Ձեր վստահելի աղբյուրը

ՌԴ Քննչական կոմիտեն Խաչատուրյան քույրերի գործից առանձնացրել է նրանց հոր՝ Միխայիլ Խաչատուրյանին վերաբերող նյութերը, որի գործողություններում խոշտանգման, սեռական բնույթի բռնի գործողությունների և սեռական բնույթի գործողությունների պարտադրանքի նշաններ կան։ Ինտերֆաքսին հայտնել է տեղեկացված աղբյուրը։

«Հետաքննությունն առանձնացրեց է Միխայիլ Խաչատուրյանի վերաբերյալ նյութերն իր աղջիկների դեմ ուղղված հանցագործություններ կատարելու փաստով»,- ասել է գործակալության զրուցակիցը։

Նա նշեց, որ որ քննության կարծիքով, Խաչատուրյանի գործողությունները պետք է դասակարգվի  ՌԴ ՔՕ  117, 132, 132 հոդվածներով (խոշտանգում, սեռական բնույթի բռնի գործողությունների, սեռական բնույթի գործողությունների պարտադրանք)։

Իրավիճակի վերաբերյալ պաշտոնական տեղեկատվությունը դեռևս չկա։ 

ՌԴ քննչական կոմիտեն հայտնել էր, որ 2018 թ. հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա Միխայիլ Խաչատուրյանի մարմինը՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։ 

Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը։ Մինչև դատարանի վճիռը նրանք պետք է ապրեն առանձին, նրանց արգելված է շփվել  միմյանց հետ։

Վերջնական մեղադրանք եզրակացությամբ, երեք քույրերին մեղադրանք է առաջադրվել նախնական համաձայնությամբ մի խումբ անձանց կողմից սպանության հոդվածով։