«Հրապարակ». Եթե վերադասավորություններ կլինեն մյուս թիմում, ենթադրվում է՝ դա կլինի կառավարող խմբակցությունում

ԱՅԼՄԱՄՈՒԼ 10:34 16/07/2019 Հայաստան

«Հրապարակ» թերթը գրում է. «Որքանո՞վ եք հնարավոր համարում աշնանը պառլամենտի ներսում վերադասավորությունները՝ հարցրինք ԲՀԿ ներկայացուցիչ Գևորգ Պետրոսյանին։ «Վերադասավորումներ, գոնե մեր թիմում, չկան և հնարավոր էլ չեն»:

Հակառակը` տեսակետ կա, որ ձեր թիմը կուժեղանա։ «Մեր թիմն իր տեղում է, որևէ մեկի հետ միավորվելու, առավել ևս բաժանվելու հակում, նախադրյալներ չունի, իսկ եթե վերադասավորություններ կլինեն մյուս թիմում, ենթադրվում է՝ դա կլինի կառավարող խմբակցությունում, թող լինի, մենք դրան կվերաբերվենք հարգանքով, որովհետև դա իրենց քաղաքական որոշելիքն է»: Ի դեպ, խոսում են, որ վերջին շրջանում շատ ջերմացել են հարաբերությունները Գագիկ Ծառուկյանի և Սասուն Միքայելյանի միջև:

«Սասուն Միքայելյանի նկատմամբ անձամբ ես շատ մեծ հարգանք ունեմ, նա վաստակ ունեցող ազատամարտիկ է։ Պարոն Ծառուկյանն էլ բոլորի հետ, ովքեր էս երկրի համար ինչ-որ լավ բան են արել, ունի բարիդրացիական հարաբերություններ։ Քաղաքական ասպեկտով ես չեմ կիսի Ձեր տեսակետը, Սասուն Միքայելյանի հետ զուտ անձնական մտերմություն է՝ իրենք միշտ են մտերիմ եղել, որովհետև իրենց բնույթով, ավանդապաշտությամբ, ուղղախոսությամբ շատ մեծ ընդհանրություններ ունեն, իրենց մտերմությունը նաև այդ գործոնով է պայմանավորված, և պետք չէ այն կապել սպասվող, ենթադրյալ վերադասավորությունների հետ»:
Մանրամասները թերթի այսօրվա համարում

Պառլամենտում խոսում են, որ Սասունն ու Արարատ Միրզոյանը միմյանց հետ պրոբլեմ են ունեցել։ «Դրա մասին իմացել եմ համացանցից, ինչը կարող է բացարձակ իրականության հետ կապ չունենալ։ Լրացուցիչ ինֆորմացիա չունեմ»»:

Մանրամասները թերթի այսօրվա համարում:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: