«Պետք է մտածենք՝ ինչպես վերացնենք հետևանքները»
«Եթե այս մեղադրանքները հաստատվեն, ապա Մանվելին չեն փրկի ոչ մուրճը, ոչ նալը, ոչ մեխը, կփրկի միայն պարանը»,- խորհրդարանում պատգամավոր Մանվել Գրիգորյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու մասին ՀՀ գլխավոր դատախազի միջնորդագրի քննարկման ժամանակ հայտարարեց «Ծառուկյան» խմբակցության պատգամավոր Սերգեյ Բագրատյանը։
Նրա խոսքով՝ մեղադրանքները հաստատվելու դեպքում հայ մարդու հավատը՝ բանակի նկատմամբ, կսասանվի, ինչն ամենավտանգավոր իրողությունն է:
«Բոլորս տեսնում ենք, որ լինելով բարձրաստիճան զինվորականներ և ստանալով աշխատավարձ, երկու-երեք տարի հրամանատար լինելով կառուցում են դղյակներ, ո՞ւմ հաշվին, իհարկե, զինվորի, իհարկե, ծանր քրտինքով աշխատող հայ մարդու, որից տարբեր պատճառաբանություններով գումարներ են շորթում: Պարոն դատախազն ասում է՝ հայտնեք այդ մասին, ակնհայտ իրողությունների մասին չեն հայտնում, պարոն դատախազ: Պարզապես նայեք ձեր շուրջը, տեսեք դղյակները, հարցրեք ո՞ւմ են պատկանում, ո՞ր զինվորականին: Միայն պետք է հաշվել աշխատավարձը և տեսնել, որ այդ զինվորականի ստացած աշխատավարձն առավելագույնն այդ դղյակի դռան գինն արժի»,- ասաց պատգամավորը։
ՀՅԴ խմբակցության պատգամավոր Արմեն Ռուստամյանի խոսքով՝ սա իսկապես խայտառակություն է և սրբապղծություն. «Մենք պետք է մտածենք՝ ինչպես պետք է վերացնենք դրա հետևանքները, սա է մեր հիմնական անելիքը, որ վերականգնենք մեր ազգային հպարտությունը։ Մեր բոլոր խնդիրները պետք ուղղված լինեն նրան, որ բացահայտումները կատարվեն հնարավորինս արագ ու լիարժեք, բոլորս պետք է նպաստենք, որ այդ բացահայտումները լինեն սպառիչ, համոզիչ հասարակության համար»։
ՀՀԿ անունից ելույթ ունեցավ Վահրամ Բաղդասարյանը։
«Մենք հայտարարում ենք, որ հարգելով անմեղության կանխավարկածը, չենք խոչընդոտելու նախաքննությանը, դատախազի ներկայացրած երկու միջնորդություններին էլ կողմ ենք քվեարկելու։ Միևնույն ժամանակ նաև հայտարարում ենք, որ ամբողջ նախաքննության և դատավարության ընթացքին լինելու ենք հետևողական, և դատախազի ներկայացրած մեղադրանքները եթե կհաստատվեն, օրենքի ամենայն խստությամբ հանցագործություն կատարողները պետք է պատժվեն, դա անբեկանելի է»,- ասաց Բաղդասարյանը։
Հարակից հրապարակումներ`
- Մանվել Գրիգորյանի նկատմամբ քրեական հետապնդում հարուցելու համար ԱԺ-ում քվեարկում են
- Մանվել Գրիգորյանի գործով ևս մեկ անձի նկատմամբ քրեական հետապնդում է իրականացվել. Գլխավոր դատախազ
- Անգամ զավեշտը հասնում էր այնտեղ, որ Էջմիածնում ծնվածների գերակշիռ մասը պիտի կրեր Մանվել անունը. Ն. Զոհրաբյան
- Սեդրակ Սարոյան. Զատիկից հետո կարմիր ձուն էլ ի՞նչ ես անելու
- Տեղի ունեցածն արդարացնողները հավասարապես կրելու է այս մառադյոռության պատասխանատվությանը. Զոհրաբյան
- ԱԺ-ում քննարկվում է Մանվել Գրիգորյանին անձեռնմխելիությունից զրկելու և քրեական հետապնդում հարուցելու հարցը
- Սեդրակ Սարոյան. Մանվելն իմ երեսին ո՞նց ա նայելու
- Կողմ եմ քվեարկելու Մանվել Գրիգորյանին անձեռնմխելիությունից զրկելու հարցին. Կոստանյան
- Մանվել Գրիգորյանը պատրաստ է անձեռնմխելիությունից զրկվել՝ «հանուն հակափաստարկների»
- Արփինե Հովհաննիսյանը կողմ կքվեարկի Մանվել Գրիգորյանին անձեռնմխելիությունից զրկելուն