Ձեր վստահելի աղբյուրը

Նացիստական Գերմանիայի ղեկավար Ադոլֆ Հիտլերն ունեցել է սադոմազոխիստական հակումներ, ինչպես նաև՝ հոմոսեքսուալ ու հետերոսեքսուալ կողմնորոշում: Այս մասին է վկայում  ԱՄՆ Կենտրոնական հետախուզական վարչության  գաղտնազերծած  զեկույցը, որը ներկայացնում է  ֆյուրերի կյանքը, գրում է ՌԻԱ Նովոստին:

Յոթանասուն  էջանոց փաստաթուղթը 1943 թ-ին կազմել է մարդաբան Հենրի Ֆիլդը: Զեկույցը հիմնված է Էռնստ Սեջվիկ Գանֆշթենգելի՝ անցած դարի 20-30-ական թվականների  ուսումնասիրության վրա: Նա Հիտլերի մտերիմ ընկերն էր, որն հետագայում արտագաղթել է ԱՄՆ:

Ինչպես նշված է զեկույցում, Հիտլերը «սադոմազոխիստական հակումներ» է ունեցել, որոնք երիտասարդ տարիներին համակցվել են նույնասեռական հրապուրանքներով: Հիտլերը նույնասեռական հակում է  ունեցել իր ապագա տեղակալ Ռուդոլֆ Հեսի նկատմամբ, որի հետ 1920-ականներին միասին բանտում էին: Զեկույցում պնդում կա, որ Հեսը նույնասեռական էր և կրել է «Ֆրոյլան Աննա» մականունը՝ կանացի հագուստ  հագնելու սովորության պատճառով:

Բացի այդ, զեկույցի հեղինակը նշում է, որ Հիտլերը «գեղագիտական հաճույք» էր ստանում, երբ հետևում էր պատանիներին: 1910 թվականից մինչև 1913 թ-ը՝ որպես երիտասարդ նկարիչ, նա ապրել է  Վիեննայի  արական  գիշերօթիկում,  որը «համարվում էր մի վայր, որտեղ  մեծահասակ տղամարդիկ փնտրում էին երիտասարդների»:

Զեկույցում նաև նշվում է, որ Հիտլերը երկակի սեռական կողմնորոշում է ունեցել. «Նրա սեռական կյանքը երկակի է, ինչպես նրա քաղաքական հայացքները, նա  միևնույն ժամանակ հոմոսեքսուալ ու հետերոսեքսուալ է, սոցիալիստ ու մոլի նացիստ, տղամարդ և կին»:

Բացի Հիտլերի սեռական կյանքի փաստերից, զեկույցում կան նաև նրա  մանկության, կրթության, սիրած սնունդի, երաժշտության և այլ սովորությունների մասին տեղեկություններ: