Մայդանի հաջորդ հնարավոր երկիրը
Արևմուտքը կարող է հաջորդ Մայդանը կազմակերպել Մոլդովայում: Լենտա.ռու-ի հաղորդմամբ, «Комсомольской правде»-ին տված հարցազրուցում նման ենթադրություն է արել Ռուսաստանի անվտանգության խորհրդի քարտուղար Նիկոլայ Պատրուշևը։ Նրա խոսքով, դա հնարավոր է այն դեպքում, երբ խորհրդարանական ընտրություններում հաղթեն սոցիալիստները։
«ԱՄՆ-ն և ԵՄ երկրները կազմակերպում են աջ ուժերին Քիշնևում մոլդովական մայդան ստեղծելու համար»,- ասել է նա։
Պատրուշևը նաև նշել է, որ Վաշինգտոնն ու Բրյուսելը չեն թաքցնում ցանկությունը՝ աջակցել եվրաատլանտյան կողմնորոշում ունեցողներին Մոլդովայի կառավարությունում և խորհրդարանում։
Մոլդովայում խորհրդարանական ընտրությունները կայանալու են փետրվարի 24-ին։ Պատրուշևը պատմել է, որ հարցումների համար առաջատարը նախագահ Իգոր Դոդոնի սոցիալիստների կուսակցությունն է, և դա «չի բավարարում Արևմուտքին, որը քաղաքացիներին դրդում է պառակտման և հակամարտության»՝ ըստ գունային հեղափոխությունների սահմանված մեթոդի։
2013 թվականի աշնանը և 2014 թվականի ձմռանը Ուկրաինայում կառավարության դեմ տեղի էին ունեցել զանգվածային բողոքի ակցիաներ, որի արդյունքում երկրում տեղի էր ունեցել իշխանափոխություն։ Ուժայինների և ակցիայի մասնակիցների միջև զինված դիմակայության ընթացքում զոհվել էր 106 մարդ։ Իրադարձությունները ստացել էին Մայդան (Եվրամայդան) անվանումը, քանի որ ամենամեծ ակցիան տեղի էր ունեցել Կիևի մայդանում (hրապարակ)։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ