Քաղաքական 19:02 18/04/2018 Հայաստան

Ցուցարարները Փաշինյանի «Քայլում» են (լրացված ըստ ժամանակագրության)

18։46
Նախարարությունների շենքի մոտ հավաքված ցուցարարները ավելի քան  1,5 ժամ դադարից հետո երթով շարժվեցին դեպի Հանրապետության հրապարակ: Նրանք Խորենացի փողոցով շարժվեցին Մաշտոցի պողոտա, հետո՝ Ամիրյան փողոց: 

Շահեն Հարությունյանը հայտարարեց, որ համախմբված մտնում են Հանրապետության հրապարակ, որտեղ իրենց է սպասում Նիկոլ Փաշինյանը: Ցուցարարները թմբուկների ուղեկցությամբ և ծափերով շարժվեցին հրապարակ:

16:35
ԱԺ պատգամավոր Նիկոլ Փաշինյանը դիմելով ցուցարարներին՝ հայտարարեց, որ բողոքի ակցիայի կազմակերպիչների՝ Արմեն Գրիգորյանի, Դավիթ Սանասարյանի հետ միասին 1-1,5 ժամ խորհրդակցություններ պետք է անցկացնեն այսօրվա հանրահավաքին ընդառաջ:
Նա ցուցարարներին ասաց, որ շրջափակեն 4 նախարարությունների մուտքերը, իսկ Շահեն Հարությունյանը կմնա որպես պատասխանատու:

«Ուզում եմ նորից հիշեցնել, որ հավաքի մասնակիցների շրջանում չպետք է լինեն դիմակավորված անձինք, որևէ մեքենայի, որևէ գույքի վնաս չպետք է պատճառվի: Եթե որևէ մեկն այդպիսի գործողություն անի, ապա նրան պետք է տեղում չեզոքացնել»,-  նշեց Նիկոլ Փաշինյանը:

Նա նաև հորդորեց հարգալից վերաբերմունք դրսևորել ոստիկանների և նախարարությունների աշխատակիցների նկատատմբ:

Նրանք գնացին «Քաղաքացիական պայմանագիր» կուսակցության գրասենյակ:





16:24
Ցուցարարները կանգ առան նախարարություններից շենք մոտ:
Նիկոլ Փաշինյանը ցուցարարներին կոչ արեց ծափերով ողջունել ՀՀ մշակույթի, կրթության և գիտության, արդարադատության, Արտաքին գործերի նախարարությունների աշխատակիցներին:

Նախարարությունների աշխատակիցներին էլ Փաշինյանը կոչ արեց դուրս գալ փողոց. «Նախարարության սիրելի աշխատակից, դուրս արի փողոց և տեր կանգնիր քո հայրենիքին, քո իրավունքին, քո ազատությանը»:

Քաղաքագետ Արմեն Գրիգորյանն էլ հայտարարեց, որ այսօր ՀՀ կրթության և գիտության նախարարությունում փակել են Ֆեյսբուք սոցիալական կայքը, Յութուբը և «Ազատություն» ռադիոկայանը, որպեսզի աշխատակիցները տեղեկատվություն չստանան:

«Մենք այստեղ ենք, որ նրանք իմանան և ժամը 7-ին գան Հանրապետության հրապարակ»,- ասաց Արմեն Գրիգորյանը:  

16:06
Երևանի քաղաքապետարանի մոտ հավաքված ցուցարարները երթով շարժվեցին  դեպի Հանրապետության հրապարակ: Նիկոլ Փաշինյանն ասաց, որ ցուցարարների մեջ կան դիմակով մարդիկ և կոչ արեց, որ բոլորը հանեն իրենց դիմակները:
«Իմ քայլը» նախաձեռնության անդամները  Վազգեն Սարգսյան փողոցով  թմբուկների նվագակցությամբ, ծափերով  և «Միացեք» վանկարկելով գնում են դեպի Հրապարակ:

15:45
Գրիգոր Լուսավորիչ փողոցում նստացույց անողներին մոտեցավ Երևանի փոխոստիկանապետ Վալերի Օսիպյանը: Նա Նիկոլ Փաշինյանից հետաքրքրվեց, թե ցուցարարները ինչ քայլեր են նախատեսում առաջիկայում:

Նիկոլ Փաշինյանը հայտնեց, որ սպասում են ոստիկանությունից բերման ենթարկվածների դուրս գալու մասին տեղեկատվության:

Ըստ նրա՝ առայժմ բերման ենթարկվածների հստակ թիվը չգիտեն, բայց ոստիկանությունից ստացել է հավաստիացումներ, որ 3 ժամվա ընթացքում նրանց ազատ կարձակեն:

«Ես կապի մեջ եմ պարոն Փաշինյան, եթե խնդիր լինի, դիմեք»,- ասաց Օսիպյանը և հեռացավ:

15:43
Գրիգոր Լուսավորիչ փողոցում, Երևանի քաղաքապետարանի մոտ, «Իմ քայլը» նախաձեռնության անդամներին  Նիկոլ Փաշինյանը կոչ արեց նստել և հանգստանալ, ինչից հետո ցուցարարները նստեցին` փակելով փողոցը: Այժմ երթի մասնակիցները հաց են ուտում: Նշենք նաև, որ Նիկոլ Փաշինյանի կոչից հետո Ֆրանսիայի հրապարակում հավաքված ցուցարարները միանում են իրենց: Ցուցարարները նաև հայտնեցին, որ Ոստիկանությունը հավելյալ ուժեր է կենտրոնացնում Ֆրանսիայի հրապարակում:



14:50
«Իմ քայլը» նախաձեռնության անդամները Արշակունյաց–Գրիգոր Լուսավորիչ փողոցների խաչմերուկի նստացույցից հետո երթով հասան Երևանի քաղաքապետարան, շրջափակեցին շենքը: Ոստիկանները քաղաքապետարանից դուրս եկան և անմիջապես փակեցին մուտքը։ Հետո ցուցարարները քայլեցին քաղաքապետարանի մեկ այլ մուտքի մոտ, որը նույնպես պատնեշներով փակ էր:

Դիմելով ոստիկաններին՝ Փաշինյանն ասաց, որ իրենք բացառիիկ հարգալից վերաբերմունք ունեն ոստիկանների նկատմամբ: Նա նաև Ֆրանսիայի հրապարակում հավաքվածներին կոչ արեց միանալ իրենց, քանի որ տեղեկություն ունեն, որ այնտեղ սադրիչների խմբեր կան և փորձում են իրենց կողմնակիցներին ներքաշել գործողությունների մեջ:

 





14:30
Նիկոլ Փաշինյանը լրագրողների հետ զրույցում ասաց. «Սերժ Սարգսյանն այսօր էլ չի կարող չզգալ, որ իր իշխանությանը վտանգ է սպառնում: Մենք համոզված ենք, որ ի վիճակի ենք համբերատար, խաղաղ և անարյուն թավշյա հեղափոխություն իրականացնել»:

14:15
Նիկոլ Փաշինյանը լրագրողների հետ զրույցում ասաց՝ ուզում է ուշադրությունը հրավիրել այն փաստի վրա, որ ըստ մամուլի տեղեկությունների՝ երեկ Թումանյան-Մաշտոց պողոտայում տեղի ունեցած միջադեպի կապակցությամբ ոչ մի անձ բերման չի ենթարկվել և չի  ձերբակալվել:

«Սա ևս մեկ անգամ վկայում է, որ երեկվա տեղի ունեցածը իշխանությունների կողմից կազմակերպված պրովոկացիա էր՝ հնդկական կինոյի ժանրով»,- նշեց նա:

Փաշինյանի խոսքով՝ երեկ ինքն ասել էր, որ տեղեկություններ ունեին, թե մեծ թվով սադրիչներ են ներդրել ցուցարարների շարքերը, որի նպատակն է սադրել և ցույցի մասնակիցներին ներքաշել գործողությունների մեջ:

«Դրանով նախ կվարկաբեկեին մեր շարժումը, երկրորդ՝ խաղաղ ցույցերի նկատմամբ ուժ կիրառելու առիթ կունենային: Դա էր պատճառը, որ մենք երեկ, ժամը 10-ին հայտարարեցինք հանրահավաքի ավարտի մասին, բայց քանի որ այդ սադրիչների խմբերին հրահանգն արդեն տրված էր, նրանք գործեցին ըստ իրենց պլանի, բայց նպատակին չհասան»,- ասաց Նիկոլ Փաշինյանը:

Հիշեցնենք, որ ՀՀ քննչական կոմիտեի նախագահի խորհրդական Սոնա Տռուզյանն իր ֆեյսբուքյան էջում գրել է, որ «ՀՀ քննչական կոմիտեի որևէ պաշտոնյա Դանիել Իոննիսյանին չի հաստատել, թե Թումանյան-Մաշտոց պողոտայում զանգվածային անկարգությունների մասնակիցները, ոստիկանների վրա հարձակում գործած անձինք ազատ են արձակվել»։

«Քրեական գործով քննություն է տարվում նրանց ինքնությունը պարզելու և համարժեք քրեաիրավական գնահատական տալու ուղղությամբ: Կատարվող քննչական և դատավարական այլ գործողությունների շրջանակներում տարբեր անձինք բերման ենթարկվել են, ովքեր հարցաքննվել են և  ազատ արձակվել։

Դանիել Իոննիսյանի հարցադրումը վերաբերել է քրեական գործով բերման ենթարկվածներին,  ինչի կապակցությամբ էլ պարզաբանվել է, որ նրանք ազատ են արձակվել։ Մինչդեռ հարցի պատասխանը հանրային հարթակում ներկայացվել է բոլորվին այլ կերպ, թե անմիջական մասնակիցներն են ազատ արձակվել,  ինչն ակնհայտ ապատեղեկատվություն է։

Կասկածյալներին, տեսագրությունների մեջ պատկերված անձանց հայտնաբերելու ուղղությամբ կատարվում են անհրաժեշտ գործողություններ»,- գրել է ՔԿ ներկայացուցիչը:

13:59
Նիկոլ Փաշինյանը հայտնեց՝ տեղեկություններ ունեն, որ Գավառի համալսարանի դռները փակել են և թույլ չեն տալիս, որ ուսանողներն ու դասախոսները դուրս գան և նրանք ներսում դասադուլ են անում:

«Մենք կոչ ենք անում նրանց բացել դռներն ու դուրս գալ, Հայաստանի քաղաքացու առաջ ոչ մեկ չի կարող դուռ փակել»,- ասաց Փաշինյանը:

Նա ասաց, որ ի պաշտպանություն Գավառի համալսարանի դասախոսների և ուսանողների՝  փակում են Արշակունյաց-Գրիգոր Լուսավորիչ փողոցների խաչմերուկը: Այժմ երթի մասնակիցները նստել են գետնին։

13:45
Նիկոլ Փաշինյանը ցուցարարների հետ հասել է Տիգրան Մեծ պողոտա:

Նշենք, որ այս պահին Գյումրիում ևս  տեղի է ունենում երթ: Մասնակիցները կոչ են անում ուսանողներին միանալ իրենց: Գյումրիում լարված վիճակ է, ցուցարարների  և ոստիկանների միջև քաշքշոց սկսվեց:

13:15
Նիկոլ Փաշինյանն իր թիմակիցների հետ երթով շարժվում է դեպի Վարդանանց փողոց,  քաղաքացիներին հորդորում է դուրս գալ փողոց և միանալ իրենց։

«Դուրս արի փողոց և տեր կանգնիր քո հայրենիքին, քո իրավունքին»,- կոչ է անում նա:

Փաշինյանը նաև հայտնեց, որ այսօրվա հանրահավաքը տեղի կունենա ժամը 19:00-ին, Հանրապետության հրապարակում:

12.48
Նիկոլ Փաշինյանը երթով հասավ Խ. Աբովյանի անվան մանկավարժական համալսարան և այստեղ էլ կոչ արեց միանալ իրենց հանրահավաքին: Այս պահին ցուցարարները շարունակում են իրենց երթը:

12:40
«Իմ քայլը» նախաձեռնության առաջնորդ, ԱԺ պատգամավոր  Նիկոլ Փաշինյանը  ԵՊՊ-ի մոտ ասաց, որ ահազանգեր են ստացել, թե համալսարաններում փակել են դռները, և ուսանողները  չեն կարողանում դուրս գալ:

Մինչդեռ, ըստ նրա, հիմա իրենք ԵՊՀ-ում են և համալսարանի դռներն իրենց առջև չեն փակվել, իսկ դա միայն պետք է ողջունել:

«Այսօր մենք եկանք ԵՊՀ, որի ռեկտորատի դները առնվազն բաց են մեր առաջ: Ոչ մի սարսափելի բան տեղի չունեցավ, մեր մի քանի տասնյակ կողմնակիցներ բացելով դռները և նաև զարմացած, ոգևորված ներս անցան, վանկարկեցին իրենց կոչերը և նույն հանգստությամբ դուրս եկան հրապարակ: Սա սիմվոլիկ է, և մենք պատկերացնում ենք մեր և բուհերի հարաբերություններն այսպիսին: Այն օրն էլ Մանկավարժական համալսարանը չփակեց մեր առջև դռները և մենք ողջունում ենք այդ որոշումը»,- ասաց Նիկոլ Փաշինյանը:

Նրա խոսքով՝ սա քաղաքակիրթ շարժում է , որն առաջնորդվում է ոչ թե ագրեսիվությամբ, վրեժխնդրությամբ, բռնությամբ, այլ միայն ու միայն գաղափարներով, Հայաստանի և հայ ժողովրդի շահերով:

«Մենք բոլոր բուհերին կոչ ենք անում՝ մի փակեք ուսանողների առաջ դռները: Եթե այս ահազանգերը ստացվեին մեկ շաբաթ առաջ, դա հասկանալի կլիներ, բայց երբ Հայաստանում ձևավորվել է ազատ, անկախ ուսանող՝ ինչպես կարող է որևէ ուսանող կանգնել փակ դռների առաջ:  Սիրելի ուսանողներ, մի ահազանգեք մեզ, թե Ձեր առաջ դռները փակվել են, քանի որ մենք Ձեզ ցույց ենք տվել դռներ բացելու ձևերը, օգտագործեք այդ ձևերը և ինքներդ բացեք Ձեր առաջ փակված դռները»,- նշեց Նիկոլ Փաշինյանը և սկսեց վանկարկել. «Ազատ, անկախ ուսանող»:

12:20
Ազատության հրապարակում գտնվող ոստիկանները նստեցին ավտոբուսները:

















12:16
Ցուցարարները ԵՊՀ շենքի դիմաց են:  Փաշինյանն ավտանգության աշխատակցին ասաց՝  այդտեղ 15-20 րոպե հավաք են իրականացնելու, գնան:

«Ինչո՞վ աջակցենք»,-հարցրեց անվտանգության աշխատակիցը:

Մինչ Փաշինյանը խոսում էր, ակցիայի մասնակիցներից շատերը մտան ԵՊՀ կենտրոնական մասնաշենք, ավելի ուշ նրանց միացավ Փաշինյանը:

«Միացեք, միացեք, դասադուլ»,-բացականչում են նրանք:

12:08
Քայլերթի մասնակիցները Չարենցի փողոցում են, ԵՊՀ շենքի մոտ:

«Ժողովուրդ ջան, սա մարաթոն չէ, դանդաղ քայլեք»,-հորդորում է Փաշինյանը:

12:05
Ֆրանսիայի հրապարակը բաց է, երթևեկությունը վերականգնված:





11:50
Ոստիկանության հետ բանակցություններից հետո Փաշինյանի գլխավորությամբ քայլերթի մասնակիցները շարժվեցին դեպի Կորյունի փողոց:

«Խուճապային լուրեր մի տարածեք, մի ծխեք, ծխախոտը գետնին մի գցեք, դիմակներ մի հագեք, ինձանից առաջ մի ընկեք, ոստիկանության հետ մենք կոնֆլիկտի մեջ չենք մտնելու, մեր պայքարը Սերժ Սարգսյանի ու Հանրապետականի դեմ է, մենք ոստիկանների հետ կռիվ չունենք»,-երթից առաջ  ակցիայի մասնակիցներին հորդորեց նա:

11:20
Բաղրամյան 26 հասցեում տեղակայված վարչապետի նստավայրի դիմաց մեծ թվով ոստիկաններ են կանգնած՝ վահաններով:

«Սերժ Սարգսյան, դու այսուհետ Հայաստանը տեսնելու ես այս ոստիկանակական ապակիների հետևից»,-ասաց Փաշինյանը: Դիմելով ոստիկաններին, նա նշեց. «Երկվա կինոն շատ արհեստական էր նկարված, աշխատեք ռեժիսորների ու սցենարիստների վրա»:

Հիշեցնենք, որ Թումանյան-Մաշտոց խաչմերուկում անհայտ անձինք կոտրել ու գետին են գցել ճանապարհային նշաններ, լուսացույցներ: Դրանից հետո ոստիկանությունը բացել է Մաշտոցի պողոտան, Ֆրանսիայի հրապարակը:



 11:00
Ֆրանսիայի հրապարակից բողոքի մասնակիցները շարժվեցին Բաղրամյան պողոտա:

«Բաղրամյան 26-ի շրջափակումը սկսված է, և կշարունակվի»,-հայտարարեց Փաշինյանը:

Մի քանի րոպե այնտեղ կանգնելուց հետո ցուցարարները շարժվեցին դեպի Բաղրամյան-Պռոշյան խաչմերուկ, Փաշինյանը վարորդներից ներողություն խնդրեց, ապա հորդորեց փակել այդ հատվածը:

«Խնդրում եմ փողոցները շրջափակելիս ոչ մի առարկա չենք օգտագործում՝ ոչ նստարան, ոչ աղբարկղ: Մենք հիմա այնքան շատ ենք, որ մենք մեզանով կարող ենք շատ շրջաններ շրջափակել»,-ասաց նա:







10:45
Նիկոլ Փաշինյանը ոստիկանությանն ու իրավապահ մարմիններին կոչ արեց անհապաղ ազատ արձակել ձերբակալված քաղաքացիներին:

«Մենք զբաղվելու ենք այդ մարդկանց գործով: Նրանք ակտիվիստներ են, մեկին՝ Տիգրան Մազմանյանին անձամբ եմ ճանաչում եմ։ Երեկվա հանրահավաքից առաջ մենք մտավախություն ունեինք, որ տեղի կունենան զանգվածային ձերբակալություններ, բայց կարծում եմ՝ երեկվա հանրահավաքի մասշտաբն ու համահայկական աջակցությունը կանխեցին այդ գործողությունները: Ես ինչքանով որ տեղեկություններ ունեմ, գիշերվա ընթացքում ձերբակալություններ չեն եղել մեր կողմնակիցների շրջանում»,-ասաց նա:

10:30

ԱԺ պատգամավոր Նիկոլ Փաշինյանն ու բողոքի ակցիայի մասնակիցներն արդեն Ֆրանսիայի հրապարակում են:

«Երեկվա բեկումնային իրադարձություններից հետո, կարծում եմ, այլևս ոչ մի բան մեզ չի կանգնեցնի, և մեր հաղթանակն անխուսափելի է»,-հայտարարեց Փաշինյանը:

Նրա խոսքով, այսօր իրենք շարունակելու են շրջափակել կառավարական շենքեր, քննարկման փուլում են  հեղափոխական կոմիտեի ստեղծման աշխատանքները:

«Ես կարծում եմ, որ դրա կազմում կլինեն այն խմբերի ներկայացուցիչները, ովքեր անմիջական մասնակցություն են ունեցել գործընթացի կազմակերպման հարցում: Խոսքը 14+4 պրոցեսի մասին է»,-ասաց Ն. Փաշինյանը:







Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

16:46
Արա Ղազարյան. Այն, ինչ անում է Ադրբեջանն այսօր, դեռ պետք է տակից դուրս գա
«ՄԻԵԴ-ում ունենք Ադրբեջանի դեմ շահած երեք գործ։ Ադրբեջանը վճիռները չի կատարում, բայց հետաքրքիր է՝ չի էլ հայտարարում, որ չի...
Աղբյուր` Panorama.am
16:21
ՌԴ ԱԳՆ. 102-րդ բազայի և ռուս սահմանապահների առկայությունը Հայաստանի ինքնիշխանության միակ իրական երաշխիքն է
ՌԴ ԱԳՆ-ն հայտարարել է, որ 102-րդ բազայի և ռուս սահմանապահների առկայությունը Հայաստանի ինքնիշխանության միակ իրական երաշխիքն է։ Այս մասին գրում է...
Աղբյուր` Panorama.am
15:59
Մխիթար Պապոյանը չի բացառում, որ կառաջադրվի ԲԴԽ անդամի թեկնածու
«Այդ հարցի հետ կապված ես որևէ պատասխան չունեմ, խնդրելու եմ այդ հարցը չպնդեք»,- Դատավորների ընդհանուր ժողովի մեկնարկին լրագրողների...
Աղբյուր` Panorama.am
15:58
Նարեկ Սամսոնյանի ձերբակալման վերաբերյալ Թ. Թովմասյանի դիմումի հիման վրա քրեական վարույթ է նախաձեռնվել
«ՀՀ դատախազությունից տեղեկացրեցին, որ իմ դիմումի հիման վրա քրեական վարույթ է նախաձեռնվել»,-տեղեկացրել է ԱԺ անկախ պատգամավոր Թագուհի...
Աղբյուր` Panorama.am
15:49
Նարեկ Սամսոնյանի՝ ԱՄՆ դեսպանին ուղղված նամակը դեսպանատանը չվերցրեցին
«Իմնեմնիմի» պոդքաստի վարող Նարեկ Սամսոնյանի՝ ԱՄՆ դեսպանին ուղղված բաց նամակն այսօր Սամսոնյանի թիմակիցները տարել էին ԱՄՆ դեսպանատուն՝...
Աղբյուր` Panorama.am
15:41
Կարծում եմ՝ բոլոր տեղերում էլ կլինեն. դատավոր Չիչոյանը դատական համակարգում «գործ տվողների» մասին
«Բոլորիս համար  էլ մտահոգիչ է դատավորների հրաժարականների դիմումները»,- Դատավորների ընդհանուր ժողովի մեկնարկին լրագրողների հետ...
Աղբյուր` Panorama.am
15:38
Սուտ է. ՆԱՏՕ–ի գլխավոր քարտուղարը Բաքվում և Երևանում հստակ ցույց տվեց, թե ինչն ինչոց է. Թևանյան
Քաղաքական գործիչ Անդրանիկ Թևանյանը ֆեյսբուքյան գրառմամբ անդրադարձել է «փաշինյանական քաղցր ստերի մահաբեր հետևանքներին»։ Նա գրում է....
Աղբյուր` Panorama.am
15:31
Ադրբեջանում պահվում է 23 անձ, ումի՞ց և ինչի՞ համար է վրեժխնդիր լինում Բաքուն
«Այս պահի դրությամբ Ադրբեջանը Հայաստանին վերադարձրել է 210 գերեվարվածների կամ այլ կարգավիճակ ունեցող հայերի։ Պաշտոնական տվյալներով, 23 անձ...
Աղբյուր` Panorama.am
15:15
Եթե նույն իրավիճակում հայտնվեմ, նույն կերպ կվարվեմ. դատավոր Բորիս Բախշիյան
«Պետք է պինդ լինել, հավատալ  սեփական ուժերին և արդարադատությանը, անպայման կհասնենք արդարադատությանը»,- Դատավորների ընդհանուր...
Աղբյուր` Panorama.am
15:13
Մատահոգված եմ, որ 4 դատավորները դիմում գրեցին գնացին.Արման Թովմասյան
«Մտահոգված եմ, որ 4 դատավորները դիմում գրեցին գնացին, այստեղ անխուսափելի է չմտահոգվելը, չգիտեմ, թե ով պետք է լինի դատավորներից, որ...
Աղբյուր` Panorama.am
14:57
Դեղձենին 20-25 օր շուտ կծաղկի
«Հիդրոօդերևութաբանության և մոնիթորինգի կենտրոն» ՊՈԱԿ-ը հրապարակել է ագրոօդերևութաբանական տեղեկատվություն Արարատյան դաշտում դեղձենու...
Աղբյուր` Panorama.am
14:48
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ամերիաբանկը ճանաչվել է Հայաստանի լավագույն բանկը Global Finance ամսագրի «Աշխարհի լավագույն բանկեր» 31-րդ տարեկան մրցանակաբաշխության...
Աղբյուր` Panorama.am
14:43
Դատավորի վրա ճնշում լինելու դեպքում նա պետք է համապատասխան ընթացակարգով դիմի համապատասխան մարմիններին. Դատավոր Արթուր Ստեփանյան
«Այդ հարցը բազմաթիվ անգամ տրվել է դատավորներին և որևէ դեպքում ես դրական պատասխան չեմ լսել իրենցից»,-դատավորների ընդհանուր ժողովից...
Աղբյուր` Panorama.am
14:42
Դավիթ Ֆիդանյան. Կարծում եմ՝ ԱՄՆ դեսպանը տեղյակ չէ՝ ինչ է կատարվում Նարեկ Սամսոնյանի, Վազգեն Սաղաթելյանի գործով
«Քաղաքացիական գիտակցություն» ՀԿ նախագահ, AntiFake.am կայքի հիմնադիր, քաղբանտարկյալ Նարեկ Սամսոնյանի անունից Հայաստանում ԱՄՆ դեսպան...
Աղբյուր` Panorama.am
14:24
Ահազանգ. Արմատախիլ են անում Ալեք Մանուկյան փողոցի ծառերը
Երևանի կենտրոնի ծառերի ապագան վտանգված է։ Այսօր արմատախիլ անելու հերթը Ալեք Մանուկյան փողոցի ծառերինն է։ Ծանր տեխնիկան  քոքահան է անում...
Աղբյուր` Panorama.am
13:59
Վարսեն Աղաբեկյանն ընդգրկվել է Պաղեստինի կառավարության կազմում
Պաղեստինի նախագահ Մոհամեդ  Աբասը հրամանագիր է ստորագրել՝ վստահություն հայտնելով Պաղեստինի տասնիններորդ կառավարությանը, ինչպես նաև...
Աղբյուր` Panorama.am
13:39
Կխնդրեի լսումներին ներառել հակադիր կարծիք ունեցողներին, այլապես կարող ենք իրար ջան ասել՝ ջան լսել. Արսեն Թորոսյան
«ԱԺ-ն որպես քաղաքական մարմին, ի դեմս Եվրաինտեգրման մշտական հանձնաժողովի, հնարավորություն է տալիս մասնագետներին, շահառու ուժերին...
Աղբյուր` Panorama.am
13:34
Անհանգիստ որոշ հանրային գործիչներ զանգն են հնչեցնում մոտալուտ աղետի, սակայն բոց առաջացնող կայծը չի երևում. Անանյան
«Օրացույցի յուրաքանչյուր նոր օր սոցիալ-քաղաքական սպասումների անտանելի ծանրության տակ ավելի ու ավելի է դառնում անտանելի ու ծանր»։
Աղբյուր` Panorama.am
13:17
Հունաստանի ափերի մոտ երկու ուժգին երկրաշարժ է տեղի ունեցել
Հունաստանի Պելոպոնես թերակղզու մերձակայքում երկու երկրաշարժ է տեղի ունեցել, հայտնում է Աթենքի համալսարանի սեյսմոլոգիական լաբորատորիան։ 5,4...
Աղբյուր` Panorama.am
13:07
ՊԵԿ. Առցանց անմաքս առևտրի շեմը նվազեցվել է
2024 թվականի ապրիլի 1-ից կսահմանվի 200 եվրո և 31 կգ
Աղբյուր` Panorama.am
13:00
Հորը բռնության ենթարկած, հարևան կնոջը սպանած տղամարդուն տեղափոխել են հոգեկան առողջության կենտրոն
Հարևան կանանցից մեկի նկատմամբ էլ սպանության փորձ էր կատարել։ Նրան մեղադրանք է առաջադրվել
Աղբյուր` Panorama.am
12:49
ՍԱՏՄ-ն ժամկետանց ձվեր է հայտնաբերել
Մարտի 31-ի Սուրբ Զատկի տոնակատարությանն ընդառաջ՝ ՀՀ սննդամթերքի անվտանգության տեսչական մարմինը մարտի 20-ից 29-ը ներառյալ վերահսկողական...
Աղբյուր` Panorama.am
12:38
Գիտենք, որ ինչքան սաղարթ՝ այնքան տերև, ինչքան տերև՝ այնքան շատ ֆոտոսինթեզ. Արմեն Բեգոյան
Երևանում քաղաքապետարանը լայն թափով փողոցների ողջ երկայնքով իրականացնում է ծառերի փոխարինման ծրագիրը։ Բնապահպաններն ահազանգում են, որ փոշու բարձր...
Աղբյուր` Panorama.am
12:29
Գևորգ Դաբաղյանը ծիրանափողի հնչյունները կհասցնի Նովոսիբիրսկ, ապա Ամստերդամ
Երաժշտական արվեստի 11-րդ փառատոնի շրջանակում Նովոսիբիրսկ երկրամասում ապրիլի 3-5-ը կայանալու է «Դուդուկի առեղծվածը» խորագրով համերգ,...
Աղբյուր` Panorama.am
12:28
Այսօր աշխատանքից ազատվելու դիմում եմ ներկայացրել․ «Երևան ավտոբուս» ՓԲԸ տնօրեն
«Այսօր դիմում եմ ներկայացրել աշխատանքից ազատվելու մասին»,-հայտարարել է «Երևան ավտոբուս» ՓԲԸ տնօրեն Հովհաննես Մանուկյանը։...
Աղբյուր` Panorama.am
12:22
Վարոսյանը՝ Ռշտունու որոշման մասին. Իշխանությունները ո՞նց լուծեցին այդ հարցը, ժամանակը ցույց կտա
Վերջին մեկ ամսվա ընթացքում դադարեցվեցին չորս դատավորների լիազորություններ, երեկ Վերաքննիչ քրեական դատարանի դատավոր Վազգեն Ռշտունին էլ...
Աղբյուր` Panorama.am
11:46
Ռուբեն Մխիթարյանը՝ ՔՊ-ականներին. Դուք վախեցած եք, դա ակնհայտ է
Հայտնի պրոդյուսեր Ռուբեն Մխիթարյանը գրում է. «Դուք վախեցած եք: Դա երևում է: Դա ակնհայտ է: Դա զգացվում է նույնիսկ ձեր հազիվ բռնվող...
Աղբյուր` Panorama.am
11:44
Եթե Տավուշի գյուղերի հանձնման պրոցեսը տեղի ունենա, այդտեղից կսկսվի պետականության վերջնական ավարտը. Սուրեն Պետրոսյան
«Երևան-Նոյեմբերյան միջպետական ճանապարհն անցնում է ադրբեջանցիների տոտալ վերահսկողության տակ։ Գյուղից մի փոքր աջ գազատարն է, որը ևս անցնում է ադրբեջանցիներին»։
Աղբյուր` Panorama.am
11:35
Օդային ճանապարհով փորձ է արվել Հայաստան ներմուծել առանց հայտարարագրման բջջային հեռախոսներ
ՊԵԿ էլեկտրոնային առևտրի և օդային տրանսպորտով իրականացվող փոխադրումների վարչությունում օրերս հայտնաբերվել է մաքսային կանոնների խախտման նոր դեպք։...
Աղբյուր` Panorama.am
10:53
Զելենսկին, թերևս, առաջին անգամ բաց տեքստով խոստովանել է, որ Ուկրաինան պատերազմում պարտվում է. Քաղաքագետ
Քաղաքագետ Սուրեն Սուրենյանցը գրում է. «Զելենսկին, թերևս, առաջին անգամ բաց տեքստով խոստովանել է, որ Ուկրաինան պատերազմում պարտվում է:...
Աղբյուր` Panorama.am

Տեսանյութեր

Իշխանությունը շատ լավ գիտեր, որ Վազգեն Ռշտունին ընտրվելու էր ԲԴԽ անդամ. Փաստաբան
12:39 29/03/2024

Իշխանությունը շատ լավ գիտեր, որ Վազգեն Ռշտունին ընտրվելու էր ԲԴԽ անդամ. Փաստաբան

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}