ՀՀԿ-ն կուսակցության նախագահի պաշտոնանկության հարց չի քննարկում. Շարմազանով
ՀՀԿ-ն չի քննարկում կուսակցության նախագահի պաշտոնանկության հարցը։ Այս մասին այսօր ՀՀԿ ԳՄ նիստից հետո լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը։
Հարցին, թե ՀՀԿ-ում կա՞ն անփոխարինելի մարդիկ, ԱԺ փոխնախագահը նշեց, որ ինչպես նախկինում է ասել, այսօր էլ կրկնում է՝ անփոխարինելի մարդիկ լինում են. «Ինձ համար անփոխարինել մարդ եղել է Անդրանիկ Մարգարյանը, Վազգեն Սարգսյանը, Սերժ Սարգսյանը, Վահան Հովհաննիսյանը, շատ մարդիկ են եղել, ինչո՞ւ չէ»։
Լրագրողները նաև հետաքրքրվեցին, թե արդյոք նախկին վարչապետ Կարեն Կարապետյանը մասնակցում է ՀՀԿ-ի նիստերին, Շարմազանովը դրական պատասխան տվեց։
Նրա խոսքով՝ կուսակիցների հարաբերությունները փայլուն են։ «Մեր բոլորի հարաբերությունները փայլուն են, մենք կուռ, միասնական քաղաքական թիմ ենք»,- ասաց նա։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ