Զարուհի Փոստանջյանը քարոզարշավի վերջին օրը ևս շրջել է վարչական շրջաններում
«Երկիր Ծիրանի» կուսակցության նախագահ Զարուհի Փոստանջյանն այսօր՝ սեպտեմբերի 21-ին, Երևանի ավագանու նախընտրական քարոզարշավի վերջին օրը եղել է Շենգավիթ վարչական շրջանի Նորագավիթ թաղամասում և Կենտրոն վարչական շրջանում: Այս մասին հայտնում են կուսակցության լրատվական ծառայությունից:
«Նորագավիթի բնակիչները ջերմությամբ ողջունեցին քաղաքապետի թեկնածուին, ունեցան անկեղծ և անկաշկանդ զրույցներ, բարձրացրեցին իրենց հուզող հարցերը, որոնց Զարուհի Փոստանջյանը տվեց սպառիչ պատասխաններ՝ շեշտելով, որ գալիս է ծառայելու Երևանին և երևանցիներին: Քարոզչական նյութեր բաժանվեցին հարյուրավոր բնակիչների, ովքեր նաև տեղեկացվեցին կուսակցության նախընտրական ծրագրային հիմնադրությաներին:
Քաղաքապետի թեկնածուն, տեսնելով հերթական աղբով լի աղբամանները և նրանից տարածվող գարշահոտությունը, նշեց, որ քարոզարշավի նախորդ օրերին բոլոր վարչական շրջաններում աղբի և կեղտի նույն պատկերն է եղել, և քաղաքային իշխանությունները դրսևորել են անգործություն, մինչդեռ աղբի տեղափոխման համար քաղաքացիները վճարում են գումարներ: Զարուհի Փոստանջյանը հայտարարեց, որ քաղաքապետի լիազորություններ ստանձնելով՝ օրենքի շրջանակներում Երևանը կեղտից և աղբից մաքրելու հարցն անմիջապես լուծելու է, իսկ որոշ ժամանակ հետո ունենալու ենք աղբի վերամշակման գործարան, որից ստանալու ենք լրացուցիչ եկամուտներ, էներգիա և ապրանքներ, և վերացվելու են Երևանում գտնվող երկու՝ Նուբարաշենի և Աջափնյակի աղբավայրերը:
Երեկոյան Զարուհի Փոստանջյանն Ավագանու թեկնածուների և քարոզչական խմբի հետ շրջեց Կենտրոն վարչական շրջանում: Նախընտրական քարոզչությունը եզրափակվեց համայնքի փողոցներով քայլարշավով, քաղաքացիներին քարոզչական նյութերի բաժանմամբ, կարգախոսի՝ «Արդարություն և օրենք» և քվեաթերթիկում «Համար 4»-ի բազմակի հնչեցմամբ:
«ԱՐԴԱՐՈՒԹՅՈՒՆ ԵՎ ՕՐԵՆՔ» կարգախոսը «Երկիր Ծիրանի» կուսակցության ներկայացուցիչները նախագահ Զարուհի Փոստանջյանի գլխավորությամբ հատուկ վանկարկեցին նաև ՀՀ ոստիկանության շենքի առջև:
Ամփոփելով նախընտրական քարոզարշավը՝ կարելի է միանշանակ արձանագրել, որ երևանցիները հավատում են Զարուհի Փոստանջյանին և ցանկանում են նրան վստահել մայրաքաղաքի կառավարումը՝ համոզված լինելով Զարուհի Փոստանջյանի անցած քաղաքացիական ու քաղաքական ուղու մաքրության, սկզբունքայնության, փորձառության և վճռականության մեջ:
Մայրաքաղաք Երևանի և երևանցիների խնդիրները բազմաթիվ են և բազմաշերտ, որոնց առաջացման գլխավոր պատճառները եղել են արդարության և օրենքի ոտնահարումները: Եվ միակ թեկնածուն ու քաղաքական գործիչը, ով հայտնի է ինչպես Երևանում, այնպես էլ ողջ Հայաստանում որպես արդարության, օրենքի եվ իրավունքի պաշտպան, «Երկիր Ծիրանի» կուսակցության նախագահ Զարուհի Փոստանջյանն է»,- նշված է կուսակցության տարածած հաղորդագրությունում:
Հարակից հրապարակումներ`
- Այո, բոլորս սխալվում ենք, բայց եկեք ներենք անձնական բնույթի բոլոր վիրավորանքները. Նիկոլ Փաշինյան
- Ծառուկյանը՝ ԲՀԿ-ի վրա ցեխ շպրտողների, խանգարողների ու բզբզողների մասին
- Եթե քաղաքապետ ընտրվի Հայկ Մարությանը, կշնորհավորեմ Նիկոլ Փաշինյանին․ Նաիրա Զոհրաբյան
Լրահոս
Տեսանյութեր
Եթե մտանք նոր սահման գծելու տրամաբանության մեջ, մենք մեր բոլոր սահմանները կկորցնենք. Փաշինյան