Ես տենց պետական պաշտոնի եղել ե՞մ, որ բան գողանամ էս պետությունից. Սեյրան Սարոյան
Lրագրողներն այսօր ՀՀԿ-ական պատգամավոր Սեյրան Սարոյանից հետաքրրքվեցին` ի՞նչ հարցեր են պատրաստվում տալ կառավարության նոր անդամներին:
«Թողեք մարդիկ գան, տեսնենք ինչ ա, ինչ չի նոր. այ հիմա էլ ընցաք մեր յանի՞ց: Նոր-նոր նշանակել են, չեմ ճանաչում, բայց ջահել տղերք են ինչ վատ ա »,- ասաց նա:
Լրագրողները պատգամավորին հարցրեցին՝ արդյո՞ք ծանոթ է «Ազգ-բանակ» հայեցակարգի վերաբերյալ ԱԽ քարտուղար Արմեն Գրիգորյանի հայտարարությանը:
«Ծանոթ չեմ, բայց մի բան գիտեմ` բոլորս պետք ա մեր բանակի կողքին լինենք, հիմա անվտանգության քարտուղար կլնի, Սեյրան Սարոյան կլնի, ով կլնի բոլորս էլ պետք ա մեր բանակի կողքին լինենք, որը մեր բանակի համար լավ ա, պիտի անենք բանակի համար»:
Ինչ վերաբերում է ԱԱԾ տնօրեն Արթուր Վանեցյանի՝ կոռուպցիոն բացահայտումների վերաբերյալ հայտարարությանը, Սարոյանն ասաց, որ եթե ինքը նման բան է արել թող իր անունն էլ հրապարակեն:
«Ես տենց պետական պաշտոնի եղել ե՞մ, որ բան գողանամ էս պետությունից, մեզի ո՞վ ա թողե, որ էդ կաստուրկին մոտ էթանք, որ մի հատ էլ գողանամ»,- նշեց ՀՀԿ-ական պատգամավորը:
Անդրադառնալով «Ելք» խմբակցության պատգամավոր Հայկ Կոնջորյանի այն հայտարարությանը, թե երիտասարդ նախարարները անփորձ են ատկատների ու կոռուպցիայի հարցում Սարոյանն ասաց. «Տա աստված, որ չվերցնեն կաշառք, եթե նամուս ունենան, եթե թասիբ ունենան չեն անի տենց բան: Կյանքը ցույց կտա: Կարողա նենց պրնիցիպյալ են, որ չանեն տենց բան, եթե չանեն, ես իրանց ցավը տանեմ»:
Լրագրողները նաև հետաքրքրվեցին՝ կմասնակցի՞ արտահերթ ընտրություններին թե ոչ: Կյանքը ցույց կտա, պատասխանեց պատգամավորը:
«Ասում ա` մինչև չգա թազեն, հինը չի հիշվի, չէ՞: Հիմա եկել են, բարով են եկել, ոչ մեկի վրա ցեխ չի կարելի շպրտել, մեր ազգի վատն ի՞նչն ա, որ իրար վրա ցեխ շպրտենք-մնդռենք: Ես երբեք ըտենց բան չեմ արել, հիմա էլ չեմ անում: Տա աստված ժողովրդի ցանկությունը կատարենք, տես ջահել տղերք են չէ՞ նշանակվել, բոլորն ասում են անփորձ են, մթոմ սաղի պապերը մինիստր էին եղել, կամ պապական եկել էին մինստր, սրանք էլ ջահել են: Ջահել են, կսովորեն գրագետ տղերք են, օրենք գոյություն ունի, եթե օրենքը չխախտեն ընտիր ղեկավար կլնեն, բայց եթե սկսեն օրենքը խախտել, օրենքները ֆռցնել, լավ չի լինի: Ճիշտ էիք ասում` սրանք տրույկներ անել չգիտեն օրենքով պետք ա էթան առաջ»,- ասաց նա:
Սեյրան Սարոյանը խոսեց նաև ՀՀ նորընտիր վարչապետի՝ Ադրբեջանի նախագահի հետ հնարավոր բանակցությունների մասին։
«Այ երեխեք ջան, հլը բան չարած, հիմա ինչ ասեմ ես: Հլը մի անգամ հանդիպում էլ չի եղել, որ տենամ ինչ ռեակցիա կա, ես հիմա ինչ ասեմ: Շատ գիտեմ Նիկոլի մտքի մեջ ի՞նչ կա: Բայց որ Նիկոլն էլ հայրենասեր, թասիբով տղայա հո էտի չենք կարա կասկածենք»,- նշեց նա:
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում
