Արման Կիրակոսյանի մահվան առիթով կբացվի սգո մատյան
ՀՀ արտաքին գործերի նախարարությունից հայտնում են, որ անվանի պատմաբան, դիվանագետ, Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան Արման Կիրակոսյանի անժամանակ մահվան առիթով ցավակցությունների համար հուլիսի 9-ին և 10-ին ժ. 10:00-ից մինչև ժ.12:00-ը և ժ.14:00-ից մինչև 16.00-ը ՀՀ ԱԳՆ կենտրոնական մուտքի նախասրահում բացվելու է սգո մատյան:
Մուտքն ազատ է։
Հիշեցնենք, որ Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ դեսպան Արման Կիրակոսյանը մահացել է հուլիսի 6-ին։ Նա 63 տարեկան էր։