Այսօր աղջիկների միջազգային օրն է
Հոկտեմբերի 11-ը 2012 թվականից նշվում է որպես աղջիկների օր։ Նման օր հռչակելը նպատակ ունի ցույց տալ ու լուծել այն խնդիրները, որոնց բախվում են աղջիկները, ինչպես նաև հիշեցնել նրանց հնարավորությունների ընդլայնման ու իրավունքների պաշտպանության մասին։
ՄԱԿ-ի պաշտոնական էջում հրապարակված վիճակագրության համաձայն, այսօր երիտասարդների ¼-ը, որոնց մեծ մասը կանայք են, չեն աշխատում ու կրթություն չեն ստանում։ Նշվում է, որ զարգացող երկրներում ապրող 1 մլրդ երիտասարդ, որից 600 մլն-ն աղջիկներ են, հաջորդ տասնամյակում աշխատանքի շուկա են մուտք գործելու։ Հաշվի առնելով ներկա խնդիրները, նրանք ստանալու են ցածր աշխատավարձ, բախվելու են շահագործման խնդրին։
«Այս օրը մենք կոչ ենք անում աշխատել բոլոր աղջիկների հետ՝ կրթության հնարավորությունների ընդլայման համար, նրանց խնդիրների լուծման համար նոր ուղիներ գտնել, կոչ անել միջազգային հանրությանը ապահովելու հաջող մուտք դեպի աշխատանքի շուկա»,-ասված է ՄԱԿ-ի հաղորդագրության մեջ։
Աղջիկները և կանայք՝ Հայաստանում։
Հայաստանում այս տարվա հուլիսի 1-ի դրությամբ մշտական բնակչությունը 2 969.8 է, որից 1 560.9-ը՝ կանայք։ Ազգային վիճակագրական ծառայության տվյալների համաձայն, ծնվածների սեռերի հարաբերակցության գործակիցը 2018թ. հունվար-հունիսին կազմել է 111.7 տղա՝ 100 աղջկա հաշվով։
Այս տարվա առաջին վեց ամիսների ընթացքում Հայաստանում մայացել է 0-4 տարեկան երեխաների շրջանում գրանցվել է մահվան 168 դեպք, նրանցից 71-ը՝ աղջիկ։ Այս տարվա առաջին վեց ամիսների ընթացքում գրանցվել է ինքնասպանության և ինքնասպանության փորձի 337 դեպք, 132-ի դեպքում այդ քայլին դիմողներն ի,գական սեռի ներկայացուցիչներ են եղել։
Գործազրկության մակարդակը՝ 2018թ. հունվար-մարտին (I եռամսյակ) կազմել է 20.6%, ընդ որում կանանցը` 19.8%, տղամարդկանցը` 21.2%:
2018թ. հունվար-մարտին (I եռամսյակ) տնտեսության մեջ զբաղված է եղել ՀՀ բնակչության 44.6 %-ը, այդ թվում կանանց` 38.0 %-ը և տղամարդկանց` 52.2 %-ը:
Հուլիսի 1-ի դրությամբ կենսաթոշակառուների թիվը կազմել է 458 532, որից 280 045-ը կանայք են։
2018թ. հուլիսի 1-ի դրությամբ ՀՀ աշխատանքի և սոցիալական հարցերի նախարարության էլեկտրոնային տեղեկատվական բազայում (հաշմանդամության վարչական ռեգիստրում) ընդգրկված է եղել 188 հազար հաշմանդամ, որից 90 076-ը կանայք են։
Լրահոս
Տեսանյութեր
Ի դեմս Ադրբեջանի՝ այսօր աշխատում է Թուրքիան, սա նոր երևույթ է, որը պետք է գիտակցենք. Դեմոյան