Պաշտոնական Անկարայից եկողը, դժբախտաբար, հուսադրիչ չէ. Մնացականյան
«Ամենաբարդ հարցն եք տալիս։ Ուղղակի չի տեղավորվում, թե որքանով անհնար է այդ քայլն անելն ու առերեսվելը պատմության հետ, այդ համարձակությունն ունենալը որքանով է խոչընդոտ իշխանությունների համար։ Դա ամենամեծ խնդիրն է, բայց սա նաև պատգամ է, որ մենք՝ որպես ժողովուրդ, ցեղասպանությունը հաղթահարել ենք»,- այսօր Ծիծեռնակաբերդի հուշահամալիրում լրագրողների հետ զրույցում նշեց ՀՀ արտաքին գործերի նախարար Զոհրաբ Մնացականյանը՝ պատասխանելով լրագրողների հարցին, թե ցեղասպանությունից 100 տարի անց ինչո՞վ է պայմանավորվում Անկարայի ժխտողականությունը։
Մեկ այլ հարցի, թե հնարավո՞ր է Երևանը Անկարայի հետ հաշտեցման նոր գործընթաց սկսի, պարտադրի Անկարային բացել սահմանը, Մնացականյանը պատասխանեց. «Դուք, վստահ եմ, լսում ու հետևում եք այն ամենին, ինչ-որ գալիս է պաշտոնական Անկարայից, դժբախտաբար, դրանք հուսադրիչ չեն։ Ցեղասպանությունը կանխագելելը միջազգային պարտավորություն է, և միջազգային համակարգում այդ գործիքներն ամրապնդելը, զարգացնելը շարունակական գործընթաց է և մենք շարունակական աշխատելու ենք այդ ուղղությամբ»։
Դիտարկմանը, թե այդ գործընթացի համար նախապայման է Հայոց ցեղասպանության ճանաչումը, նա արձագանքեց․ «Երբևէ չենք ասել, որ դա նախապայման է»:
Ինչ վերաբերում է իր և Ադրբեջանի արտգործնախարարի առաջիկա հնարավոր հանդիպմանը՝ արտաքին գերատեսչության ղեկավարն ասաց, որ Մոսկվայում հանդիպմանն իրենք մոտավորապես ուրվագծել են, թե հաջորդ հանդիպումը երբ և որտեղ կարող է լինել։
«Մենք քննարկել ենք: Եռանախագահներին և երկու նախարարներին է վերաբերում, յուրաքանչյուրը պետք է ճշտի, թե ինչպես է հնարավոր ֆիքսել այդ ժամկետները: Գիտեք, որ հանդիպումները լինում են տարբեր մայրաքաղաքներում, ներառյալ համանախագահող երկրների: Բոլոր տարբերակները բաց են, բայց ճիշտ է, որ մենք բոլորս պայմանավորվենք, հետո միասին հայտարարենք»,- նշեց Մնացականյանը։
Լրագրողի հարցին, թե ասվում է, որ բանակցային սեղանին ենթադրաբար «լավրովյան տարբերակն» է, Զոհրաբ Մնացականյանն ասաց․ «Այն, ինչ մենք քննարկել ենք, հրապարակվել է հաղորդագրության մեջ, ուրիշ մեկնաբանության կարիք չունենք: Ամենն արտահայտված է փաստաթղթում, որի շուրջ մենք համաձայնել ենք, և դա մեր միասնական սեփականությունն է: Մենք քննարկել ենք կողմերի դիրքորոշումները, բայց որևէ փաստաթուղթ այս փուլում չենք քննարկել»:
Հարակից հրապարակումներ`
- Պետք է շարունակենք մեր աշխատանքը. Ֆրանսիահայ Դանիել Քյուրքչյան
- ԱՄՆ դեսպան․ ԱՄՆ-ը չի հերքում պատմական իրողությունը, որը 20-րդ տարի ամենադաժան զանգվածային կոտորածն էր
- Շառլ Ազնավուրը միշտ երազում էր խաղաղության մասին. Նիկոլյա Ազնավուր
- Այն մարտավարությունը, որը մենք ունենք և տարիներ շարունակ ունեցել ենք, խոսուն է. Ալեն Սիմոնյան
- Երկրի բարձրագույն ղեկավարությունը Ծիծեռնակաբերդում է
Լրահոս
Տեսանյութեր
Արդյո՞ք սա սահմանազատում է, թե՞ ճնշման տակ ինչ-որ բան տալ. Սերժ Սարգսյան
