![](https://panorama.am/news_images/695/2083851_1/101.thumb.jpg)
Քաղաքագետները՝ Մինսկի խմբի հայտարարության մասին
«Մեկ Հայաստան» կուսակցության հիմնադիր, իրավաբանական գիտությունների թեկնածու Արթուր Ղազինյանը, մեկնաբանելով ԵԱՀԿ Մինսկի խմբի վերջին հայտարարությունը, ընդգծել է.
«Մինսկի խումբը մերժեց Արցախը բանակցությունների սեղանին վերադարձնելու Հայաստանի պահանջը՝ գնահատելով այն որպես նախապայման: Շատ շուտով պարզ կդառնա, թե կբանակցի արդյոք Փաշինյանը Ալիևի հետ առանց Արցախի, թե ոչ»։
Քաղաքագետ Ստեփան Դանիելյանը համարում է, որ Մինսկի խմբի վերջին հայտարարության իմաստը հասկանալու համար կարևոր է մեկ անգամ ևս այդ ֆորմատի տրամաբանությունը ֆիքսել։
«Ֆիքսենք մի քանի սկզբունքներ
- Արցախի խնդիրն աշխարքաղաքական կոնֆլիկտ է։
- Մինսկի խումբն Արցախի հարցով աշխարքաղաքական ակումբ է: Հայաստանին և Ադրբեջանին «լուծման» առաջարկություններ անելուց առաջ, նրանք նախ միմյանց հետ են այդ առաջարկությունները համաձայնեցնում՝ ըստ իրենց աշխարքաղաքական շահերի։ Կարճ ասած, միմյանց հանդեպ վերահսկողություն են իրականացնում, որ որևէ մեկն իր վրա վերմակը չքաշի։
- Ադրբեջանն իր ուժեղ կողմն է համարում Թուրքիայի աջակցությունը, այնինչ դա իրականում իրենց թույլ կողմն է։ Որ աշխարքաղաքական բևեռը Թուրքիայի հետ խնդիր է ունենում, կամ ցանկանում է Թուրքիային դաս տալ, դա անում է նաև Ադրբեջանի միջոցով։
Հայաստանի վարչապետի ճոխ ընդունելությունն Իրանում նաև պայմանավորված էր Սիրիայում թուրքերի ու իրանցիների միջև առկա հակասություններով։ Բնականաբար, կա նաև Իրանի ադրբեջանցիների խնդիրը, բայց դա մշտական գործոն է։
- Եթե Ադրբեջանի «թուրքական քաղաքարտը» չլիներ, չի բացառվում, որ Ռուսաստանի, ԱՄՆ,Եվրոպայի դիրքորոշումները լինեին ի նպաստ Ադրբեջանի։
- Ռուսաստանի պահով կա նաև ԵԱՏՄ-ում թյուրքական պետությունների գործոնը, որոնք առանձին՝ թյուրքական երկրների համադաշնության տեսքով Թուրքիայի հետ առանձին, ինքնուրույն քաղաքական ֆորմատով են հարաբերվում, ինչը Ռուսաստանին մտահոգում է՝ սա նույնպես Ադրբեջանի ոչ թե ուժեղ, այլ թույլ գործոններից է։
- Ադբեջանի հիմնական խնդիրը ոչ թե Արցախն է, այլ Թուրքիայի հետ ցամաքային սահման ունենալն է, սա նույնպես կարևոր է նկատի ունենալ, հասկանալու համար, թե որն է Ադրբեջանի ստրատեգիական նպատակը Արցախի բանակցությունների ժամանակ։
Սրանք մշտական գործոններնեն, մնացածն ըստ իրավիճակի պետք է դիտարկվի»։
Հարակից հրապարակումներ`
- Մինսկի խմբի հայտարարությանը հաջորդեց ԱԳՆ խոսնակի մեկնաբանությունը
- Աշոտյան. Մինսկի խմբի համանախագահների վերջին հայտարարությունը խիստ ուշագրավ է
- Մինսկի խմբի համանախագահները հայտարարություն են տարածել Փաշինյան-Ալիև առաջիկա հանդիպմանն ընդառաջ
Լրահոս
Տեսանյութեր
![Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին](https://panorama.am/video_images/16/47111_1/capture.thumb.jpg)
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին
![Գերլարված իրավիճակ. Գերասիմ Վարդանյանին բերման ենթարկեցին](https://panorama.am/video_images/16/47120_1/f662a31603c139_662a31603c17f.jpg)
![Ժողովուրդը միանգամից է ընդվզելու. Հրանտ Բագրատյան](https://panorama.am/video_images/16/47088_1/f6628df9b9d893_6628df9b9d8d3.jpg)