Վրաստանի նախագահի թեկնածուն ու ևս 10 մարդ ձերբակալվել են՝ կանեփի փառատոնի ժամանակ
Հոկտեմբերի 20-ին Վրաստանի ընդդիմադիր «Girchi» կուսակցության հիմնադիր և նախագահի թեկնածու Զուրաբ Ջափարիձեն ձերբակալվել էր ոստիկանության կողմից՝ կանեփի օրինականացման փառատոնի ժամանակ, որը կազմակերպվել էր նրա կուսակցության կողմից Թբիլիսիի Դեդաենա այգում։ Ձերբակալվել էր փառատոնի ևս 10 մասնակից։ Այս մասին հայտնում է Georgia Today-ը։
Ջափարիձեն ձերբակալվել էր հավաքվածներին «կանեփ» բաժանելուց հետո։ Նա ասել է, որ ոստիկանության գործողություններն օրինական չեն։
Փառատոնը շարունակվել է՝ չնայած Վրաստանի օրենսդրությամբ անօրինական լինելուն։ Ներքին գործերի նախարարությունը փառատոնը բնութագրել է որպես «կազմակերպված հանցագործություն կատարելու մտադրություն»։
Հուլիսին մարիխուանայի ապաքրեականացումից հետո կանեփի թեման Վրաստանի քաղաքական դեբատների կենտրոնում է։
Ջափարիձեն ու մյուս ձերբակալվածները հաջորդ օրն ազատ են արձակվել հարցաքննությունից հետո։
Լրահոս
Տեսանյութեր
Սերգեյ Մելքոնյան. Ադրբեջանը դեռ պետք է գին վճարի Ռուսաստանին՝ խաղաղապահ զորախումբն Արցախից դուրս բերելու դիմաց