Քաղաքական 21:30 17/08/2018 Հայաստան

Վարչապետ Նիկոլ Փաշինյանի ելույթը՝ Հանրապետության հրապարակում

«Սիրելի ժողովուրդ, այսօր բացառիկ օր է և բացառիկ իրադարձություն: Այսպիսի բան Հայաստանի Հանրապետության կյանքում առաջին անգամ է տեղի ունենում»,- Հանրապետության հրապարակում հայտարարեց ՀՀ վարչապետ Նիկոլ Փաշինյանը՝ ամփոփելով իր պաշտոնավարման 100 օրը: 

«Ինչ նկատի ունեմ. այսօր այս հրապարակում են գտնվում ՀՀ հարյուր հազարավոր քաղաքացիներ, այս հրապարակում են ոստիկանության, ԱԱԾ հարյուրավոր աշխատակիցներ, Արցախի Հանրապետությունից ժամանած հազարավոր հայրենակիցներ, Ռուսաստանի հայության ներկայացուցիչներ, Եվրոպայի, ԱՄՆ-ի, Իրանի հայության ներկայացուցիչներ, Սփյուռքի բազմաթիվ համայնքներից, Լիբանանից և այսօր սահմանին մեր խաղաղությունը պահպանում և պաշտպանում են ՀՀ զինված ուժերի փառապանծ գեներալներ, սպաներ և զինվորներ, և նրանք հոգով ու մտքով այստեղ են»,-ասաց վարչապետը՝ հավելելով, որ այստեղ են նաև Հայաստանի  տարբեր մարզերի ներկայացուցիչներ: 

Նրա խոսքով՝ այսօր հայ ժողովուրդը միասնական է, առավել քան երբևէ, և այսօր հայ ժողովրդի միասնության ու հաղթանակի օրն է: Նիկոլ Փաշինյանը խնդրեց իջեցնել բոլոր պաստառները, որոնք ուղղված են որևէ մեկին ընդդեմ, քանի որ հանրահավաքը չի կարող լինել ընդդեմ որևէ մեկի. «Սա հայ ժողովրդի  հաղթանակի, միասնության հանրահավաքն է»:

Միայն դուք եք որոշելու, թե ով է լինելու վարչապետ
«Ուղիղ 100 օր առաջ ձեր կամքով և ձեր ընտրությամբ ես ընտրվեցի ՀՀ վարչապետ: Ես եկա և ասացի, որ դուք հաղթեցիք և ձեր հաղթանակն այն չէ, որ ես ՀՀ վարչապետ եմ ընտրվել, հաղթանակն այն է, որ դուք եք որոշել, թե ով լինի վարչապետ, և սրանից հետո ընդմիշտ դուք և միայն դուք եք որոշելու, թե ով է լինելու ՀՀ վարչապետ: 100 օր առաջ Ձեր հզոր և միասնական կամքը հաղթանակեց և միջազգային հանրությունը մինչ օրս չի հասկանում, թե ինչ է տեղի ունեցել Հայաստանում, ինչպես և ինչու: Աշխարհի ոչ մի վերլուծական կենտրոն չէր կանխատեսել, որ Հայաստանում կարող է տեղի ունենալ այսպիսի ժողովրդական զարթոնք: Բոլորը ելնում էին այն կանխավարկածից, թե Հայաստանը վերջնականապես հանգել է հուսահատության առաջ, նաև այս պատճառով է տեղի ունեցածը բացառիկ»,- իր ելույթում ասաց վարչապետը:

ՀՀ-ում տեղի է ունեցել կառավարման ձևի դե ֆակտո փոփոխություն
Նրա խոսքով՝ Համաշխարհային պատմության մեջ չի եղել նախադեպ, երբ խորհրդարանական ընտրություններից մեկ տարի անց երկրի վարչապետ ընտրվի մեկը, որը խորհրդարանում ունի ընդամենը մի քանի վստահելի ձայն, և այս ամենը իրականություն դառնա առանց մի կրակոցի, առանց մի բռնության, առանց մի զոհի:

Նիկոլ Փաշինյանի համոզմամբ՝  հիմա աշխարհի վերլուծաբանները ջանք չեն խնայում գտնելու համար, թե որն է այն գործոնը, այն հզոր ուժը, որ հնարավոր դարձրեց իրադարձությունների նման զարգացումը:

«Ոմանք այդ գործոնները փնտրում են արևմուտքում, հյուսիսում, բայց հիմա այս ամբիոնից ուզում եմ ի լուր աշխարհի ասել՝  բացառիկ և հզոր այն ուժը, որ հնարավոր դարձրեց այդ աննախադեպ իրադարձությունը հայ ժողովուրդն է, ՀՀ հպարտ և արժանապատիվ հայությունը, Սփյուռքի հայությունը, աշխարհում ապրող յուրաքանչյուր հայ: Մեր ոչ բռնի, թավշյա հեղափոխությունը բացառիկ է ոչ միայն իր ձևով, այլ նաև իր բովանդակությամբ, որովհետև ոմանք գուցե չեն նկատել, որ ՀՀ վարչապետը ոչ թե խորհրդարանական ուժի, այլ հայ ժողովրդի ուղիղ և անմիջական կամքի ներկայացուցիչն է, և սա է պատճառը, որ մենք տեղի ունեցածը անվանում ենք հեղափոխություն, քանի որ  ՀՀ-ում տեղի է ունեցել կառավարման ձևի դե ֆակտո փոփոխություն և հիմա հաստատվել է մի իրավակարգ, կառավարման համակարգ, որը պատմագիտության մեջ ընդունված է անվանել ժողովրդավարական կառավարում, ժողովրդի իշխանություն»,- հայտարարեց վարչապետը:

Ելույթի ժամանակ վարչապետի ձայնն անընդհատ խզվում էր և Նիկոլ Փաշինյանը կատակով ավելացրեց. «Ձենս սովորելա վարչապետի փափուկ կյանքին, չի դիմանում»:

ՀՀ-ում չկա կոալիցիա, կառավարությունը ենթարկվում է այս հրապարակին
Այնուհետև Նիկոլ Փաշինյանը նշեց, որ այս քաղաքական իրավիճակի չհասկացվածության պատճառն է, որ դեռևս ոմանք Հայաստանի ներքաղաքական կյանքում խոսելիս օգտագործում են կոալիցիոն իշխանություն, խորհրդարանական մեծամասնություն հասկացությունները, սակայն , ըստ նրա, ՀՀ-ում չկա կոալիցիա, կոալիցիոն իշխանություն, խորհրդարանական մեծամասնություն, ՀՀ-ում կա ժողովուրդ:

Վարչապետ Նիկոլ Փաշինյանը  հայտարարեց, որ Հանրապետության հրապարակը հռչակում է   որպես Ժողովրդական իշխանության բարձրագույն մարմին:

«Սա նշանակում է , որ կառավարությունն ինչպես ձևավորվել է այս հրապարակում, հաշվետու է այս հրապարակին և ենթարկվում է այս հրապարակին: Սա նշանակում է, որ մենք Հայաստանի քաղաքական, տնտեսական կյանքի կարևորագույն որոշումները կայացնելիս պետք է ժողովրդով հավաքվենք այս հրապարակում ու կառավարությանը լիազորենք իրականացնել այս կամ այն գործողությունը, կամ կառավարությանը արգելենք իրականացնել այս կամ այն գործողությունը»,-հայտարարեց Փաշինյանը։

Վարչապետը դիմելով հրապարակում հավաքված ժողովրդին՝  ասաց, որ հենց ինքն է երկրի բարձրագույն ու միակ իշխանությունը Հայաստանում։

Բազմաթիվ որոշումներ ժողովուրդը պետք է կայացնի հանրաքվեով
Նա նաև նշեց, որ պետք է ուժեղացնել հանրաքվեի ինստիտուտը և բազմաթիվ որոշումներ ժողովուրդը պետք է կայացնի հանրաքվեով:  Խոսքը, ըստ նրա, վերաբերում է ինչպես տեղական, այնպես էլ համապետական հանրաքվեներին, ուստի առաջիկայում պետք է կատարվեն այնպիսի փոփոխություններ, որ քաղաքային, մարզային, պետական, անգամ միջազգային կարևորագույն իրադարձությունների ժամանակ կառավարությունը և ժողովուրդը միասին որոշումներ կայացնեն:
Նիկոլ Փաշինյանի խոսքով՝ սա պետք է դառնա հեղափոխության երկրորդ ալիքը:

«ՀՀ-ն պատմական հեռանկարում կարող է հիշատակվել այնպես, ինչպես հիմա հիշատակվում է Հին Հունաստանը, Երևանը հիշատակվի այնպես, ինչպես Հին Աթենքը, և Հանրապետության հրապարակը  կարող է դառնալ 21-րդ դարի մարդկության նորագույն ժամանակների Ագորան, որտեղ ստեղծվել է ժամանակակից քաղաքակրթությունը: Ահա այսպիսին է մեր իրադարձության պատմական և պատմագիտական նշանակությունը: Եւ այդ իրադարձությունը դուք եք ստեղծել»,- հայտարարեց վարչապետը:

Տնտեսություն

«Հեղափոխություններից հետո երկրներում տեղի են ունենում տնտեսական ցնցումներ, սա գրեթե աքսիոմ է, և մեր հեղափոխությունից առաջ էլ, հետո էլ վերլուծական բոլոր կենտրոնները կանխատեսում էին, թե Հայաստանն անխուսափելիորեն մտնելու է տնտեսական անկման մի փուլ, որովհետև այդպես է ցույց տալիս հեղափոխությունների պատմությունը,  կանխատեսում էին, թե սկզբից կլինի անկում, բայց եթե հեղափոխական կառավարությունը հաջողի, դրանից հետո հնարավոր է կլինի տնտեսական աճ և ակտիվություն։ Մեր հեղափոխությունը բացառիկ է նաև այս պատճառով, որ չհետևեց տնտեսական անկում, ընդհակառակը, արձանագրվում են տնտեսական ակտիվության բավականին բարձր ցուցանիշներ»,- հայտարարեց Փաշինյանը։

Նրա խոսքով՝ հունիս ամսին, որը հետհեղափոխական առաջին ամիսն է, գրանցվել է 9,6 տոկոս տնտեսական ակտիվության ցուցանիշ, իսկ տարվա տնտեսական ակտիվության ցուցանիշը 8,9 տոկոս է. «Բոլոր հիմքերը կան պնդելու, որ ՀՀ-ում տնտեսական ակտիվության ցուցանիշը շարունակելու է աճ ապրել։ Իմ՝ վարչապետ ընտրվելուց հետո, ամենակարևոր արդյունքը՝ ՀՀ ավելի շատ գալիս են, քան ՀՀ-ից հեռանում, ինչը արտագաղթի կանխման առաջին ու շատ կարևոր փուլն է։ Հրապարակում եմ պաշտոնական տվյալներ՝ այս տարվա մայիսի 10-ից օգոստոսի 14-ն ընկած ժամանակահատվածում ՀՀ է ժամանել 29986 հազարով ավելի շատ մարդ, քան մեկնածները։ Նախորդ տարվա նույն ժամանակահատվածում մեկնածների թիվը եկածներից ավելի էր շուրջ 6 հազարով»։

Վարչապետը զեկուցեց, որ վերջին երեք ամսում Հայաստան է եկել նախորդ տարվա նույն ժամանակահատվածի հետ համեմատ 34 հազարով ավելի օտարերկրացի։

Ինչու են անշարժ գույքի գներն աճել են շուրջ 20 տոկոսով

«Այն, որ Երևանում ու հանրապետության բազմաթիվ քաղաքներում վերջին երեք ամսում անշարժ գույքի գներն աճել են շուրջ 20 տոկոսով, խոսում է այն մասին, որ մեր հայրենակիցները գալիս են ոչ միայն զբոսաշրջիկ, այլև բնակարաններ են գնում։ Հեղափոխության օրերին շատ էր խոսվում, որ միլիոնավոր դոլարներ Հայաստանիոց արտահոսում են, և դա համապատասխանում էր իրականությանը, բայց այսօր պաշտոնապես ասում եմ, որ դուրս գնացած գումարների համեմատ եկել է մոտավորապես 116 մլրդ-ով ավելի շատ գումար։

Ավանդներ

Իսկ ՀՀ բանկերում ավանդներն ավելացել են 116 մլրդ դրամով, սա ֆիզիկական և իրավաբանական անձանց կողմից բանկերում թողած ավանդներն են։  Վերջին երեք ամսում հայաստանյան բանկերի վարկային պորտֆելն աճել է շուրջ 99 մլրդ դրամով, այսինքն այսքան ավելի վարկ են վերցրել ՀՀ քաղաքացիները և ներդրել են բիզնեսի մեջ։  Օգոստոսի 1-ի դրությամբ Հայաստանից արտահանվել է այնքան միրգ ու բանջարեղեն, որքան նախորդ տարին ամբողջը միասին վերցրած։ Երեք ամսվա ընթացքում ՀՀ կառավարությունը, հարկային մարմինները նախորդ տարվա նույն ժամանակահատվածի հետ համեմատ ավելի են հավաքագրել 28,8 մլրդ դրամ, ընդ որում, գերավճարների թիվը պակասեցվել է 26 մլրդ դրամով»,- տեղեկացրեց Փաշինյանը։

Չկա մենաշնորհ (բանանի, բենզինի շաքարավազի)

Նիկոլ Փաշինյանը նաև նշեց, որ վարչապետ դառնալուց հետո 40 րոպի ընթացքում վերացրել է բանանի ու շաքարավազի մենաշնորհը. «Այսօր չկա բանանի, բենզինի ու շաքարավազի մենաշնորհ։ Կա միայն իշխանության մենաշնորհ և դրա տերը դուք եք՝ ՀՀ քաղաքացիները»։

Ինչ վերաբերում է տնտեսության զարգացմանը, նա ասաց, որ դա անելու են այն նույն մոդելով, որով որ արել են թավշյա, ոչ բռնի, ժողովրդական հեղափոխությունը։

Կոռուպցիա

«Մեր կառավարության առաջին 100 օրվա ամենահիշարժան ձեռքբերումներից մեկը պայքարն է կոռուպցիայի դեմ։ Մենք ձեզ խոստացել էինք, որ հերթով բացահայտելու ենք Հայաստանի Հանրապետության բոլոր թալանչիներին, և մենք հերթով բացահայտում ենք ՀՀ բոլոր թալանչիներին»,- հանրահավաքի ժամանակ հայտարարեց ՀՀ վարչապետ Նիկոլ Փաշինյանը։

«Բայց ես ուզում եմ ասել, որ կոռուպցիայի դեմ պայքարում մեր խնդիրը ոչ թե բանտերը լցնելն է, այլ ժողովրդից գողացված փողերը լումա առ լումա վերադարձնելը։ Այսօր արդեն տասնյակ միլիոն դոլարներ վերադարձվել են պետությանը, բայց ունենք իրավիճակ, երբ իրավապահ մարմիններն աշխատում են խստագույն  ծանրաբեռնվածությամբ։

Դատարաններ

Այսօր ավելի ու ավելի բարձր են հնչում տեսակետներ, որ մեր հանրապետության որոշ դատավորներ երկար տարիներ սպասարկել են կոռուպցիոն համակարգին, ավելի ու ավելի շատ է խոսվում այն  մասին, որ ՀՀ բազմաթիվ դատավորներ հենց իրենք եղել են կոռուպցիոն համակարգի մաս, և այս իմաստով անվստահությունը դատական մարմինների նկատմամբ շարունակում է շատ խորը մնալ։ Մենք չպետք է տրվենք դատական իշխանության գործերին միջամտելու գայթակղությանը։

Առաջին օրից Բաղրամյան 26-ում հայտնվելով՝ ես ասել եմ, որ հրաժարվելու եմ դատական իշխանությանը հրահանգներ տալու արատավոր պրակտիկայից։ Եվ ես հրաժարվել եմ այդ պրակտիկայից։ Սակայն ուզում եմ շատ հստակ ընդգծել, որ սա չի նշանակում, որ որոշ դատավորներ պետք է շարունակեն հրահանգներ ստանալ նախորդ իշխանության ներկայացուցիչներից։ Ես նրանց ուզում եմ ասել՝ խելքներդ գլուխներդ հավաքեք, կատակ չանեք ժողովրդի հետ։

Իսկ ընդհանուր առմամբ չափազանց կարևոր եմ համարում, որ մեր դատական համակարգի այսօրվա վիճակն արձանագրելով՝ առաջիկայում որոշում կայացնենք՝ թե արդյոք մենք չպե՞տք է անցում կատարենք անցումային արդարադատության մարմիններ ստեղծելուն։ Դրանք մեզ կարող են անհրաժեշտ լինել այն պատճառով, որ մեր օրենսդրության  մեջ կան բազմաթիվ պրոբլեմներ։

Շատերը գիտեն՝ իրենց տեղը բանտում է,

Օրինակ, ապօրինի հարստացման մասին օրենքն ուժի մեջ է մտել 2017 թվականի հունիսի 1-ից, և ֆորմալ առումով դրանից առաջ թալանվածը վերադարձնելու առումով կարող են խնդիրներ ծագել։ Կա նաև մի ուրիշ պրոբլեմ։ Ես ուզում եմ կոնկրետ օրինակ բերել ՀՀ բարձրաստիճան պաշտոնյաներից մեկի հարազատ եղբոր միայն մեկ հաշվեհամարում՝ այստեղից ոչ հեռու գտնվող մի բանկում, հայտնաբերվել է 30 միլիոն դոլար։

Երեկ մեկը կար, ասում էր՝ ուր են չգիտեմ ում 10 տոկոսները։ Հարցնելու ենք, իսկ նրանք լինելու են պատասխան տվողը, չկասկածեք։ Ժողովրդից գողացվածը կոպեկ առ կոպեկ վերադարձվելու է՝ մինչև վերջ։ Այդ 30 միլիոն դոլարը որ կա, ֆորմալ տեսանկյունից չափազանց դժվար է դրա հետ կապված քննություն կազմակերպելը, որովհետև այդ մարդը ֆորմալ առումով շատ երկար տարիներ պետական պաշտոնյա չի եղել, հայտարարագիր չի ներկայացրել, հետևաբար կան խնդիրներ հետաքննելու և այդ գումարն օրենքով սահմանված կարգով առգրավելու։ Դրա համար էլ պետք է մտածենք անցումային արդարադատության նոր մարմիններ ստեղծելու անհրաժեշտության  մասին։

Մենք պետք է ամեն ինչ անենք գործիքից արդյունավետ օգտվելու համար, բայց հիմա շատերը, որ գիտեն՝ իրենց տեղը բանտում է, իրենց ժամերը հաշված են, սկսել են իրենց ներկայացնել որպես քաղաքական հետապնդումների զոհ։

Որևէ մեկը չի հարցնում, եթե քաղաքական հալածանքների զոհ եք, բա հիմա ինչ գործ ունեք ազատության մեջ։ Թե թվում է, դատավորներին զանգելու ձևերը չգիտենք։ Հպարտ եմ մեր կառավարության համար, որ հրաժարվել ենք այդ պրակտիկայից, բայց դա չի նշանակում, որ որևէ մեկին թույլ ենք տալու խուսափել  պատասխանատվությունից։

Որևէ մեկը չի խուսափելու մարտի 1-ին 10 մարդու սպանելու և Հայաստանում պետական հեղաշրջում իրականացնելու պատասխանատվությունից։ Այդպիսի բան չի լինելու, այդպիսի բան չի կարող լինել։ Որևէ ոճրագործ, ՀՀ քաղաքացու արյունը հեղած որևէ մարդասպան չի խուսափելու պատասխանատվությունից։ Նստելու եք բոլոր մարդասպաններով, և ես սա լիազորված եմ հայտարարել ՀՀ ժողովրդի անունից։

Հողեր, գնված լրատվամիջոցներ, Արցախ

Պատկերացնո՞ւմ եք՝ փողեր են ծախսում, լրատվամիջոցներ են առնում, վարձու պրոֆիլներ են բացում, որ հայտարարեն, թե Փաշինյանը եկել է՝ հողեր հանձնելու։ Դուք պատկերացնում եք՝ ես Ղարաբաղի հարցով դեռ մի բառ չեմ բանակցել, իսկ նրանք ասում են՝ եկել եմ հող հանձնելու։ Իրենք իրենց հետ են շփոթում, որ բացի հող հաձնելուց այլ բան չեն բանակցել։ Ես տիրապետում եմ բանակցային ողջ գործընթացին, տո այ զինվորին ու բանակը թալանածներ, տո այ սերմացու գողացող մկներ...

Ես ասել եմ, որ պատրաստ եմ լիարժեք Ղարաբաղի հարցով բանակցել ՀՀ անունից, բայց ԱՀ անունից պետք է բանակցի ԱՀ իշխանությունը։ Բայց ես ուզում եմ ասել, որ մենք պատրաստ ենք ազգովի ջախջախիչ հակահարված տալու Ադրբեջանի ցանկացած սադրանքին։ Բայց մենք նաև պատերազմ չենք ուզում։ Մենք իսկապես պատրաստ ենք խաղաղ բանակցությունների, խաղաղ կարգավորման, բայց նա, ով փորձում է ինձ վրա որևէ կասկած գցել, նրանք չեն հասկանում, որ Ղարաբաղի հարցի լուծողը կառավարությունը չէ, այլ ժողովուրդը։ Եթե բանակցային գործընթացի արդյունքում կլինի կարգավորման մի տարբերակ, որին ինքս կհավատամ, որևէ մեկը չմտածի, որ ձեզնից թաքուն թուղթ կստորագրեմ։ Եթե իմանամ, որ կա տարբերակ, որի շուրջ կարելի է խոսել, կգամ և կկանգնեմ այստեղ, և կորոշենք՝ այդ տարբերակով գնում ենք առաջ։ Կորոշենք գնում ենք, ուրեմն կգնանք, դուք եք բարձրագույն  որոշողը»,- ասաց վարչապետը։

Նիկոլ Փաշինյանը նաև նշեց, որ որոշ մարդիկ  սկսել են խոսել քաղաքացիական պատերազմի մասին. «Քաղաքացիական պատերազմ կարող է միայն ձեր օֆիսների ներսում և օֆիսներից դուրս։ Դուք քանի՞ քաղաքացու աջակցություն ունեք, որ քաղաքացիական պատերազմ լինի՝ 17 նախկին կոռուպցիոներ, 22 հատ էլ ֆեյք։ Սա է ձեր աջակցությունը։ Եթե որևէ մեկը սրանից հետո քաղաքացիական պատերազմով սպառնաց, իրենով Ազգային անվտանգության ծառայությունն է զբաղվելու։ Ուրեմն ես խորհուրդ եմ տալիս բոլորին խոսելուց առաջ մտածել»։ 

Արտաքին քաղաքականություն, հարաբերություններ

Հանրահավաքի ժամանակ վարչապետ Փաշինյանն անդրադարձավ նաև հայ-ռուսական հարաբերություններին՝ նշելով, որ այս ընթացքում երկու անգամ հանդիպում և երեք անգամ հեռախոսազրույց է ունեցել ՌԴ նախագահ Վլադիմիր Պուտինի հետ:
«Կարող եմ միանշանակ ասել, որ հայ-ռուսական հարաբերությունները ոչ միայն վատ չեն, այլև ի հեճուկս  հանրապետականների, հայ-ռուսական հարաբերությունները լավ են և գնալով ավելի ու ավելի լավանալու են։ Մենք ասել ենք, որ արտաքին քաղաքական ռեվերսներ չեն լինելու, և մեր քաղաքականությունը, մեր նպատակներից մեկը հայ-ռուսական բարեկամությունը խորացնելն է և մեր հարաբերությունները նոր մակարդակի բարձրացնելը։ Ուզում եմ նաև ասել, որ համապատասխան ընթացակարգեր անցնելու հետո դուք բոլորդ կիմանաք հայ-ռուսական մի համատեղ հումանիտար նախագծի մասին, որն աննախադեպ է ՀՀ երրորդ հանրապետության պատմության մեջ, դա լինելու է մի համագործակցություն, որը նախադեպ չի ունեցել, և դա լինելու է կոնկրետ ապացույցը, որ մենք հետևողականորեն գնում  ենք մեր հարաբերությունները նոր մակարդակի բարձրացնելու ուղղությամբ։  Հայ-ռուսական ռազմավարական բարեկամությունը խորանալու և զարգանալու է»,- շեշտեց նա։

Նաև ասաց, որ զարգացնելու են հարաբերությունները ԵՄ հետ, ԱՄՆ-ի, Իրանի հետ. «Մեր արտաքին քաղաքականության կարևորագույն էությունը մեր ազգային շահերի պաշտպանությունն է և մենք հետևողականորեն գնում ենք այդ ճանապարհով, քանի որ դուք եք լիազորել մեզ այդպես վարվել»։
Փաշինյանը հայտարարեց, որ նախորդ տարիներին Հայաստանի իշխանություններն իրենց կեցվածքով այնպես են արել, որ Հայաստանում տեղի ունեցած բազմաթիվ նեգատիվ երևույթներ կապվել են Ռուսաստանի հետ. «Թե` տեսեք, արտաքին ուժեր կան, որոնք մեզ թույլ չեն տալիս կոռումպացված չլինել: Հիմա էլ նրանք բանտի ճանապարհից Ռուսաստան են զանգահարում ու ասում` տեսեք, սա ձեր դեմ է արվում։  Իզուր մի զանգեք, այդ զանգերը ձեզ չեն փրկելու, քանի որ Մոսկվայում միամիտ մարդիկ չկան, Երևանում ևս միամիտ մարդիկ չկան»։

Վարչապետը նշեց, որ պլանավորել էր իր ելույթում անդրադառնալ տնտեսական զարգացման մոդելներին, մասնավորապես,  թե ինչ քայլեր են պատրաստվում անել  Հարկային օրենսգրքում, ինչ փոփոխություններ են նախատեսում պետական կառավարման համակարգում, սակայն, ըստ նրա, հասկանում է, որ ձայնի պատճառով  դա չի ստացվի:

Պետական կառավարում

Միաժամանակ Նիկոլ Փաշինյանը հավելեց, որ պետական կառավարման համակարգի կառավարումը ստանձնելով համոզվել են, որ դա նման է սուտլիկ որսկանի երեք կաթսաներին՝  երկուսը ծակ է, մեկն էլ ընդհանրապես տակ չունի:

«Մեր պետությունն այնքան կոռումպացված է եղել, որ որքան վերևից արդյունքը լցրել ենք այդ կաթսաների մեջ, տակերից փախել է մի քանի տասնյակ կոռումպացվածների գրպաններ: Բայց ես ուզում եմ պաշտոնապես ասել, որ այսօր Հայաստանի Հանրապետությունում կոռուպցիա չկա, սա չի նշանակում, թե Հայաստանում  չկա ոչ մի պաշտոնյա, որ կաշառք չի վերցնում, սա նշանակում է, որ ՀՀ կառավարության բարձրաստիճան պաշտոնյաների մեջ չկան կոռումպացված մարդիկ և չեն լինելու, ես դա ձեզ անձամբ երաշխավորվում եմ»,-հայտարարեց վարչապետը՝ հավելելով, որ մարդիկ կարող են վստահ լինել՝ պետական բյուջեի ամեն մի լումա պահպանվում է և ծախսվելու է՝ ըստ նպատակի:

Նիկոլ Փաշինյանի խոսքով՝ առաջիկայում շատ կարևոր խնդիրներ են պատրաստվում լուծել: Դրանից մեկն, ըստ նրա, պետական կառավարման համակարգի արդյունավետության բարձրացումն է. «Ըստ էության, պետական կառավարման համակարգն այսօր անարդյունավետ կերպով ծախսում է պետական բյուջեի մի հսկայական մասը, և մենք կարծում ենք, որ ՀՀ-ում պետք է չլինի 17 նախարարություն և նախարարությունների թիվը շոշափելիորեն պետք է կրճատվի»,- ասաց վարչապետը:

Նաև նշեց, որ պետք է էականորեն կրճատել  պետական կառավարման մարմինների թիվը:

Ներդրումներ, գործարարներ

«Այս փուլում մեր ամենակարևոր անելիքը նոր ներդրումների ներգրավումն է: Ես կոչ եմ անում աշխարհի հայության բոլոր ներդրողներին գալ Հայաստան և կատարել լրջագույն ներդրումներ, քանի որ Հայաստանի Հանրապետությունում հաստատված է օրենքի գերակայություն, օրենքի իշխանություն»,- հայտարարեց Նիկոլ Փաշինյանը:

Վարչապետը նշեց նաև, որ  կոռուպցիայի դեմ պայքար են մղել, բայց Հայաստանում սեփականության վերաբաշխում տեղի չի ունեցել, այսինքն՝ չի եղել մի գործարան, մի բիզնես, որ մեկի ձեռքից վերցնեն և տան մեկ ուրիշին. «Սա չափազանց կարևոր է, սա նշանակում է, որ մենք երաշխավորում ենք սեփականության, ներդրումների անձեռնմխելիությունը: Ուզում եմ ասել, որ ՀՀ-ում բիզնեսով զբաղվող որևէ մեկը անհանգստանալու որևէ բան չունի, Հայաստանում անհանգստանալու բան ունեն միայն կոռումպացված չինովնիկները՝ լինեն նախկին, թե ներկա»:

Ինչ վերաբերում է գործարարներին, Նիկոլ Փաշինյանն ընդգծեց, որ նրանք ազատված են ցանկացած կոռուպցիոն պարտավորությունից և, եթե նույնիսկ նրանք նախկինում հարկեր չեն վճարել, ապա արձանագրելու են այդ հարկերը և նրանց պարտավորեցնելու են վճարել այդ հարկերը:

«Բայց ուզում եմ ասել, որ եթե նույնիսկ հարկեր չվճարելու առիթով քրգործեր են հարուցվում, ապա դրանք հենց այսօր գործող օրենքի ուժով կարճվում են այն ժամանակ, երբ այդ հարկերը վճարվում են: Իսկ եթե կլինեն դեպքեր, երբ նախկինում չվճարված հարկերը պահանջելը շատ ծանր կլինի որևէ բիզնեսի համար, այսինքն՝ կսպառնա նրա գոյությանը, այս դեպքում կգտնենք տարաժամկետման հնարավորություններ: Ես ուզում եմ ասել, որ մեր կառավարման շրջանում ոչ մի բիզնես չի փակվելու, ոչ մեկի ձեռքից ոչ մի բիզնես, գործարան կամ ունեցվածք  չեն խլելու: Այսպիսի հեռանկար կարող է սպառնալ միայն կոռումպացված չինովնիկներին: Այն բիզնեսմենները, որոնք մարդ չեն սպանել, պարզապես նախկինում գործել են հին կանոնների պայմաններում, նրանք հնարավորություն կունենան Հայաստանում նոր ներդրումներ անել, և նոր ներդրողներն էլ հնարավորություն կունենան հավասար պայմաններում գործել նրանց հետ»,- հայտարարեց վարչապետը:

Նիկոլ Փաշինյանը ասաց նաև, որ հիմա էլ ՀՀԿ-ականները, հակահեղափոխականները լուրեր են տարածում, թե պոտենցիալ ներդրողները չեն գալիս Հայաստան, քանի որ սպասում են, թե ինչ է լինելու. «Սիրելի ժողովուրդ, եկեք միասնաբար նրանց ասենք, որ ոչ մի բան էլ չի լինելու, էն ինչ-որ լինելու էր, արդեն եղել է»:

«Քանի որ դա շատ կարևոր թեմա է, ես ուզում եմ մեկ անգամ ևս անդրադառնալ Մարտի 1-ի գործին։ Դուք բոլորդ լսել եք ՀՔԾ պետ Սասուն Խաչատրյանի հարցազրույցները։ Դրանք լսելով՝ ես կարող եմ ասել հետևյալը, իմ մեկնաբանությունը հեևյալն է։ Ըստ էության կարող ենք ասել, որ Մարտի 1-ի գործը ամբողջ ծավալով բացահայտված է։ Էլի եմ ասում՝ չկա տարբերակ, որ ոճրագործներից, ոճրագործների պարագլուխներից որևէ մեկը խուսափի պատասխանատվությունից։ Այդպիսի տարբերակ չկա»,- կրկին շեշտեց վարչապետը։

Ներքաղաքական իրավիճակ, արտահերթ ԱԺ ըմտրություններ, Սահմանադրություն

Անդրադառնալով ներքաղաքական վիճակին՝ Նիկոլ Փաշինյանը նշեց, որ մեկ տարվա ընթացքում՝ մինչև հաջորդ մայիս պետք է տեղի ունենան արտահերթ ԱԺ ընտրություններ։

«Հիմա սահմանադրական հնարավորությունը հետևյալն է, որ ես, որպես վարչապետ, պետք է հրաժարական տամ և խորհրդարանը երկու անգամ անընդմեջ նոր վարչապետ չընտրի, որից հետո պետք է տեղի ունենան արտահերթ ԱԺ ընտրություններ։ Հիմա նրանք սկսել են մտածել՝ թողնենք հրաժարական տա, հետո արագ, թաքուն ուրիշ վարչապետ կընտրենք։ Ասեմ, որ այդ մարդիկ շարունակում են չհասկանալ՝ ինչ է կատարվում երկրում, բայց քանի որ չեն հասկանում՝ ինչ է կատարվում, մենք կնախաձեռնենք սահմանադրական փոփոխություններ, որի իմաստը կլինի հետևյալը, որ արտահերթ ԱԺ ընտրություններ կարող են տեղի ունենալ ոչ միայն վարչապետի հրաժարականի պայմաններում, այլև խորհրդարանն ինքնալուծարման մասին որոշում կարող է կայացնել։ Այդ փոփոխությունները պետք է ընդունի հենց ԱԺ-ն։ Դա տեղի կունենա միայն մեկ պայմանում, երբ ՀՀ քաղաքացիներդ դա ձևակերպեք որպես ձեր հստակ պահանջ։ Երբ ձևակերպեք, մենք կապահովենք դրա իրականացումը խորհրդարանում։ Ես ՀՀԿ-ականներին խորհուրդ եմ տվել սատանի մայլում քյանդրբազություն չանեն, հիմա էլ նույն խորհուրդն եմ տալիս։

Ուզում եմ ծափերով ողջունել…
Ես այսօր ուզում եմ, այնուամենայնիվ, ամփոփել նրանով, ինչով սկսեցի. մեր ազգային միասնության այս պահի բացառիկությունը գնահատելով՝ ես ուզում եմ, որ մենք բուռն ծափերով ողջունենք հայոց բանակի զինվորներին, սպաներին ու գեներալներին, որոնք հեղափոխության օրերին շատ հստակ ցույց են տվել, որ իրենք չեն կատարի հրամաններ, եթե նույնիսկ Սերժ Սարգսյանը փորձեր բանակն օգտագործել ժողովրդի դեմ։ Մեր բանակը պետք է իմանա, որ մեր ժողովուրդն ու կառավարությունը, Սփյուռքը կանգնած է իր թիկունքին։ Այո, բանակում դեռ շատ չլուծված խնդիրներ կան, բայց դրանք մենք միասին լուծելու ենք։

Ես ուզում եմ, որ բուռն ծափերով ողջունենք մեր ոստիկանությանը։ Ասում էինք՝ ոստիկանը մերն է, և այո, ոստիկանը մերն է, քանի որ ծառայում է ՀՀ քաղաքացուն և օրենքին։

Ես ուզում եմ, որ բուռն ծափերով ողջունենք ԱԱԾ-ին։ ԱԱԾ հատուկ խումբը, որ ապրիլի 21-ին ինձ Արցախի փողոցից առևանգել էր, այդ օպերացիան իրականացրած բոլոր տղաներն այսօր իմ թիկունքից քայլում էին և մեր անվտանգությունն էին պաշտպանում։ Սա ազգային միասնության բացառիկ ժամ է։

Ուզում եմ, որ բուռն ծափերով ողջունենք Արցախի Հանրապետության մեր եղբայրներին, ովքեր հարկ են համարել այսքան երկար ճանապարհ կտրել և այստեղ իրենց ներկայությամբ հավաստել հայ ժողովրդի բացառիկ միասնությունը։

Ես ուզում եմ, որ բուռն ծափերով ողջունենք Սփյուռքից եկած մեր հայրենակիցներին, որոնք այսօր եկել են՝ մասնակցելու մեր հանրահավաքին։

Եվ ես ուզում եմ, որ մենք ծափահարենք ՀՀ հպարտ, արժանապատիվ և հաղթանակած քաղաքացուն, ով ի վերջո ապացուցեց, որ բացառիկ ժողովուրդ է, որ բացառիկ առաքելություն ունի, որ ինքը սկիզբ դրեց պատմական ժամանակաշրջանի, որտեղ հաստատվեց ժողովրդի իշխանություն։ Կեցցե ՀՀ իշխանության բարձրագույն կրողը՝ հայ ժողովուրդը»,- ասաց ՀՀ վարչապետը։

Հանրահավաքի վերջում Նիկոլ Փաշինյանն ասմունքեց «Իմ քայլը», բանաստեղծությունը, որը, նրա իսկ խոսքով, դարձավ հաղթանակի խորհրդանիշը։  



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

23:20
Իմ կարծիքով, Փաշինյանն անկեղծ սիրում է ադրբեջանցիներին. ավելի շատ՝ քան հայերին. Արամ Պետրոսյան
«Ոսկեպարում է գտնվում հայկական եկեղեցի, որը 7-րդ դարի կոթող է: 7-րդ դարում այս տարածաշրջանում թուրքական ներկայություն չի եղել, դրանից...
Աղբյուր` Panorama.am
23:09
Քաղաքացին հարցնում է ԱՆ-ին՝ ով պետք է այս դեղի դեղատոմսը գրի
«Արմաշ» գյուղական համայնքների աջակցման և զարգացման կենտրոն»-ի նախագահ Տիգրան Մաթևոսյանը գրում է. «ՀՀ առողջապահության...
Աղբյուր` Panorama.am
22:49
Փաշինյանը անձամբ է վարել ՀՀ գյուղեր հանձնելու բանակցությունները Տավուշի մարզում
Հայաստանի և Ադրբեջանի միջև սահմանազատման և սահմանագծման գործընթացը մտնում է գործնական փուլ՝ այսօր Տավուշում ասել է վարչապետ Նիկոլ Փաշինյանը:...
Աղբյուր` Panorama.am
22:30
Հայաստանի և Մալթայի արտաքին գերատեսչությունների միջև կայացել են քաղաքական խորհրդակցություններ
ՀՀ ԱԳՆ-ից հայտնում են. «Մարտի 18-ին Վալետայում ՀՀ ԱԳ նախարարի տեղակալ Պարույր Հովհաննիսյանի և Մալթայի Հանրապետության ԱԳ նախարարության...
Աղբյուր` Panorama.am
22:12
«КамАЗ»-ը վրաերթի է ենթարկել հետիոտնին և բախվել «Hyundai»-ին
Այսօր՝ մարտի 18-ին, վրաերթ-ավտովթար է տեղի ունեցել Երևանում։ Ժամը 15։50-ի սահմաններում Իսակովի պողոտայում՝ ռուսական եկեղեցու դիմաց, 55-ամյա...
Աղբյուր` Panorama.am
21:40
Ոսկեպարի և Բաղանիսի, Նոյեմբերյանի, Ոսկևանի բնակիչները պատրաստ են ինքնապաշտպանություն կազմակերպել
Ոսկեպարի և Բաղանիսի, Նոյեմբերյանի, Ոսկևանի բնակիչները Նիկոլ Փաշինյանի հետ հանդիպումից հետո քննարկում են անցկացրել և պատրաստակամություն հայտնել...
Աղբյուր` Panorama.am
21:20
ԱՄՆ-ը հրաժարվել է շնորհավորել Պուտինին ընտրություններում հաղթանակի կապակցությամբ
ԱՄՆ-ը մտադիր չէ շնորհավորել Ռուսաստանի նախագահ Վլադիմիր Պուտինին նախագահական ընտրություններում հաղթանակի կապակցությամբ։ «ՌԻԱ...
Աղբյուր` Panorama.am
20:52
Ֆրանսիայի Ինտերպոլի կողմից հետախուզվողը հայտնաբերվեց «Զվարթնոց» օդանավակայանում
ՆԳՆ ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ...
Աղբյուր` Panorama.am
20:35
Ջերմուկի, Ապարանի, Արագածի, Մարտունիի տարածաշրջաններում ձյուն է տեղում
«Ճանապարհային դեպարտամենտ»-ից հայտնում են․ «Մարտի 18-ին՝ ժամը 20։00-ի դրությամբ, Վարդենյաց և Սարավանի լեռնանցքներում,...
Աղբյուր` Panorama.am
20:22
Միջազգային մրցաշարից հայ բռնցքամարտիկները կվերադառնան 4 մեդալով
Հայաստանի բռնցքամարտի ֆեդերացիան տեղեկացնում է․ «Սերբիայում կայացած բռնցքամարտի  Ա կարգի միջազգային մրցաշարից հայ...
Աղբյուր` Panorama.am
20:08
ՆԱՏՕ-ի գլխավոր քարտուղարը Վրաստանում է
ՆԱՏՕ-ի գլխավոր քարտուղար Յենս Ստոլտենբերգը Վրաստանում է։ Aliq.ge-ի փոխանցմամբ՝  նա կհանդիպի Վրաստանի վարչապետ Իրակլի Կոբախիձեի և նախագահ...
Աղբյուր` Panorama.am
19:53
Գիվի Միքանաձեի գլխավորած պատվիրակությունը կժամանի Հայաստան
Ալեն Սիմոնյանը մարտի 18-ին կարգադրություն է ստորագրել, որում ասվում է․ «Ղեկավարվելով «Ազգային ժողովի կանոնակարգ»...
Աղբյուր` Panorama.am
19:33
ԱՄՆ-ը հայտնել է Ռուսաստանի և Չինաստանի հետ սպառազինությունների վերահսկման հարցը քննարկելու ցանկության մասին
Միացյալ Նահանգները հենց հիմա ցանկանում է առանց նախապայմանների երկկողմ քննարկումների մեջ մտնել Չինաստանի և Ռուսաստանի հետ սպառազինությունների...
Աղբյուր` Panorama.am
19:18
Խնդիրը մեկն է՝ կտրել և դժվարացնել Իրան-Հայաստան-Վրաստան-Ռուսաստան հաղորդակցության այս ուղին․ Ոսկանյան
Իրանագետ Վարդան Ոսկանյանը «Տելեգրամի» իր ալիքում գրում է․ «Կասե՞ք՝ Բաքվի բարբարոսական վարչախմբի ինչի՞ն են պետք...
Աղբյուր` Panorama.am
19:09
Էլիզա ֆոն Յոդեն-Ֆորգի․ Կատարվածը «Հայերի երկրորդ ցեղասպանություն» է
 Հայ դատի Ամերիկայի հանձնախմբի կազմակերպմամբ՝ ԱՄՆ Կոնգրեսում մարտի 13-ին կայացել է «Ցեղասպանության հակադարձում. Արցախի բնիկ հայերի...
Աղբյուր` Panorama.am
18:51
Մարտի 30-ից հետվճարի ծրագրից կարող են օգտվել 11 բանկերի քարտապանները
ՀՀ աշխատանքի և սոցիալական հարցերի նախարարությունից հայտնում են․ «Սկսած մարտի 30-ից հետվճարի ծրագրից կարող են օգտվել հետևյալ 11 բանկերի...
Աղբյուր` Panorama.am
18:38
Ալիևը վերանվանել է օկուպացված Ստեփանակերտի Վերածննդի հրապարակը
Ադրբեջանի նախագահ Իլհամ Ալիևը վերանվանել է օկուպացված Լեռնային Ղարաբաղի մայրաքաղաքի կենտրոնական հրապարակը, ինչի մասին գրում են ադրբեջանական...
Աղբյուր` Panorama.am
18:25
Մարտի 22-26-ը տեղի կունենա բեմանկարիչ, ՀԽՍՀ վաստակավոր նկարիչ՝ Արշալույս Չիֆլիկյանի նկարների ցուցահանդեսը
Մարտի 22-ին ժամը 17-ին Հայաստանի նկարիչների միությունում տեղի կունենա  բեմանկարիչ, ՀԽՍՀ վաստակավոր նկարիչ՝ Արշալույս Չիֆլիկյանի ...
Աղբյուր` Panorama.am
18:10
Այդ դեպքում ուր է՞ գնում Հայաստանը․ Տիգրան Աբրահամյան
«Պատիվ ունեմ» խմբակցության պատգամավոր Տիգրան Աբրահամյանը գրում է․ «Վերջին օրերին հիմնական քննարկումներն ու կոշտ բանավեճերն...
Աղբյուր` Panorama.am
18:00
Քանաքեռավանի գազալցակայանում տեղի ունեցած պայթյունի հանգամանքները պարզվում են
Մարտի 16-ին՝ ժամը 19։10-ի սահմաններում, Կոտայքի մարզի Նոր Հաճն համայնքի Քանաքեռավան բնակավայրում գործող ԱԳԼՃ կայանում «Պեժո» մակնիշի...
Աղբյուր` Panorama.am
17:45
Չլինի այնպես, որ օրենքը դառնա մահակ որոշ կառույցների համար, որ տառակերություն անեն. Վահե Ղազարյան
«Գյուղացու վճարը պետք է անմիջապես վճարվի, կամ հնարավորինս շուտ։ Այստեղ խնդիր է, թե ինչպես են իրականացվում վարչարարությունը, որովհետև...
Աղբյուր` Panorama.am
17:40
Աբովյանում զենքի գործադրմամբ խմբակային խուլիգանության վարույթով մեղադրանք է ներկայացվել ևս երեք անձի
Քննչական կոմիտեի Կոտայքի մարզային քննչական վարչությունում շարունակվում է Աբովյան քաղաքի Սահմանադրության հրապարակում նույն քաղաքի բնակչի նկատմամբ...
Աղբյուր` Panorama.am
17:32
Երևանի այսօրվա կառուցապատումը հայրենադավություն է. Հաղթանակ Շահումյան
Հայաստանում «Ակադեմիական քաղաքի» գաղափարը դրվել է դեռևս 80-ական թվականների սկզբին. Երևանից դեպի Աբովյան տանող ճանապարհի  ձախ...
Աղբյուր` Panorama.am
17:21
Մի շարք շրջաններում ձյուն է տեղում
Մարտի 18-ին՝ ժամը 17։00-ի դրությամբ, Վարդենյաց և Սարավանի լեռնանցքներում, Ջերմուկի, Ապարանի, Արագածի, Արթիկի, Աշոցքի, Սևանի, Գավառի,...
Աղբյուր` Panorama.am
17:16
Team-ի ինտերնետը հասանելի է մետրոյում
Team Telecom Armenia-ն շարունակում է իրականացնել իր ռազմավարական ծրագրերը` կապի ամենաժամանակակից ծառայությունները հասանելի դարձնելով ամենուր՝...
Աղբյուր` Panorama.am
17:09
Գյուղմթերք մթերելու դիմաց վճարը 30 օր ուշացնելու դեպքում վարչական տույժ է նախատեսվում
«Էական փոփոխություններ են նախատեսվում գյուղատնտեսական ապրանքների ձեռքբերման և իրացման մասով, որոնց նպատական է հավասարակշռել պայմանագրային...
Աղբյուր` Panorama.am
16:56
Փաշինյանը հայտնել է Ոսկեպարում, որ 4 գյուղերը պետք է անհապաղ հանձնել Ադրբեջանին, այլապես պատերազմ կլինի. Պատգամավոր
«Փաշինյանը կոնկրետ ժամկետներ չի նշել, սակայն մեր տեղեկություններով՝ այցի նպատակը հենց գործողություններն արագացնելն է եղել»:
Աղբյուր` Panorama.am
16:48
Սեփական ժողովրդին պատերազմով ու պարտությամբ սարսափի մեջ պահող ղեկավար ունենալը մեծագույն անեծք է այդ ժողովրդի վրա. Քաղաքագետ
«Սահմանամերձ գյուղում էդպիսի խոսակցություն կարող էր ունենալ միայն թշնամին»։
Աղբյուր` Panorama.am
16:41
Դավիթ Անանյանի հիշեցումը. Դուք չեք կարող բանակցել նրանց հետ, ովքեր եկել են ձեզ սպանելու
ՊԵԿ նախկին նախագահ Դավիթ Անանյանը գրում է. «Հայտնի պետական գործիչ և Իսրայելի նախկին վարչապետ Գոլդա Մեիրի հետևյալ հայտնի խոսքերը...
Աղբյուր` Panorama.am

Տեսանյութեր

Երևանի ծառերի գրեթե կեսը կորցրել կամ կորցնում է իր կենսունակությունը. Բեգոյան
12:15 18/03/2024

Երևանի ծառերի գրեթե կեսը կորցրել կամ կորցնում է իր կենսունակությունը. Բեգոյան

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}