Գերմանիայում չեն վաճառվել Հիտլերի նկարները
Հինգ նկար, որոնք ենթադրվում է, որ պատկանում են Ադոլֆ Հիտլերի վրձնին, բավարական Նյուրենբերգ քաղաքում Weidler աճուրդում չեն գտել գնորդներ։ Ռիա նովոստիի հաղորդմամբ, այդ մասին գրում է Nuernberger Nachrichten-ը։ Այդ նկարների նախնական գինը եղել է 19-45 հազար եվրո։ Անհայտ են պատճառները, թե ինչու որևէ մեկը չի ցանկացել գնել այդ նկարները, բայց, ինչպես գրում է է թերթը, գնորդներին կարող էր վախեցնել լոտերի բարձր գինը։
Նախապես ծրագրված է եղել աճուրդում ներկայացնել նացիստական բռնապետի 30 նկար, բայց աճուրդից օրեր առաջ Նյուրենբերգի դատախազությունը աճուրդային տնից առգրավել են 63 նկար, որոնք վերագրվում են Ադոլֆ Հիտլերին։ Պատճառն այն է եղել, որ նկարների իսկությունը կասկածի տակ է եղել։ Թերթը գրում է, որ դատախազությունը մտադիր է հետաքննություն իրականացնել «խարդախությամբ փաստաթղթեր կեղծելու փորձ կատարելու մեջ» կասկածանքով:
Աճուրդում վաճառվել է սեղան և ծաղկաման, որոնք ենթադրվում է, որ ինչ-որ ժամանակ պատկանել են Հիտլերին։ Դրանք վաճառվել են 630 և 5,5 հազար եվրոյով։
Հայտնի է, որ 1907 թվականին նացիստական ապագա բռնապետի՝ Վիեննայում արվեստի ակադեմիային կից գեղարվեստական դպրոցն ընդունվելու փորձերը ձախողել էին։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ