Իրենք պետք է հետ գնան բանտերում փտեն. ՊՊԾ գնդի տարածքում սպանված ոստիկանի այրի
Երևանի ընդհանուր իրավասության դատարանում այսօր շարունակվեց ՊՊԾ գունդը գրավելու մեջ մեղադրվողների գործով դատական նիստը։ Տուժողի իրավահաջորդ ներգրավվեց ՊՊԾ գնդում սպանված ոստիկան Յուրի Տեփանոսյանի կինը, Տեփանոսյանի հայրը՝ Վահրամ Տեփանոսյանը, հեռացվեց գործի վարույթից:
Դատական նիստերի դահլիճից դուրս գալուց հետո Վահրամ Տեփանոսյանը լրագրողների հետ զրույցում ասաց. «Թատրոն է, կապիկություն է, այստեղ դատավարություն չկա: Տղուս 2,5 տարի է սպանել են, փոխանակ տղուցս խոսեն, գործը բացեն, ասում են իրավահաջորդ, կինը, հայրը: Էս ի՞նչ է, ոնց որ թատրոն լինի։ Բողոքարկելու եմ՝ կամ մահ, կամ ազատություն, երկուսից մեկը»:
Հարցին, թե ինչո՞ւ է վստահ, որ ոստիկաններն են սպանել իր տղային, Վահրամ Տեփանոսյանն ասաց. «Կապացուցեմ, կտեսնեք։ Հիմա որ ասեմ, վաղը դրա դեմը կառնեն։ 30 ապացույց ունեմ»:
Ինչ վերաբերում է հարսին, ով կարծում եմ, ու «Սասնա ծռեր» խմբի անդամներն են սպանել, Վ. Տեփանոսյանն ասաց. «Մենք իրար հետ ոչ տալիս ենք, ոչ առնում, տարբեր բևեռներ ենք։ Ինքն էլ հզոր աղջիկ է, խեղճ աղջիկ չէ։ Ինքը պետք է ապացուցի, որ «Սասնա ծռերն» են խփել, ես պետք է ապացուցեմ՝ ոստիկանները»։
Լրագրողների հետ զրույցում Յուրի Տեփանոսյանի այրին՝ Արփինե Թումասյանը, ասաց. «Ինքն ամեն դեպքում իմ ծնողն է, իմ հայրն է, ես չեմ կարող իրեն ոչ մի հարցում մեղադրեմ։ Ես տեղյակ չեմ, ինքն ինչ ապացույցներ ունի, ինչ չունի։
Ես չեմ կարծում, որ ոստիկանը կարող է ոստիկան սպանի։ Իմ ուղիղ մեջ դա չի տեղավորվում։ Մինչև վերջ պայքարելու եմ։ Ոստիկանները կլինեն, ավելի դաժան ձևի ոստիկանների դեմ կլինեմ։ Չի բացառվում ոչ մի բան»։
Նա դեմ է, որ ՊՊԾ գնդի գրավման գործով ամբաստանյալների նկատմամբ համաներում է կիրառվում։
«Իրենց բանտերից բաց թողնելը ծիծաղելի ա։ Ոչ մի նիստ չի եղել, ոչ մի մեղադրանք չի եղել, մենք չգիտենք դեռ ինչ է կատարվում, ո՞նց կարելի էր իրենից բանտերից բաց թողնել, իրենք պետք է հետ գնան բանտերում փտեն, իրենց կանայք իրենց պետք է ճաղերի հետևից տեսնեն, գոնե մեզ մխիթարի, որ մենք 2,5 տարի է մղկտում ենք»,- ասաց Արփինե Թումասյանը:
Հիշեցնենք, որ Յուրի Տեփանոսյանը սպանվել է հուլիսի 30-ին ՊՊԾ գնդի տարածքից դուրս՝ մեքենայի մեջ:
Հարակից հրապարակումներ`
- Յուրի Տեփանոսյանի գործը կշարունակի կինը
- Յուրի Տեփանոսյանի հայր. Իմ ասածին տեր եմ
- Միանշանակ, ՊՊԾ գնդում ես պատանդ եմ եղել. Օսիպյան
- ՊՊԾ գնդում ոստիկանի ուղղությամբ պատահական կրակոցի հեղինակը Էդվարդ Գրիգորյանն է. Պավել Մանուկյան
- ՊՊԾ գունդը գրաված խմբի անդամներից ևս երկուսը գրավի կիրառմամբ ազատ արձակվեցին
- Փաշինյանն ընդունել է ՊՊԾ գնդի գրավման ժամանակ զոհված ոստիկանների ընտանիքների անդամներին
- ՊՊԾ գունդը գրաված խմբի անդամներից Արմեն Լամբարյանն ազատվել է կալանքից
- ՊՊԾ-ի գնդի գործով ձայնագրություններ. «Հիմա ներում-բեկում չկա, ծեծեք, ջարդեք դավաճաններին Նիկոլից սկսած…»:
- ՊՊԾ գունդը գրաված խմբի անդամներից Հովհաննես Հարությունյանն ազատ է արձակվել
- ՊՊԾ գնդի գրավման գործով անցնող Արամ Մանուկյանն ազատ արձակվեց
- ՊՊԾ գնդի գործով ամբաստանյալ Արամ Հակոբյանը ազատ արձակվեց
- ՊՊԾ գնդի գրավման գործով ևս մեկ ամբաստանյալ ազատ արձակվեց
- ՊՊԾ գնդի գրավման գործով ամբաստանյալ Տիգրան Սարգսյանն ազատ է արձակվել
- Ոստիկանություն. ՊՊԾ գնդի գրավման գործով ամբաստանյալներին դատարան տեղափոխելիս ուժ չի կիրառվել
- «ՊՊԾ-ի գործով» կալանավորվածներին հենց այդ ոստիկանը չպետք է ուղեկցի
- ՊՊԾ գնդի գործով ամբաստանյալների խափանման միջոցը փոխելու միջնորդությունը մերժվեց
- Փողոցը փակել են ու պահանջում են փոխել ՊՊԾ գունդը գրաված խմբի անդամների խափանման միջոցը
- Մեկուկես ամիս դադարից հետո շարունակվում է ՊՊԾ գնդի գրավման գործով դատական նիստը (լրացված)