Նիկոյանը կարծում է՝ նոր խորհրդարանը շատ կարճ կյանք է ունենալու
«ՀՀԿ-ն կարող է լինել ամենալավ ընդդիմությունը, քանի որ ունի այդ ներուժն ու ինտելեկտը»,- այսօր լրագրողների հետ հանդիպմանն այսպիսի կարծիք հայտնեց ՀՀԿ ԳՄ անդամ Սամվել Նիկոյանը։
Նրա խոսքով՝ այսօր քաղաքական դաշտում բոլորը հարվածում են Հանրապետականին, իրենց հայտարարելով ընդդիմություն, սակայն այդպես չի լինում։
«Ընդդիմության ընդդիմություն չի լինում, ընդդիմության ընդդիմությունն իշխանությունն է։ Այսօր մի մասը քծնում են իշխանություններին, մի մասը վախենում են իշխանություններից։ Գործող իշխանություններին միակ ռեալ ընդդիմությունը, բոլորի համար էլ պարզ է, որ ՀՀԿ-ն է։ Իսկ այս ընտրություններում կուսակցությանը հենարանը միանշանակ հանրության այն մասն է լինելու, որը մտահոգ է, կարողանում է ինքնուրույն, առանձին վերլուծություններ կատարել, իսկ նրանք բավականին շատ են արդեն։ Մենք հավակնում ենք լինել երկրորդը»,- ասաց նա։
Ինչ վերաբերում է ՀՀԿ ցուցակում իր չլինելուն՝ Նիկոյանն ասաց. «Ես դեռ երկու ամիս առաջ եմ հայտարարել, որ եթե կլինեն մարդիկ, որոնց աշխատելու գործիքակազմը պառլամենտում ավելի արդյունավետ կլինի, ապա ես սիրով իմ տեղը կզիջեմ յուրաքանչյուրին։ Կարծում եմ նաև, որ նոր խորհրդարանը շատ կարճ կյանք է ունենալու, ես կպատրաստվեմ ապագա ընտրություններին։ Քաղաքական դաշտում և հասարակության մեջ արդեն կա նախադեպը, որ կարելի է ուժով պարտադրել հեղաշրջում իրականացնել, հակասահմանադրական մեթոդներով ստիպել նոր արտահերթ ընտրություններ»։
Հարակից հրապարակումներ`
- Մենք վեր ենք հանելու այն ստերի շարանը, որն արել է այսօրվա իշխանությունը. Շարմազանով
- Հանրապետականի դեմքը ես եմ այսօր. Մարգարիտ Եսայան
- Վիգեն Սարգսյան. Կան հարցեր, որոնցում լինելու ենք անզիջում
- Հրապարակվել է ՀՀԿ նախընտրական ցուցակը. գլխավորում է Վիգեն Սարգսյանը
- Կարինե Աճեմյան. Նորմալ քարոզարշավի դեպքում ակնկալում ենք մեծ թվով քվեներ
- Արմեն Աշոտյանը կլինի ՀՀԿ նախընտրական շտաբի քարոզչության ղեկավարը
- Մենք բռնցքամարտից չենք վախենում. Աշոտյան