Րաֆֆի Հովհաննիսյան. Մի քանի օր է մնում, որ «Ժառանգությունը» վերադառնա քաղաքական ակտիվ գործընթաց
«Րաֆֆի Հովհաննիսյանն արցախյան պատերազմին մեկնել էր ոչ միայն իր առաջնեկ որդու՝ Կարինի հետ, այլև իր կնոջ։ Նա չէր բերել կնոջը, կինն էր միացել նրան, իսկ դա ամեն ինչի մասին խոսում է»,-«Ժառանգություն» կուսակցության կանանց խորհրդի հետ հանդիպմանը պատմեց կուսակցության փոխնախագահ Արմեն Մարտիրոսյանը։
Խորհրդի անդամներից շատերն ընդգրկված են կուսակցության ցուցակում։
Մարտիրոսյանը կուսակից կանանց հիշեցրեց, ընտրությունների մասնակից ուժերի թվում չկա այնպիսի ուժ, որն ունենա «Ժառանգության» անբիծ, ազնիվ, շիտակ, ճշմարիտ հետագիծը, այն եղել ու այժմ էլ պայքարի առաջին գծում է, մեզ հետ առաջին շարքերում եղել են ու մեզ պես զրկանքներ են կրել մեր քույրերը, մայրերը, կանայք։
«Ես այդ մասին ասում եմ հպարտորեն ցանկացած հարթակից»,-ասաց Մարտիրոսյանը։
Րաֆֆի Հովհաննիսյանն էլ պնդեց, որ իրենց կուսակցությունում քննարկումները բաց են, թափանցիկ են, իրենք նորարար են։ Նա ուրախ է, որ գիտակից քաղաքացիները, շարքային երևանցին գնահատում են կուսակցության գործունեությունը։ Ունեցել են գողացված հաղթանակ, բայց շարունակել են պայքարը, ձեռքբերումները չեն յուրացրել, ինքնագովազդով չեն զբաղվել։
«Մի քանի օր է մնում, որ «Ժառանգությունն» իր անունով վերադառնա քաղաքական ակտիվ գործընթաց, դրանից հետո մենք կշարունակենք մեր մասնակցությունը քաղաքական մյուս գործընթացներում։ Ինչ ուզում են ասեն մեզ ֆեյքերը, մենք ընդդիմադիրների մոտ լավ գծերն են տեսնում»,-ասաց կուսակցության նախագահը։
Հիշեցնենք, որ «Ժառանգություն» կուսակցության ցուցակում ընդգրկված թեկնածուների մոտ 44 տոկոսը կանայք են։
«20 պրոֆեսիոնալ կանայք են մեր ցուցակում»,-ասաց «Ժառանգություն» կուսակցության վարչության անդամ Սուսաննա Մուրադյանը:
Ցուցակի առաջին կինը՝ Սեդա Աղբալյանը նշեց, որ ի տարբերություն մյուս ուժերի, այստեղ կարծիքները կարող են նաև տարբերվել, բացի այդ, այստեղ նվիրված մարդիկ են, որոնք հաճախ ճամբարափոխ չեն լինում։
«Ոչ մի անգամ գաղափարների պարտադրում, կարծիքի ստիպում չի եղել, սա լիբերալ կուսակցություն է։ Նույնիսկ մի անգամ ես ու Գևորգը հարցազրույցի էինք, մի հարցի շուրջ երկուսս էլ տարբեր կարծիքներ հայտնեցինք»,-ասաց Աղբալյանը։
Հիշեցնենք, որ «Ժառանգություն»-ը ընտրություններին մասնակցում է «Ժպտա» կարգախոսով։ Քվեաթերթիկում 5-րդն է։
Հարակից հրապարակումներ`
- Եթե երևանցին կողմնորոշվի խղճի մտոք, ոմանց համար անակնկալ արդյունքներ կունենանք. Րաֆֆի Հովհաննիսյան
- Ժպտա. Գունավոր Երևան
- Մեր ծրագիրը վերջնական ճշմարտություն չէ. Րաֆֆի Հովհաննիսյան
- Մեզ պետք չեն սև ու սպիտակ, կանաչ կամ երկնագույն, մեզ պետք է գույների ամբողջական տարապատկերը. Րաֆֆի Հովհաննիսյան
- Բոլորը հարգելի մրցակիցներ են. Րաֆֆի Հովհաննիսյան
- Րաֆֆի Հովհաննիսյան. Չենք համարում, որ որևէ մեկը գոյություն չունի կամ գունավորված է
- Րաֆֆի Հովհաննիսյանը հանդիպման կոչ է անում Երևանի քաղաքապետի բոլոր թեկնածուներին
- «Ժառանգությունը» Երևանի քաղաքապետի թեկնածու է առաջադրել Րաֆֆի Հովհաննիսյանին
Լրահոս
Տեսանյութեր
Եթե Տավուշի գյուղերի հանձնման պրոցեսը տեղի ունենա, այդտեղից կսկսվի պետականության վերջնական ավարտը