Նաոմի Քեմփբելն ինքնաթիռում «մաքրություն» է անում
Սուպերմոդել Նաոմի Քեմփբելը պատմել է, թե ինչպես է անցկացնում ժամանակն օդանավակայանում և ինքնաթիռում, երբ ճանապարհորդում է։ 360tv.ru-ն գրում է, որ նրա որոշ քայլեր կարող է ցնցել ընթերցողին։
Յութուբում տեսանյութ է հրապարակվել, Նաումին ֆրանսիական Նիցցեից ուղևորվում է Քաթար։ Նախքան ինթնաթիռ նստելը, սուպերմոդելը շտապում է Duty Free՝ ամսագիր և շոկոլադ գնելու։
Ինթնաթիռում նա բացահայտում է իր գլխավոր գաղտնիքը։ Նաոմին հագնում է մեկանգամյա ձեռնոցներ և հակաբակտերիալ անձեռոցիկով սկսում է մաքրել այն ամենը, ինչին նա հնարավոր է թռիչքի ժամանակ կպնել՝ բազմաթոռը, սեղանիկը, հեռուստացույցի էկրանը, նույնիսկ անվտանգության ամրագոտին։
«Սա այն ամենն է, ինչ անում եմ յուրաքանչյուր ինքնաթիռում, որով ես թռչում եմ։ Ինձ չի հետաքրքրում, թե ինչ կմտածեն մարդիկ իմ մասին։ Սա իմ առողջությունն է, այսպես ես ինձ հանգիստ եմ զգում»,- պատմել է Քեմփբելը։
Մաքրելով բազկաթոռը՝ Նաոմին այն ծածկում է սեփական ծածկոցով։ Նա իր հետ վերցրած է լինում տարբեր դիմակներ և թարմացնող միջոցներ։ Մոդելը հոգ է տանում իր մաշկի մասին. նրա պայուսակում ավելի շատ են կոսմետիկ միջոցները, քան մարդկանց մեծ մասը գնում է մեկ տարվա ընթացքում։ Վերջում Նաումին հագնում է պաշտպանիչ դիմակ, ինչպիսին կրում են բժիշկները։ Այսպես սուպերմոդելը պաշտպանվում է մանրէներից, որոնք կան ինքնաթիռում։
«Անկախ նրանից, թե ինչ ինքնաթիռով ենք մենք թռչում՝ մասնավոր, թե կոմերցիոն, ինքնաթիռում մարդիկ սկսում են հազալ և փռշտալ։ Ես այդպես չեմ կարող, սա իմ պաշտպանությունն է»,- խոստովանել է Նաոմի Քեմփբելը։