Մայքլ Մուրի՝ Դոնալդ Թրամփի մասին ֆիլմն ավելի քիչ է վաստակել, քան Բուշ-կրտսերի
Մայքլ Մուրի՝ ԱՄՆ նախագահ Դոնալդ Թրամփի և 2016 թվականի նախագահական ընտրությունների մասին «Ֆարենհեյթ 11/9» վավերագրական ֆիլմը վարձույթում այնքան էլ հաջողություններ չունի, որքան ամերիկացի ռեժիսորի՝ Ջորջ Բուշ-կրտսերի մասին ֆիլմը։ Ռիա նովոստին, հղում անելով Hollywood Reporter-ին, գրում է, որ «Ֆարենհեյթ 11/9» -ը էկրան է բարձրացել անցած շաբաթ երկրի 1719 կինոթատրոններում, առաջին շաբաթ-կիրակի օրերին դիտումներից հավաքվել է 3,1 միլիոն դոլար:
2004 թվականաին Մայքլ Մուրը նկարահանել էր «Ֆարենհեյթ 9/11» ֆիլմը, որը նվիրված էր նախկին նախագահ Ջորջ Բուշ-կրտսերի հասցեին հնչած քննադատություններին և մեղադրանքներին, այդ թվում նաև՝ 2001 թվականի սեպտեմբերի 11-ի իրադարձություններում նրա ունեցած մասնակցության հետ կապված։ Fox News –ի հաղորդմամբ, ֆիլմի թողարկման առաջին շաբաթ-կիրակի օրերին 868 կինոթատրոններում դիտումներից հավաքվել էր 23,9 միլիոն դոլար։ Ամբողջ աշխարհում այն հավաքել էր 222,4 միլիոն դոլար, ինչը ռեկորդային էր վավերագրական ֆիլմերի դեպքում։
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում