Ուրախ եմ, որ հնարավորություն ունեմ աշխատելու 7-րդ գումարման ԱԺ-ում . Լենա Նազարյան
«Իմ քայլը» դաշինքով պատգամավոր ընտրված Լենա Նազարյանը շատ ուրախ է, որ հնարավորություն ունի աշխատելու յոթերորդ գումարման Ազգային ժողովում։ Այս մասին նա Panorama.am-ի թղթակցին ասաց այսօր՝ ԱԺ մանդատների հանձնման արարողությունից առաջ՝ հույս հայտնելով, որ ուժ կունենա անելու այն ամենը,ինչ ուզում է անել և դրանով իսկ յոթերորդ գումարման ԱԺ-ի ավարտին առավել ուրախ կլինի։
«Վեցերորդ գումարման Ազգային ժողովն ինձ համար ավելի շատ քաղաքական աշխատանք էր և այն չափով, որ չափով կուզեի պատգամավորական աշխատանք անել, լարված իրավիճակներում շատ չհաջողվեց։ Իսկ պատգամավորական աշխատանքը ենթադրում է օրենսդիր գործունեություն, կառավարության վերահսկողություն և խորհրդարանական դիվանագիտություն։ Հուսով եմ, որ յոթերորդ գումարման Ազգային ժողովում ես ամբողջությամբ ներգրավված կլինեմ պատգամավորոական գործունեության մեջ»,- ասաց Լենա Նազարյանը։
Հարցին՝ ինչպե՞ս է պատկերացնում խորհրդարանական ընդդիմության հետ առաջիկա փոխգործակցությունը, պատգամավորը նշեց, որ «Իմ քայլը», լինելով մեծաթիվ խմբակցություն, որևէ հետաքրրքություն չունի կուլիսներում պայմանավորվելու մյուս քաղաքական ուժերի հետ։
«Մեր հարաբերությունները լինելու են բաց, հրապարակային, ԱԺ նիտերի դահլիճում։ Ես վստահ եմ, որ մեր ընդդիմախոսները շատ կոշտ դիրքորոշումներ են հայտնելու»,- ասաց նորընտիր պատգամավորը։
Լենա Նազարյանից նաև հիշեցրեց, որ իր թեկնածությունն առաջադրված է ԱԺ փոխնախագահի պաշտոնում և առաջին նիստի ընթացքում այդ հարցով ընտրություն կկայանա։
Հարակից հրապարակումներ`
- Ծառուկյանի հետ հարաբերություններն այնպիսին են, ինչպիսին որ եղել են միշտ. Մարուքյան
- Մեծ պատասխանատվություն եմ զգում, օր ու գիշեր աշխատելու. նորընտիր պատգամավոր
- Իրավունք չունենք խախտել ժողովրդի քվեարկությամբ որոշված համամասնությունը. Արարատ Միրզոյան
- Առաջին մանդատը պատգամավորին հանձնեց 103-ամյա Բավական Փիլոյանը
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին