Մշակույթի նախարարի տեղակալ Արթուր Պողոսյանին կփոխարինի Նազենի Ղարիբյանը
ՀՀ վարչապետ Նիկոլ Փաշինյանի որոշումներով՝ փոփոխություններ են կատարվել ՀՀ մշակույթի և արտակարգ իրավիճակների նախարարություններում։ ՀՀ Կառավարության կայքից տեղեկանում ենք, որ Էնրիկո Ապրիամովը սեփական դիմումի համաձայն ազատվել է Հայաստանի Հանրապետության արտակարգ իրավիճակների նախարարի տեղակալի պաշտոնակատարի պաշտոնից։ Որոշումը հաստատել է վարչապետը՝ ղեկավարվելով «Հանրային ծառայության մասին» օրենքի 9-րդ հոդվածի 1-ին մասով։
Մեկ այլ որոշմամբ, «ղեկավարվելով «Պետական կառավարման համակարգի մարմինների մասին» օրենքի 7-րդ հոդվածի 6-րդ մասով և «Զինվորական ծառայության և զինծառայողի կարգավիճակի մասին» օրենքի 39-րդ հոդվածի 1-ին և 2-րդ մասերով», փրկարար ծառայության գնդապետ Հովհաննես Եմիշյանը նշանակվել է արտակարգ իրավիճակների նախարարության փրկարար ծառայության տնօրենի պարտականությունների ժամանակավոր կատարող։
«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով»՝ Արթուր Պողոսյանն ազատվել է Հայաստանի Հանրապետության մշակույթի նախարարի տեղակալի պաշտոնակատարի պաշտոնից՝ իր դիմումի համաձայն։ Նրան այդ պաշտոնում կփոխարինի Նազենի Ղարիբյանը։
«Ղեկավարվելով «Քաղաքացիական ծառայության մասին» օրենքի 18-րդ հոդվածի 1-ին մասի «ա» ենթակետով»՝ գյուղատնտեսության նախարարության աշխատակազմի իրավաբանական վարչության պետ Գուրգեն Ավագյանը մինչև 6 ամիս ժամկետով նշանակվել է գյուղատնտեսության նախարարության աշխատակազմի ղեկավարին փոխարինող:
Հարակից հրապարակումներ`
- ԱԳ փոխնախարարի պաշտոնում Խոսրով Հարությունյանի որդուն փոխարինեց Կարապետ Ռուբինյանի որդին
- Պաշտպանության փոխնախարարներ են նշանակվել
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում