Արմավիրի մարզում արտադրվող գյուղմթերքի իրացման նոր շուկա՝ Արաբկիր վարչական շրջանում
Արմավիրի մարզում գյուղատնտեսական մթերքների իրացմանն աջակցելու նպատակով մարզպետ Գագիկ Միրիջանյանի նախաձեռնությամբ Երևան քաղաքի Արաբկիր վարչական շրջանում գտնվող գյուղմթերքի մանրածախ վաճառք իրականացնող շուկայում այսուհետ կիրականացվի նաև մարզում արտադրվող պտուղ-բանջարեղենի վաճառք` գյուղացիների անմիջական մասնակցությամբ:
Մարզպետարանի տեղեկատվության և հասարակայնության հետ կապերի բաժնի հաղորդմամբ, շուկայում համապատասխան տարածքի տրամադրումն իրականացվելու է բացառապես մարզպետի կողմից տրված ուղեկցական գրությամբ: Իսկ տեղերի տրամադրման գնային քաղաքականությունն իրականացվելու է գործող ամենացածր սակագնով` 500 ՀՀ դրամով:
Նշված շուկայում պտուղ-բանջարեղենի վաճառք իրականացնել ցանկացող մարզի գյուղացիական տնտեսությունների ներկայացուցիչները կարող են դիմել մարզպետարանի աշխատակազմի գյուղատնտեսության և բնապահպանության վարչության պետ Արթուր Այվազյանին (hեռախոսահամար՝ (+374 77) 11 44 66):
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին