Իրանից բերված ազնվացեղ եղջերուներից մեկը ձագ է ունեցել
Այսօր առավոտյան «Դիլիջան» ազգային պարկի «Կովկասյան ազնվացեղ եղջերուի բազմացման կենտրոն»-ում ծնվել է Իրանից Հայաստան բերված ազնվացեղ եղջերուների առաջին ձագուկը: Նա արական սեռի է: Այս մասին տեղեկանում են Վայրի բնության համաշխարհային հիմնադրամի հայաստանյան մասնաճյուղի ֆեյսբուքյան էջից:
Հիշեցնենք, որ այս տարվա ամսին Իրանի Իսլամական Հանրապետությունից 3 կովկասյան ազնվացեղ եղջերու տեղափոխվել են Հայաստան՝ տվյալ կենդանատեսակի պոպուլյացիայի վերականգնման համար։
«Հայաստանում Կովկասյան ազնվացեղ եղջերուի վերաբնակեցման ծրագիրը» նախաձեռնել են ՀՀ բնապահպանության նախարարությունը և Բնության համաշխարհային հիմնադրամի (WWF) հայաստանյան մասնաճյուղը 2013 թ․-ին։
Ծրագրի ֆինանսական աջակիցներն են՝ Գերմանիայի Դաշնային Հանրապետությունը՝ KfW Զարգացման Բանկի միջոցով, WWF Գերմանիան, Կովկասի բնության հիմնադրամը (CNF), Անդրսահմանային միացյալ քարտուղարությունը (TJS) և HSBC Բանկ Հայաստանը։
Եղջերուների ու հայաստանցի փոքրիկի տեսանյութերն իր էջում հրապարակել է բնապահպանության նախկին նախարար Արծվիկ Մինասյանի մամուլի խոսնակը, լուսանկարները՝ հիմնադրամի էջից:
Հարակից հրապարակումներ`
- Ուրախալի լուր. Կովկասյան ազնվացեղ եղջերուները Հայաստանում են
- Իրանը Հայաստանին ազնվացեղ եղջերուներ կտա
- Վրաստանից ազնվացեղ եղջերուներ կբերվեն Հայաստան
- Հայաստանում շուտով կվերաբնակեցվի Կովկասյան ազնվացեղ եղջերուն