Քաղաքական 12:00 27/06/2019 Հայաստան

ՀՀ-ում ԱՄԷ դեսպան․ Հայաստանում ես զգում եմ անվտանգություն ու խաղաղություն, ինչն ամենակարևորն է

Panorama.am-ի բացառիկ հարցազրույցը Հայաստանում Արաբական Միացյալ Էմիրությունների արտակարգ և լիազոր դեսպան, Ն.Գ. պարոն Մուհամմադ Ալ Զաաբիի հետ

Panorama - Պարոն դեսպան, շնորհակալություն հարցազրույցի հրավերն ընդունելու համար։ Մի քանի ամիս է, որ Դուք Հայաստանում ԱՄԷ դեսպանն եք, ինչպիսի՞ն են առաջին տպավորությունները Հայաստանում։

Դեսպան – Առաջին տպավորությունն այն է, որ ես զգացել եմ խաղաղություն ու անվտանգություն այս երկրում։ Հայաստանը մի երկիր է, որն ունի հարուստ մշակույթ, պատմություն և ժառանգություն ստացած քաղաքակրթություն։ Ես ուրախ եմ աշխատել այստեղ։ Հայ ժողովուրդը բարի է, ով իր հարգանքն ու գնահատանքն է տածում զբոսաշրջիկի ու օտարերկրացու նկատմամբ։ Հաճախ նայում են օտարերկրացուն որպես հայի և դա շատ լավ է։ Իհարկե անվտանգություն  եմ զգացել, որտեղ կարող ես երեկոյան ուշ ժամի դուրս գալ և որևէ նեղություն չկա։ Հայ ժողովուրդը հյուրասեր, հյուրընկալ ժողովուրդ է։ 

Panorama – Ինչպե՞ս կգնահատեիք Հայաստան-ԱՄԷ հարաբերությունները։

Դեսպան - ԱՄԷ-ի և ՀՀ-ի միջև երկկողմ հարաբերությունները առանձնահատուկ են և վերջին տարիներին ականատեսն ենք լինում այդ հարաբերությունների զարգացմանը բոլոր ոլորտներում։ ՀՀ նախագահ Արմեն Սարգսյանի այցը ԱՄԷ և նրա մասնակցությունը Աբու Դաբիի Կայունության շաբաթին այս տարվա հունվար ամսին հաջողված այց էր, որը մեծ թափ ու նոր լիցք հաղորդեց տարբեր ոլորտներում հարաբերությունների ամրապնդմանը։ Հատկանշական էր նաև ՀՀ պաշտպանության նախարար Դավիթ Տոնոյանի այցը ԱՄԷ և Պաշտպանության միջազգային ցուցահանդեսին՝ Այդեքս 2019-ին, նրա մասնակցությունը, ինչպես նաև Հայկական պատվո պահակախմբի տպավորիչ ելույթը։ Մենք ունենք հարաբերությունների զարգացման համատեղ տեսլական՝ համագործակցության նոր հեռանկարներ բացելու ուղղությամբ։

Panorama – Ինչպիսի՞ն են Հայաստան- ԱՄԷ հարաբերությունները տնտեսական ոլորտում։ Ունե՞նք արդյոք կոնկրետ ծրագրեր, որոնք արդեն իրականացվում են, Հայաստանում գործող ընկերություններ։

Դեսպան - ՀՀ-ում ԱՄԷ դեսպանության բացվելուց հետո տարբեր ոլորտներում, հատկապես տնտեսության մեջ նկատելի է ակտիվացում։ Դրա մասին են խոսում առևտրաշրջանառության ցուցանիշները, եթե նախքան դեսպանության բացվելը՝ 2014թ․-ին, առևտրաշրջանառությունը երկու երկրների միջև ընդամենը 80 միլիոն դոլար էր,  2017-ին հասել էր 250 միլիոնի, 2018-ին մոտ 180 միլիոնի։ 2015թ․-ին դեսպանության բացման նպատակն էր 2 երկրների միջև հարաբերությունների զարգացումը նաև տնտեսական ոլորտում։

Էմիրությունները Հայաստանում ունի ներդրումներ ավիաընկերությունների ոլորտում՝ Fly Dubai և Al Arabia-ն, մեզ  մոտ է Քարֆուր ընկերությունը և նաև BMW-ն։ Սրանք են ամենախոշոր ու կարևոր ներդրումները, որոնք արվել են Հայաստանում։ Իհարկե, վիճակագրության համաձայն,  մոտ 500 կազմակերպություն ու գյուղատնտեսական հող կա գրանցված էմիրաթցիների անունով, ինչը նշանակում է, որ Էմիրությունները հետաքրքրված է նաև սննդի անվտանգության ոլորտում ներդրումներ անելու գործում։ Այս ոլորտում մենք համագործակցում ենք ՀՀ կառավարության հետ, որպեսզի զարգացնենք գյուղատնտեսության ոլորտը։ Փոխայցեր են լինում նաև մասնավոր ոլորտում, գործարարները մշտապես այցելում են Հայաստան, և, իհարկե, մենք ցանկանում ենք, որ ներդրումները լինեն փոխադարձ՝ 2 բարեկամ երկրների միջև։

Panorama – Արաբական Էմիրությունները նախընտրելի վայր է հայ զբոսաշրջիկների համար, իսկ ինչպիսի՞ ցուցանիշներ ունենք Էմիրություններից դեպի Հայաստան զբոսաշրջիկների հարցում։ 

Դեսպան - 2018թ․ պաշտոնական ցուցանիշների համաձայն մոտ 11,500 էմիրաթցի է այցելել Հայաստան։ Կարծում եմ, որ ամենակարևոր գործոններից է Հայաստանի կայունությունն ու անվտանգությունը։ Էմիրաթցի քաղաքացիներն իրենց անվտանգ են զգում Երևանում։ Մյուս գործոններից է նաև հայ ժողովրդի հյուրընկալությունը, ինչպես նաև այն, որ Հայաստանը մեծ մշակույթ, քաղաքակրթություն և պատմություն ունեցող երկիր է, ինչը նույնպես գրավում է զբոսաշրջիկներին։ Սակայն, կարծում եմ, որ անհրաժեշտ է ակտիվացնել տուրիստական գործակալությունների աշխատանքը, կառաջարկեի ներկայացնել Հայաստանը՝ որպես տուրիստական երկիր սոցիալական մեդիայի միջոցով, ինչպիսին է ինստագրամը և այդպիսով կխրախուսվի զբոսաշրջությունը Հայաստանում։

Էմիրությունների և Հայաստանի միջև ուղիղ ավիաչվերթների առկայությունը և շաբաթական 18 չվերթն, իհարկե, ավելացնում է զբոսաշրջիկների քանակը, հանգեցնում տուրիզմի և հյուրանոցային ոլորտի զարգացմանը, աջակցում է ներդրումներին։ Կարծում եմ, որ հյուրանոցային ոլորտում ներդրումների հնարավորություններ կան, որոնք պետք է ուսումնասիրվեն էմիրաթցի գործարարների կողմից։

Panorama – Պետական, պաշտոնական հարաբերություններից բացի, հանրային-հասարակական ոլորտի հետ կա՞ համագործակցություն՝ մարդկանց միջև շփումները զարգացնելու առումով։

Դեսպան – Այս 4 ամիսների ընթացքում հասցրել եմ այցելել Երևանի, Շիրակի  պետական համալսարաններ, Գիտությունների ազգային ակադեմիայի արևելագիտության ինստիտուտ, հատուկ խնամք պահանջող երեխաների կենտրոն,  Թումո կենտրոն։ Ռամադանի ամսվա ընթացքում Կոտայք, Արմավիր, Շիրակ, Տավուշի մարզեր ենք այցելել, որտեղ մարդասիրական օգնություն ենք ցուցաբերել կարիքավոր ընտանիքներին։ Առաջիկա ամիսներին նախագծեր ունենք այս ոլորտում։ Մեր նպատակն է կանգնել այն ընտանիքների կողքին, ովքեր օգնության կարիք ունեն։

Փառք Աստծո, ունենք օգնություն Էմիրությունների ու Հայաստանի կառավարության կողմից, հարաբերությունները շատ լավ են ԱԳՆ-ի, սոցիալական հարցերով նախարարության հետ, շնորհակալություն նախարարներին՝ մշտապես մեզ հետ համագործակցելու համար։ Կան նաև այլ ծրագրեր, որոնց շատ մոտ ապագայում ականատես կլինեք։

Panorama – 2020թ․-ին Էմիրությունները կհյուրընկալեն «Դուբայ Էքսպո»-ն, ի՞նչ է նախատեսվում դրա շրջանակներում։

Դեսպան - Դուբայ Էքսպո 2020-ը միջազգային հսկայածավալ իրադարձություն է, որը կամրապնդի Դուբայի դիրքը՝ որպես համաշխարհային կենտրոն՝ ներգրավելով տնտեսական հնարավորությունները։ Այն  անցկացվելու է «միավորենք մտքերը և կառուցենք ապագա» կարգախոսի ներքո։

Դուբայը Մերձավոր Արևելքում առաջին քաղաքն է, որը հյուրընկալելու է նման ցուցահանդես: Ակնկալվում է, որ վեց ամսվա ընթացքում քաղաքը կունենա մոտ 25 միլիոն այցելու։ Ավելի քան 200 մասնակիցներ, այդ թվում` 190 երկրներ, հաստատել են իրենց մասնակցությունը միջոցառմանը, որտեղ միջազգային հանրությունը կհանդիպի Դուբայի մեկ հովանու ներքո` հանուն նորարարության և մարդկային առաջընթացի։ Նախապատրաստական աշխատանքները ընթանում են բնականոն հունով, հատուկ էքսպոյի համար կառուցվում են նաև մետրոյի նոր կայարաններ դեպի էքսպոյի հրապարակ, և «Ճանապարհ 2020» նախագծի ընդհանուր աշխատանքի 70% -ն ավարտվել է  արդեն։ Նախատեսված է, որ Էքսպո 2020 կայարանը ունենալու է ինքնաթիռի թևերի տեսք՝ այդպիսով խորհրդանշելով նորարարությունը և առաջընթացը:

Panorama. Ի՞նչ նպատակներ ունի այս նախաեռնությունը։

Դեսպան - Նախաձեռնությունը նպատակ ունի ամրապնդել ԱՄԷ-ի կարգավիճակը որպես համաշխարհային մայրաքաղաք՝ հանդուրժողականության համար մի շարք խոշոր նախաձեռնությունների և նախագծերի միջոցով, ներառյալ հետազոտական ներդրումները, հանդուրժողականության վերաբերյալ սոցիալական և մշակութային ուսումնասիրությունները, մշակույթների և քաղաքակրթությունների երկխոսությունը։ Ներկայացնել օրենսդրություն և  քաղաքականություն՝ ուղղված մշակութային, կրոնական և սոցիալական հանդուրժողականության արժեքների ինստիտուցիոնալացմանը և վերջապես նպաստել հանդուրժողականության տարածմանը լրատվամիջոցների միջոցով։ Նախաձեռնության հիմնական ուղերձը հանդուրժողականության արժեքները տարածելն է ամբողջ աշխարհում:

Panorama- Խոսեցիք հանդուրժողականության մասին, 2019թ․-ը Էմիրություններում հռչակվել է «Հանդուրժողականության տարի», կարող ե՞ք մի փոքր մանրամասնել մի ամբողջ տարի անցկացվող միջոցառումների շրջանակը։

Դեսպան – Հիմնական նպատակն է, որ ամբողջ աշխարհում տարածենք սեր, խաղաղություն, հանդուրժողականություն  տարբեր կրոնների միջև։ Էմիրություններում բնակվում է 200 ազգություն, յուրաքանչյուրը մի լեզվով ու բարբառով է խոսում,  բայց մեր միջև կա հանդուրժողականություն, չկան տարբերություններ ու մեզանից պահանջվում է, որ հանդուրժողականության օրինակը տարածենք ամբողջ աշխարհում։ Հանդուրժողականությունն ու խաղաղությունը մեր արտաքին քաղաքականության մի մասն է կազմում։

Եվ ոչ միայն հանդուրժողականություն կրոնների միջև, այլ ամեն ինչում,  առօրեայում, եթե ինչ-որ մեկը սխալ է գործել քո նկատմամբ, պետք է ասենք, որ Աստված ների իրեն։ Մեր երեխաներին սովորեցնում ենք հանդուրժողականություն և նրանք մեծանում են այդ մտածելակերպով։ Նույնիսկ  մեր դպրոցական դասագրքերում պետք է ներդնենք առարկաներ, որոնք սովորեցնեն հանդուրժողականություն ու երեխաներին մեծացնենք այսպես։ Կարելի է անգամ համալսարաններում ծրագրերով ուսուցանել հանդուրժողականություն։ Սա է ամենակարևոր  հիմքը հասարակության զարգացման համար։
Էմիրություններում ամեն տարի մի կարգախոս կա, այս տարին շարունակությունն է նախորդ տարվա, որը հռչակվել էր «Զայեդի տարի»՝  մեր հիմնադիր  նախագահի անունով։ Շեյխ Զայեդը մի շարք ծրագրեր է իրականացրել ամբողջ աշխարհում և հանդուրժողականության կարգախոսը եկել է շարունակելու Զայեդի տարվան։

Panorama- Խոսելով ԱՄԷ-ի մասին, չեմ կարող չանդրադառնալ երջանկության նախարարությանը, որը ֆենոմեն է աշխարհում։ Ինչպե՞ս է առաջացել երջանկության նախարարություն ունենալու գաղափարը, ինչպիսի՞ն է նրա գործառույթները։ 

Դեսպան – Նախարարը Օհուդ ալ Ռումին է։ Ես 10 տարի աշխատել եմ Լատինական Ամերիկայում՝ 5 տարի Արգենտինայում, 5 տարի Կոլումբիայում։ Նախարար Հուդար Ռումին այցելել էր Կոլումբիա, որտեղ շատ հաջող հանդիպումներ ունեցավ ու մենք մեծ աշխատանք կատարեցինք։ Կոլումբիան, երևի, այս ոլորտում մեզանից առաջ էր անցել։ 

Երջանկությունը շատ կարևոր է, բայց այն կապված չէ նյութականի հետ։ Երջանկությունը սկսվում է երեխայի դաստիարակությամբ, նրա կրթությամբ, առողջությամբ, երկրի պատմությամբ, մշակույթով՝ վերջացրած գյուղատնտեսությամբ, այն ջրով, որը խմում ես։ Սրանք են երջանկության բաղկացուցիչները, այլ ոչ թե գումարն ու հարստությունը։

Մոտ 2 ամիս առաջ Էմիրություններում նոր նախարարություն է բացվել, որը կոչվում է «չկա անհնարին բան»։ Նրա նպատակն է ցանկացած հարց լուծել ու չասել այս բանն անհնար է անել։ Նախարարության վրա դրվում է ժամկետ՝ խնդիրը լուծելու համար։ Ցանկացած բան հնարավոր է իրականացնել։
2018թ․ հոկտեմբերին պարոն Օմար բին Սուլտան Ալ Ուլաման նշանակվել է արհեստական բանականության նախարար և այդպիսով ԱՄԷ-ն դարձել է աշխարհում առաջին պետությունը, որտեղ կա հատուկ արհեստական բանականության նախարար։ ԱՄԷ-ն հույս ունի, որ առաջատար դերակատարություն կունենա արհեստական բանականության հետազոտություններում և կզարգացնի նորարարությունը։

Նախարարները շատ երիտասարդ են, նոր սերնդից։ Ունենք նաև հանդուրժողականության նախարար։ Մեր երիտասարդության նախարարը կին է ու 22 տարեկան։ 

Մեզ համար կարևոր են ներդրումները, արտահանումը, քանի որ գիտակցում ենք, որ մի օր նավթը վերջանալու է և պետք է դրան փոխարինող գնել։ Մենք ունենք ազատ շուկայական գոտիներ և ազատ նավահանգիստներ, զբոսաշրջություն։

Panorama – Խոսեցիք արհեստական բանականության մասին, ինչպե՞ս եք պատկերացնում դրա զարգացումը, ապագան։

Դեսպան – Սա է մեր ապագան և ապագայի տեսլականն այն չէ, որ այն կգրավի մարդու տեղը։ Հայաստանը հայտնի է իր մտքով, խելքով և արհեստական բանականությամբ։ Ես այցելել եմ Թումո կենտրոն և տեսա այնտեղ գնացողների թիվը։ Դրանք այն երեխաներն են, որ առանձնանում են իրենց խելքով ու մտքով։ Այս կենտրոնը մեծ դեր ու անուն ունի ամբողջ աշխարհում, ոչ միայն Հայաստանում։ Ամեն մարդ հպարտանում է այս կենտրոնով, երբ այցելում է։ Երեխաները խելացի են, սկսում են ուսումնասիրություններ կատարել և նրանք ապագայի տեսլականն են կերտում։ Վերջերս Հայաստանում անցկացվեց նաև Մտքերի գագաթնաժողովը, որը շատ կարևոր է։

Panorama – Թումոն, կարծեք թե, դարձել է Հայաստանի McDonald's-ը, որը մենք փորձում ենք ներկայացնել աշխարհին։ Արդյո՞ք հետաքրքրված եք ԱՄԷ-ում Թումո կենտրոն բացելու գաղափարով։  

Դեսպան- Էմիրությունների պետնախարարը Հայաստան վերջին այցի ժամանակ այցելեց Թումո և այնտեղ բանակցություններ ընթացան Թումո կենտրոնի հետ՝ նախ փոխայցելություններ կատարելու։ Եվ ինչու ոչ։ Մենք կցանկանանք, որ մեզ մոտ էլ լինի Թումո կենտրոն։ Եթե արդյունքի հասնենք, առաջինը դուք կիմանաք այդ նորությունը։

Panorama – Գալիք հոկտեմբերին Հայաստանը հյուրընկալելու է Տեղեկատվական տեխնոլոգիաների համաշխարհային կոնգրեսը։ Արդյո՞ք կան ԱՄԷ-ից ընկերություններ, որոնք հետաքրքրված են, դիմել են մասնակցության համար և որ ոլորտներն են ներկայացնում, եթե ունեք տեղեկություններ։

Դեսպան- Շատ ուրախ կլինենք, որ մեր կազմակերպությունները մասնակցեն այս կոնֆերանսին։ Այս միջոցառման կազմակերպումը ցույց է տալիս Հայաստանի ուշադրությունը այս ոլորտին, ոլորտի կրթությանն ու զարգացմանը։ Կոնֆերանսին տարբեր երկրների մասնակցությունը նոր լիցք կհաղորդի երկրի զարգացմանը, տեխնոլոգիաների զարգացմանը, կլինի տեսլական ապագայի համար։ Այն կլինի ամբողջական, հավաքական մի աշխատանք։ Մենք քաջալերում ենք նմանատիպ նախաձեռնությունները։

Panorama. Էմիրությունների մասին հարցազրույցն ամբողջական չէր լինի, եթե չանդրադառնանք աշխարհում ամենաբարձր կառույցին՝ Բուրջ Խալիֆային, ու մյուս ճարտարապետական կառույցներին։ Ինչպե՞ս հաջողվեց երկրի պատմության կարճ ընթացքում ունենալ, ինչպես հաճախ ասում են, հրաշք՝ անապատում։

Դեսպան- Այս ամենի արդյունքը եղել է Էմիրությունների շեյխերի, կառավարիչների աշխատանքը՝ ԱՄԷ նախագահ Խալիֆա բին Զայեդ Ալ Նահյանի գլխավորությամբ։ Բուրջ Խալիֆան համարվում է Էմիրությունների խորհրդանիշը։ Կրթված մարդը պետք է ունենա ապագայի նկատմամբ ձգտումներ, որոնց շնորհիվ է, որ Էմիրությունները 45 տարվա ընթացքում արձանագրեց այս հաջողությունները, քաղաքական, սոցիալական կայունություն։ Էմիրությունների կառավարիչների տեսլականն է՝ ստեղծել երկիր հաջորդ սերունդների համար։ Մենք պատրաստում ենք կյանքը ապագայի համար։
Բուրջ Խալիֆան Էմիրություններում հայտնի կառույցներից մեկն է։ Ունենք Մասդառ քաղաքը, որը գտնվում է Աբու Դաբիի օդանավակայանի մոտակայքում։ Նախատեսվում է, որ քաղաքի կենտրոնը առանձնանալու է հսկայական շարժական հովանոցներով։ Եվ նշվում է, որ այս գաղափարը ոգեշնչել է արևածաղիկը։ Մասդար քաղաքը աշխարհի առաջին քաղաքն է, որտեղ չկան ածխածին և թափոններ, և այն առաջին քաղաքն է, որն ամբողջությամբ աշխատում է արևային էներգիայով։ Այս քաղաքի գաղափարը եկել է «Կյանքը մեկ մոլորակի վրա» նախաձեռնության շրջանակներում։ Նախաձեռնությունը առաջարկում է առողջ և երջանիկ աշխարհում երջանիկ և առողջ կյանքի գաղափարը:

Panorama – Պարոն դեսպան Ձեր աշխատանքում կարևորում եք լրատվամիջոցների դերը։ Ինչպես ե՞ք պատրաստվում այն կազմակերպել Հայաստանում։

Դեսպան – Ձեր լրատվամիջոցները առանձնահատուկ են, կան լավ կադրեր, կրթված են, ինչը շատ կարևոր է։ Չեք փնտրում խնդիրներ այլ երկրների հետ։ Իհարկե, կան դեղին էջեր, իրենց նպատակն է ոչնչացնել, ատելություն քարոզել, բայց պետք է գրել պարզ, ճիշտ, ինչ տեսնում ես, այլ ոչ թե փոխանցես վտանգավոր նորություններ։ Գրիչը պետք է ճիշտ գրի, և ոչ թե միայն քննադատի։ Հատուկ շնորհակալություն ենք հայտնում ձեր լրատվամիջոցին՝ շատ հարցերում մեր կողքին լինելու համար։

Panorama – Հասցրել ե՞ք Հայաստանում գտնել սիրելի վայր՝ ազատ ժամանակի համար։

Դեսպան – Շատ ժամանակ չեմ ունեցել, ընդամենը 4 ամիս։ Սևան եմ այցելել, շատ լավ լիճ է, լավ ժամանակ ենք անցկացրել այնտեղ։ Երևանը հին քաղաք է, ես սիրում եմ հին քաղաքներ, որովհետև արտացոլում է երկրի քաղաքակրթությունը, մշակույթն ու արժեքները։ Մշակույթը շատ կարևոր է, նույնիսկ շենքերի տեսքից։ Ինձ համար ամենակարևորն այն է, որ այստեղ ինձ անվտանգ ու ապահով եմ զգում։

Panorama – Հավանել ե՞ք մեր ուտեստները։

Դեսպան – Իհարկե, հայկական խոհանոցը նման է արևելյան երկրների՝ Սիրիայի, Լիբանանի խոհանոցին։ Այստեղ ամենաշատը սիրել եմ հայկական, ավանդական բողչա ուտեստը։ Շատ համեղ է։ Սիրում եմ ապուրները, բայց նմանություններ կան հայկական, արաբական ուտեստների միջև։

Panorama – Պարոն դեսպան, շնորհակալություն հարցազրույցի համար։

Հարցազրույցը՝ Աննա Մկրտչյանի



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

23:07
Նարինե Աբգարյան. Չէի ուզում Հայաստանի պատիվը գցել, բայց դե արդեն հնար չկա
Մոսկվաբնակ հայաստանցի գրող Նարինե Աբգարյանն այսօր Երևանում մասնակցել է հանուն Ամուլսարի պաշտպանության քայլերթին։ Նա մինչև սեպտեմբերի 25-ը...
Աղբյուր` Panorama.am
20:23
Բռնցքամարտի ԱԱ․ Հովհաննես Բաչկովն ու Արթուր Հովհաննիսյանը հաղթանակով մեկնարկեցին
Եվրոպական խաղերի չեմպիոններ 52 կգ քաշային Արթուր Հովհաննիսյանն ու 63 կգ քաշային Հովհաննես Բաչկովը հաղթանակով մեկնարկեցին Եկատերինբուրգում...
Աղբյուր` Panorama.am
20:16
«Հորդորում ենք Ձեզ՝ օր առաջ լուծել Ամուլսարի խնդիրը՝ դրանով կանխել սպասվելիք զանգվածային բողոքի դրսևորումները»
Երևանում ի պաշտպանություն Ամուլսարի իրականացվող երթի մասնակիցները հասան Ազատության հրապարակ: «Ամուլսարն առանց հանքի»...
Աղբյուր` Panorama.am
20:02
Սուրեն Սահակյան. Կարծես կառավարությունն իր գործառույթին հակառակ բան է անում
«Ամուլսարի հետ կապված  մի շարք վտանգներ կան։ Խնդիրն առաջ մենակ բնապահպանական էր,  դա էր պայմանի խախտումը, որ դուրս եկավ...
Աղբյուր` Panorama.am
20:00
Խաչվերացը՝ վաղը
Այն Խաչին նվիրված տոներից ամենակարևորն է, որովհետև նվիրված է գերությունից խաչի վերադարձի և փառաբանության հիշատակին:
Աղբյուր` Panorama.am
19:57
Արջի հարձակումից տուժած լեհը մահացել է
Արդեն տեղեկացրել էինք, որ այսօր ժամը 14:26-ին Լեհաստանի Հանրապետության քաղաքացի Մարգո Լ.-ից «911» ծառայություն ահազանգ է ստացվել, որ...
Աղբյուր` Panorama.am
19:52
«Բարսելոնան» հնարավոր է Նեյմարի փոխարեն ձեռք բերի Մբապեին
«Բարսելոնան» հնարավոր է ՊՍԺ-ի հարձակվող Կիլիան Մբապենին դարձնի իր նոր տրանսֆերային նպատակը նրա ակումբակից Նեյմարի փոխարեն։ ...
Աղբյուր` Panorama.am
19:40
Սեպտեմբերի 16-ին էլեկտրաէներգիայի անջատումներ կլինեն Երևանում և 8 մարզում
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ սեպտեմբերի 16-ին պլանային և վերանորոգման աշխատանքներ...
Աղբյուր` Panorama.am
19:31
Զեկույց․ «Իշխող կուսակցությունը Թուրքիան վերածել է լրագրողների բանտի»
Թուրքիայի ընդդիմադիր «Ժողովրդահանրապետական» կուսակցության (ԺՀԿ - CHP) պատգամավոր Ալփայ Անթմենը 2016թ․ հեղաշրջման փորձից հետո երկրում...
Աղբյուր` Panorama.am
19:21
Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին
ՀՀ ԱԳ նախարար Զոհրաբ Մնացականյանը սեպտեմբերի 14-ին ընդունել է Ֆրանսիայի Ազգային Ժողովի պատգամավորներ Գի Տեսսյեին, Վալերի Բուայեին, Գիյոմ...
Աղբյուր` Panorama.am
19:18
Արվեստի գործ ոսկե զուգարանը գողացել են
Մեծ Բրիտանիայում փնտրում են ոսկե զուգարան. այն գողացել են Բլենհեմյան պալատից, որտեղ ծնվել է Ուինսթոն Չերչիլը։ Վեստի.ռու-ն գրում է, որ...
Աղբյուր` Panorama.am
19:10
«Միջազգային վարկանիշի հետ հենց հիմա պարոն վարչապետն է խաղում». գնդեվազցի
Երևանում մեկնարկել է ի պաշտպանություն Ամուլսարի քայլերթը։
Աղբյուր` Panorama.am
19:01
ԵՊԲՀ բժիշկները Վարդենիսի բուժհաստատությունում անվճար խորհրդատվություն են տրամադրել 200 քաղաքացու
Նեղ մասնագիտացումներ ունեցող պրոֆեսորներ, բժիշկներ այցելել են  Գեղարքունիքի մարզի Վարդենիս քաղաքի բուժհաստատություն և անվճար...
Աղբյուր` Panorama.am
18:52
«Թատերական Գավառ»
Ներկայացումների մուտքն անվճար է:
Աղբյուր` Panorama.am
18:42
Ըմբշամարտի ԱԱ․ հայտնի են Ասլանյանի, Շահինյանի և Ալեքսանյանի մրցակիցները
Ղազախստանի մայրաքաղաքում ընթացող ըմբշամարտի աշխարհի առաջնությունում 67, 87 և 97 կգ քաշային ըմբիշներն իմացել են իրենց առաջին մրցակիցներին։...
Աղբյուր` Panorama.am
18:40
«Սեքյուրիթի դրիմի» հիմնադիրը գրավի դիմաց ազատ է արձակվել
«Սեքյուրիթի դրիմ» ընկերության հիմնադիր Ալեքսան Զաքարյանը նախօրեին 20 միլիոն դրամ գրավի դիմաց ազատ է արձակվել։ Այս մասին...
Աղբյուր` Panorama.am
18:38
Արսեն Կարապետյան. Դեմ եմ, որ առաջնորդվենք տուրիստների համար լավ քաղաք ստեղծելով
«Բուն TV»-ի «Իմ ու քո քաղաքը» հաղորդման ժամանակ Երևանի քաղաքապետարանի քաղաքաշինության և հողօգտագործման հարցերի մշտական...
Աղբյուր` Panorama.am
18:30
Չինաստանը Թուրքիային 200 մլն դոլար վարկ է տրամադրել
Չինաստանի զարգացման բանկը (CDB) առաջին անգամ Թուրքիային խոշոր և երկարաժամկետ վարկ է տրամադրել։ Թուրքիայի Արդյունաբերական զարգացման բանկը (TSKB)...
Աղբյուր` Panorama.am
18:18
Ինչու է Թրամփը նարնջագույն
ԱՄՆ նախագահ Դոնալդ Թրամփը բացատարել է, թե ինչու են իր  մաշկն ու մազերը նարնջագույն երևում։ Գազետա.ռու կայքը, հղում անլով NBC-ին, գրում է,...
Աղբյուր` Panorama.am
18:13
Երկրաշարժ Շիրակում
Այսօր տեղական ժամանակով ժամը 17:06-ին (Գրինվիչի ժամանակով ժամը 13:06-ին) ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի...
Աղբյուր` Panorama.am
18:09
Հայաստանի պետական սիմֆոնիկ նվագախումբը ելույթ կունենա Դուբայի օպերային թատրոնում
Հայաստանի պետական սիմֆոնիկ նվագախումբը (գեղարվեստական ղեկավար և գլխավոր դիրիժոր՝ Սերգեյ Սմբատյան) սեպտեմբերի 18-21-ը ելույթ կունենա Դուբայի...
Աղբյուր` Panorama.am
17:59
Սնոուդենը Ռուսաստանում գաղտնի ամուսնացել է
ԱՄՆ Կենտրոնական Հետախուզական վարչության նախկին աշխատակից Էդվարդ Սնոուդենը  բրիտնական Guardian թերթին տված հարցազրույցում ասել է, որ երկու...
Աղբյուր` Panorama.am
17:48
Մարզերից ժամանած վարպետները Երևանում կներկայացնեն իրենց ձեռագործ աշխատանքները
Սեպտեմբերի 28-29-ին Գաֆէսճեան քանդակների պարտեզում մարզերից ժամանած վարպետները կներկայացնեն իրենց ձեռագործ աշխատանքները: Երկօրյա միջոցառման...
Աղբյուր` Panorama.am
17:44
Մայր Աթոռի արձագանքը Հայոց Եկեղեցու վերաբերյալ «ԲիԲիՍի»-ի հրապարակմանը
Մայր Աթոռն արձագանքել է «ԲիԲիՍի» լրատվական գործակալության՝ Հայոց Եկեղեցու վերաբերյալ հրապարակմանը: Մայր Աթոռի տեղեկատվական...
Աղբյուր` Panorama.am
17:39
Ինչպես է Ղազախստանը նախապատրաստվել ԱԱ-ին
Ղազախստանի մայրաքաղաք Նուր-Սուլթանը սեպտեմբերի 14-22-ը հյուրընկալելու է ըմբշամարտի աշխարհի առաջնությունը։ Նախաօլիմպիական ԱԱ-ն անցկացվելու է...
Աղբյուր` Panorama.am
17:27
Չեխովի փողոցի բնակելի տներից մեկում հրդեհ է բռնկվել
Սեպտեմբերի 14-ին, ժամը 10:26-ին «911» ծառայություն ահազանգ է ստացվել, որ Երևանի Չեխովի փողոցում թիվ 10/1 շենքի 11-րդ հարկի...
Աղբյուր` Panorama.am
17:19
«Թաղիքագործության կենսունակությունը» ցուցահանդեսը՝ Սարդարապատի Հայոց ազգագրության ազգային թանգարանում
Հայաստանյան թանգարանների և մասնավոր հավաքածուների թաղիքե առարկաները՝ մեկ վայրում
Աղբյուր` Panorama.am
17:09
Փաստաբան․ «Սելահաթթին Դեմիրթաշին ազատ արձակելու համար բոլոր իրավական հիմքերը կան»
Թուրքիայի քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) նախկին համանախագահ Սելահաթթին Դեմիրթաշը շուտով...
Աղբյուր` Panorama.am
16:59
Արագած լեռան վրա Լեհաստանի քաղաքացիները ենթարկվել են արջի հարձակման
Այսօր ժամը 14:26-ին Լեհաստանի Հանրապետության քաղաքացի Մարգո Ժ.-ից «911» ծառայություն ահազանգ է ստացվել, որ ինքը և իր ընկերը...
Աղբյուր` Panorama.am
16:55
«Հակոբ ջան տեղեկությունը խեղաթյուրված չէ»
Երևանի քաղաքապետի մամուլի խոսնակ Հակոբ Կարապետյանը ֆեյսբուքյան իր էջում գրառում է կատարել՝ կապված «Առավոտ»-ի հրապարակման հետ։...
Աղբյուր` Panorama.am

Տեսանյութեր

Ռոբերտ Քոչարյան. Սա Հայաստանի Հանրապետության պատմության մեջ ամենից խայտառակ գործն է
16:55 12/09/2019

Ռոբերտ Քոչարյան. Սա Հայաստանի Հանրապետության պատմության մեջ ամենից խայտառակ գործն է

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}