Վախի մթնոլորտը միգուցե ժամանակավորապես լռեցնի ադրբեջանական հանրությանը, բայց ոչ հավերժ. ադրբեջանագետ
«Ադրբեջանական Գյանջայում (հայկական անվանումը Գանձակ՝ խմբ.) վերջին օրերին ծավալված դեպքերը ի ցույց դրեցին բազմաթիվ ներքին խնդիրներ,ո րոնք տարիներ շարունակ զմռսվում են Ադրբեջանում: Թվացյալ պատկերը, որ այդ երկրում բացարձակապես ամեն ինչ վերահսկվում է իշխանական ընտանիքի կողմից, տեղի ունեցած դեպքերից հետո կարծես այլ իրողության մասին է խոսում»,- այսօր տեղի ունեցած մամուլի ասուլիսի ժամանակ ասաց ադրբեջանագետ Տաթև Հայրապետյանը:
«Ինչպես հայտնի է, Գյանջայի քաղաքապետի նկատմամբ մահափորձ տեղի ունեցավ, որից հետո ի պաշտպանություն ձերբակալված անձի՝ մարդիկ պաստառներով հավաքվեցին: Երկու բարձրաստիճան ոստիկան սպանվեց: Այս դեպքերը լուրջ խնդիրների մասին են խոսում, որովհետև սովորաբար ցույցերից առաջ Ադրբեջանում բոլորին մանրակրկիտ ստուգում են:
Հետևաբար շատ տարօրինակ է, թե ինչպես զինված մարդիկ հայտնվեցին քաղաքի կենտրոնում, և երկու բարձրաստիճան ոստիկանների սպանվեցին: Սկզբանական շրջանում հաղորդվեց, որ մահափորձը կենցաղային հողի վրա էր, այնուհետ հայտարարվեց, որ այն իրականացրել են ծայրահեղական իսլամիստները, այնուհետ գտնվեց արտաքին միջամտություն և վերջում իհարկե՝ հայկական հետք.,- ասաց ադրբեջանագետը:
Բանախոսի համոզմամբ, Ադրբեջանի իշխանություններ պատրաստ են խնդիրներևը բարդել բոլորի վրա, սակայն իրենց վրա պատասխանատվություն չվերցնել:
Ադրբեջանագետը միաժամանակ հիշեցրեց՝ Գյանջայի դեպքրից մի քանի օր առաջ Իլհամ Ալիևը հայտարարել էր, որ հայերը կնախանձեն Ադրբեջանի կայունությանը։
«Ադրբեջանում տեղի ունեցող գործընթացների վրա, կարծում եմ, անդրադարձել են նաև Հայաստանում տեղի ունեցած վերջի փոփոխությունները: Այս օրերին այդ երկրում հռետորաբանության անկում կա: Միգուցե վախի մթնոլորտը ժամանակվորապես լռեցնի ադրբեջանական հանրությանը, սակայն ինչ-որ պահի խորացող խնդիրները դուրս են ժայթքելու:
Ադրբեջանն իր սադրանքներով և ծավալած քաղաքականությամբ միջազգային ասպարեզում այլևս հեղինակության անկման տեղ չունի:
Իլհամ Ալիևն իր համար բարդ իրավիճակ է ստեղծել՝ կամ ինքը պետք է գնա բարեփոխումների, կամ միջամտություններ են լինելու դրսից: Ալիևի կառավարման չորրորդ շրջանը շատ ավելի բարդ է լինելու»,- ընդգծեց ադրբեջանագետը:
Ասուլիսին ներկա փորձագետ Լիանա Հովհաննիսյան իր հերթին համաձայնեց, որ Հայաստանում տեղի ունեցող իրադարձությունները շղթայական ռեակցիայի օրինակով էական ազդեցություն են ունեցել Ադրբեջանում տեղի ունեցած դեպքերի վրա:
«Սա, իհարկե, սրում է Ադրբեջանի իշխանությունների մտավախությունները, որ իշխանափոխություն կարող է տեղի ունենալ նաև այնտեղ: Այս ամենի ֆոնին հակահայ հայտարարություններն ու գործողությունները զարմանալի չեն: Ադրբեջանը շարունակում է չկատարել Արցախյան հիմնախնդրի կարգավորման շրջանակներում նախկինում ձեռք բերված պայմանավորվածությունները՝ մեղքը բարդելով ՀՀ նոր իշխանությունների վրա: Ուժի կիրառման պառնալիքները որոշակիորեն ակտիվացել են, Ադրբեջանը կարծես իր հանրությանը նախապատրաստում է պատերազմի՝ փորձելով շեղել ուշադրությունը ներքաղաքական խնդիրներից»,- ասաց փորձագետը:
Լրահոս
Տեսանյութեր
Եթե Տավուշի գյուղերի հանձնման պրոցեսը տեղի ունենա, այդտեղից կսկսվի պետականության վերջնական ավարտը