Բոլոր ներդրումային որոշումները կայացվում են այն միջավայրում, որտեղ կանխատեսելիություն կա. նախաարի պաշտոնակատար
«Բոլոր ներդրումային որոշումները կայացվում են այն միջավայրում, որտեղ կանխատեսելիություն կա»,-ԱԺ-ում լրագրողների հետ զրույցում այսօր ասաց Տնտեսական զարգացման և ներդրումների նախարարի պաշտոնակատար Տիգրան Խաչատրյանը՝ պատասխանելով այն հարցին, թե հնարավո՞ր է, որ խոշոր գործարարների նկատմամբ քրեական գործերը վտանգ ներկայացնեն նոր ներդրումների համար։
«Ովքեր խնդիրներ ունեն օրենքի հետ, բնականաբար պետք է իրենց պարզաբանումները տան։ Դրանք գործընացներ են, որոնք պարզաբանվելուց հետո կորոշվի՝ ով է մեղավոր, ով՝ անմեղ։ Կարծում եմ՝ նոր ներդրումները որևէ կերպ չեն ազդվում նման գործընթացներով։ Նոր ներդրողները պետք է հաշվի առնեն այն փաստը, որ օրենքի հետ որևէ խնդիր չպետք է առաջանա, այսինքն՝ պետք է կատավեն օրենքների պահանջները՝ և հարկային, և ոչ հարկային։ Այդ տեսանկյունից կարծում եմ, որ մտահոգության տեղիք չպետք է ունենա»,- ասաց նա։
Հարցին՝ կան արդյոք նոր, խոշոր ներդրումներ, Տիգրան Խաչատրյանը պատասխանեց՝ երբ ծրագրերի մասին հայտարարվի, հանրությունը կտեղեկանա։
Դիտարկմանը, որ ակնկալվում էր՝ հեղափոխությունից հետո պետք է ներդրումային բում սկսվի, սակայն այդպես էլ չի սկսվում, բանախոսը պատասխանեց. «Տնտեսության մեջ համախառն կուտակումը գնահատվում է, որ 2019 թվականին կաճի 6 տոկոսով, դա նշանակում է, որ մասնավոր և պետական ներդրումները միասին վերցրած՝ ՀՆԱ-ի նկատմամբ կկազմեն 19 տոկոս»,- ասաց գործադիր իշխանության ներկայացուցիչը։
Լրագրողները նախարարի պաշտոնակատարից նաև հետաքրրքվեցին՝ կա՞ն արդյոք ոլորտներ, որոնցով ներդրողները լրջորեն հետաքրքրված են։ Տիգրան Խաչատրյանը շեշտեց՝ ոլորտային սահմանափակումներ չկան՝ գյուղատնտեսությունից սկսած՝ մինչև արդյունաբերական տարբեր ծրագրեր։ Նա միաժամանակ նկատեց, որ թեև չի հայտարարվում, սակայն շատ ներդրողներ իսկապես սպասողական վիճակում են։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին