ուրրիոլաբեիտիայի հետ հանդիպմանը, խոսելով միջազգային կառույցների հետ համագործակցության առաջնահերթությունների մասին,

կարևորել է Հայաստանի բուհերի միջազգայնացման գործընթացը` առանձնացնելով տեղեկատվական տեխնոլոգիաների և ինժեներական մասնագիտությունները: Համագործակցության համատեքստում Ա. Հարությունյանն ընդգծել է նաև հայկական կրթական բրենդային փաթեթի ձևավորման կարևորությունը` շեշտելով այն հանգամանքը, որ «Թումո» ստեղծարար տեխնոլոգիանների կենտրոնի նկատմամբ արդեն մեծ հետաքրքրություն կա եվրոպական մի քանի երկրներում:
Աղբյուր՝ ՀՀ ԿԳՆ
 

15:34 Աշխարհում
ՉԺՀ քաղաքացիական ավիացիայի վարչակազմի հրավերով սեպտեմբերի 15–ին Չինաստանի Գուանճոու քաղաք է ժամանել ՀՀ քաղաքացիական ավիացիայի կոմիտեի նախագահ Տ. Ռևազյանը՝

«Աշխարհի ուղիներ 2018» (World Routes) միջոցառմանը մասնակցելու նպատակով: Սեպտեմբերի 16-ին Տ. Ռևազյանը մասնակցել է «Աշխարհի ուղիներ 2018» բացման արարողությանը, ապա կարճ հանդիպում ունեցել ՉԺՀ քաղաքացիական ավիացիայի վարչակազմի ղեկավարի տեղակալ Վան Ճիցինգի հետ, որից հետո ստորագրվել է «Չինաստանի ժողովրդական Հանրապետության կառավարության և Հայաստանի Հանրապետության կառավարության միջև օդային հաղորդակցությունների մասին» համաձայնագիրը։
Մամուլի հաղորդագրություն

15:17 Հայաստան
ՀՀ ԱՆ «Աբովյան» քրեակատարողական հիմնարկում հերթական սպորտային միջոցառման շրջանակներում սեպտեմբերի 15-ին կազմակերպվել էր վոլեյբոլի մրցաշար

դատապարտյալ կանանց և քրեակատարողական ծառայողների միջև: Հաղթել է քրեակատարողական ծառայողների թիմը: Սպորտային միջոցառումները «Աբովյան» քրեակատարողական հիմնարկում կրում են շարունակական բնույթ՝ ապահովելու համար կին դատապարտյալների վերասոցիալականացումը զբաղվածության միջոցով:
Աղբյուր՝ ՀՀ ԱՆ քրեակատարողական ծառայություն

14:42 Աշխարհում
Ավստրիայում գնացքը բախվել է ավտոբուսին

Պատահարի հետևանքով մեկ մարդ է մահացել, 11- ը՝ հոսպիտալացվել:

13:53 Հայաստան
Հայաստանի գիտության և տեխնոլոգիաների հիմնադրամի գլխավոր գրասենյակում տեղի է ունեցել ՀՀ պաշտպանության նախարար Դ. Տոնոյանի հանդիպումը FAST հիմնադիր տնօրեն Ա.Օրուջյանի հետ

Քննարկվել են ՀՀ ՊՆ և Հիմնադրամի համագործակցության ուղիները: Ներկայացվել են զինծառայողների կրթական նոր ծրագրերի համար մշակված դասընթացները, դրանց ներդրման ժամկետներն ու ձևաչափերը: Կրթական ծրագրերը ներառելու են տվյալագիտության, արհեստական բանականության, կիբեռանվտանգության և զինված ուժերի համար հեռանկարային կիրառություններ ունեցող այլ ոլորտներ:
Աղբյուր՝ ՀՀ ՊՆ

13:25 Հայաստան
Սեպտեմբերի 17-ին ՀՀ ԱԳ նախարարի տեղակալ Կ. Նազարյանն ընդունել է ՀՀ- ում Շվեդիայի դեսպան Ո. Տիդեստրյոմին` հավատարմագրերի պատճենի հանձնման կապակցությամբ

Նախարարի տեղակալը կարևորել է Շվեդիայի՝ որպես Արևելյան գործընկերության համահիմնադրի մասնակցությունը ՀՀ-ԵՄ հարաբերությունների ամրապնդման գործում և շնորհակալություն հայտնել Հայաստանում տարբեր ոլորտներին առնչվող կայուն զարգացմանը միտված գործընթացները սատարելու համար։ Դեսպանի խնդրանքով Կ. Նազարյանն անդրադարձ է կատարել ղարաբաղյան հիմնախնդրի կարգավորման գործընթացին, ինչպես նաև տարածաշրջանային զարգացումներին:
Աղբյուր՝ mfa.am
 

13:12 Հայաստան
Երևանի Փոքր թատրոնում սեպտեմբերի 15-ին տեղի է ունեցել «Պար` առանց սահմանների» ներառական խմբի նոր բեմադրության առաջնախաղը

Միջոցառմանը ներկա են եղել ՀՀ վարչապետի տիկին Ա. Հակոբյանը, Հայաստանում ՄԹ դեսպան Ջ. Ֆարնուորթը, ՀՀ մշակույթի նախարարի տեղակալ Ն. Ղարիբյանը և այլք: Միջազգային շրջագայությունից հետո խումբը երևանյան հանդիսատեսին ներկայացրել է «LaVieEnRose/ՈւրիշՊարեր» ներկայացումը, որում հաշմանդամություն ունեցող և չունեցող անդամները պարի միջոցով ներկայացնում են մերօրյա իրականության իրենց ընկալումներն ու ապրումները։
Մամուլի հաղորդագրություն

11:00 Աշխարհում
1908 թվականի սեպտեմբերի 18- ին ծնվել է հայ աստղագետ և աստղաֆիզիկոս Վիկտոր Համբարձումյանը

Աշխատությունները վերաբերում են աստղերի և միգամածությունների ֆիզիկայի, արտագալակտիկական աստղագիտության, աստղային համակարգերի դինամիկայի, աստղերի և գալակտիկաների տիեզերածնության և մաթեմատիկական ֆիզիկայի, միջուկային ֆիզիկայի բնագավառներին։

10:51 Աշխարհում
1905 թվականին այս օրը ծնվել է շվեդ դերասանուհի Գրետա Գարբոն

Ամերիկյան կինոակադեմիայի կողմից հրապարակված Ամերիկյան բոլոր ժամանակների ֆիլմերի 100 մեծագույն աստղերի ցանկում 5-րդ տեղում է, 1955 թվականին ստացել է պատվավոր Օսկար կինոյում ունեցած ներդրումների համար:

10:25 Աշխարհում
Սեպտեմբերի 14-ին կայացած Եվրասիական տնտեսական հանձնաժողովի խորհրդի հերթական նիստին, որին մասնակցում էր ՌԴ- ում գտնվող փոխվարչապետ Մ. Գրիգորյանը, ընդունվել են մի շարք որոշումներ

առևտրի, տնտեսության թվայնացման, արդյունաբերության, ֆինանսական քաղաքականության և տեխնիկական կարգավորման վերաբերյալ: ԵԱՏՀ խորհուրդն ի թիվս այլ փաստաթղթերի հաստատել է ԵԱՏՄ և Իրանի միջև առևտրի ազատ գոտու ձևավորմանը միտվածժամանակավոր համաձայնագրի և ԵԱՏՄ-ի ու Չինաստանի միջև առևտրատնտեսական համագործակցության համաձայանգրիկիրարկման ուղղությամբ մշակված ճանապարհային քարտեզները:
Մամուլի հաղորդագրություն
 

10:12 Հայաստան
Հայոց Կաթողիկոսը Մայր Աթոռում ընդունել է «Վորլդ Վիժըն» միջազգային բարեգործական կազմակերպության Միջին Արևելքի և Արևելյան Եվրոպայի տարածաշրջանային ֆորումի մասնակիցներին

«Վորլդ Վիժըն» միջազգային բարեգործական կազմակերպության Միջին Արևելքի և Արևելյան Եվրոպայի տարածաշրջանային ղեկավար պրն. Բ. Յեոնը Կաթողիկոսին ներկայացրել է 21 երկրից Հայաստան ժամանած պաշտոնական պատվիրակության շուրջ 40 անդամներին, որոնք հաջորդող օրերին Երևանում գումարելու են իրենց հերթական ֆորումը՝ շնորհակալություն հայտնելով Մայր Աթոռում Հայոց Հովվապետի հետ հանդիպելու և Ս. Պատարագին մասնակցելու համար:
Աղբյուր՝ Մայր Աթոռ Ս. Էջմիածին

 

18:33 Հայաստան
Բնապահպանության նախարար Էրիկ Գրիգորյանի գլխավորած պատվիրակությունն աշխատանքային այց է կատարել Սյունիքի մարզ

Մարզպետարանում մարզպետ Կ. Համբարձումյանի հետ կազմակերպված աշխատանքային քննարկման ժամանակ անդրադարձ է կատարվել մարզի բնապահպանական խնդիրներին։ Խորհրդակցությանը մասնակցել են փոխմարզպետներ Հ. Համբարձումյանը, Ն. Բաբայանը, Կապանի խոշորացված համայնքի ղեկավարի պաշտոնակատար Ն. Ղահրամանյանը, Մեղրի համայնքի ղեկավար Մ. Զաքարյանը:
Աղբյուր՝ mnp.am

18:28 Աշխարհում
Տեղի է ունեցել պաշտպանության, անվտանգության և օրինապահպանության հարցերի մշտական հանձնաժողովի նիստը, որը վարում էր հանձնաժողովի նախագահ Ժաննա Գալստյանը

Պաշտպանության նախարար Լևոն Մնացականյանը ներկայացրել է «Զինվորական ծառայության և զինծառայողի կարգավիճակի մասին» ԱՀ օրենքի նախագիծը: Քննարկումից հետո հանձնաժողովը որոշել է դրական եզրակացությամբ նախագիծն առաջին ընթերցմամբ ընդգրկել լիագումար նիստի օրակարգ: Օրվա երկրորդ կեսին տեղի է ունեցել Ազգային ժողովի Արտադրության և արտադրական ենթակառուցվածքների հարցերի մշտական հանձնաժողովի նիստը՝ Ա. Ավանեսյանի նախագահությամբ:
Աղբյուր՝ nankr.am

18:21 Հայաստան
ՀՀ ԿԳ նախարար Ա. Հարութունյանը և ԱՄՆ Միջազգային զարգացման գործակալության հայաստանյան գրասենյակի ղեկավար Դ. Գրիսերը քննարկել են

Հայաստանում համընդհանուր ներառական կրթության անցում կատարելու գործընթացին առնչվող հարցեր: Նախարարը տեղակացրել է, որ այս ուսումնական տարվա սկզբից Արմավիրի մարզում անցում է կատարվել համընդհանուր ներառական կրթության, այժմ նախապատրաստական աշխատանքներ են տարվում 2019 թվականից Երևանի անցումն ապահովելու ուղղությամբ: Նշվել է, որ անգամ այն մարզերում, որտեղ անցում է կատարվել, կան միջավայրի հարմարեցման հետ կապված խնդիրներ: Այս համատեքստում կողմերն անդրադարձել են Սյունիքի մարզում ավելի քան մեկ տասնյակ դպրոցների և մեկ մանկավարժահոգեբանական աջակցության կենտրոնի վերանորոգման և վերազինման ծրագրին:
Աղբյուր՝ ՀՀ ԿԳՆ

17:40 Հայաստան
Վալերիյ Օսիպյանը 16 ծառայողի կոչումներ է շնորհել

Նրանք աչքի են ընկել ծառայության նկատմամբ բարեխիղճ ու սրտացավ վերաբերմունքով, մասնագիտական պարտականությունները կատարել են անթերի՝ ներդրում ունենալով ոստիկանության մատուցած ծառայությունների որակի բարձրացման գործում։
Աղբյուր՝ police.am

17:25 Հայաստան
Բարձրագույն դատական խորհրդի նախագահ Գ. Հարությունյանը Վճռաբեկ դատարանի նախագահին և պալատների դատավորներին ներկայացրել է

Վճռաբեկ դատարանի քաղաքացիական և վարչական պալատի նորանշանակ դատավոր Է. Սեդրակյանին: Ազգային ժողովի 105 պատգամավորի կողմից գաղտնի քվեարկությանը մասնակցած 89 պատգամավորից Է. Սեդրակյանի օգտին քվեարկել էր 67 պատգամավոր: Թեկնածու Ա. Ղազարյանը ստացել էր 11 կողմ ձայն, Ա. Միրզոյանը`9: Երկու քվեաթերթիկ ճանաչվել էր անվավեր:
Աղբյուր՝ Դատական դեպարտամենտի մամուլի և հասարակայնության հետ կապերի ծառայություն

17:12 Հայաստան
Գեղարքունիքի մարզի Ճամբարակ համայնքի Վահան բնակավայրում տեղի է ունեցել նորակառույց մանկական խաղահրապարակի բացման հանդիսավոր արարողությունը

Միջոցառման պատվավոր հյուրերի թվում են եղել Գեղարքունիքի մարզպետ Ի. Սաղաթելյանը, Հայ Առաքելական եկեղեցու Կանադահայ թեմի առաջնորդ Բ. արքեպիսկոպոս Չարյանը, նույն թեմի ազգային առաջնորդարանի ներկայացուցիչներ, պատվիրակության այլ անդամներ:
Մանկական խաղահրապարակի կառուցման գործում իրենց ավանդն են ներդրել նաև Հայ Առաքելական եկեղեցու Կանադահայոց թեմի առաջնորդ, Գերաշնորհ Տեր Բ. արքեպիսկոպոս Չարյանը և սփյուռքահայ բարերար Մ. Չուխաճյանը:
Մամուլի հաղորդագրություն

Տեսանյութեր

Սեպտեմբերի 21. «Այս անգամ արտոնյալ երգիչներ չեն լինի»
15:22 18/09/2018

Սեպտեմբերի 21. «Այս անգամ արտոնյալ երգիչներ չեն լինի»

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}