Ձեր վստահելի աղբյուրը

«Այսօր մենք ունենք քաղբանտարկյալ։ Այո։ Եթե այսօր դրա ստատուստը դեռևս չի տրվել, համոզված եմ, որ կարճ ժամանակահատվածում Եվրախորհուրդը կտա դրա ստատուսը, որ երկրորդ նախագահը քաղբանտարկյալ է այսօրվա դրությամբ»,- լրագրողների հետ հանդիպմանն ասաց հոգեբան Միհրդատ Մադաթյանը։

Նրա խոսքով, Ռ. Քոչարյանն անհիմն է  ձերբակալված, «որևէ քրեական հիմք չկարողացան այդ մարդուն կպցնել»։ Նա նշեց, որ երկրորդ նախագահի վարկանիշն այսօր բարձրացել է, մի շարք գործաններ են նպաստում, այդ թվում նաև նրա արած գործը։

«Ակնհայտ տեսնում ենք, որ երկրորդ նախագահը գործ ունի արած այս երկրի համար։ Այդ գործից այսօր օգտվում է  նաև այսօրվա վարչապետը, որը երկրորդ նախագահին փորձում է ամեն կերպ  պահել ճաղերի հետևում, իր հյուրերին բերում ու ման է տալիս երկրորդ նախագահի սարքած Հյուսիսային պողոտայում»,- ասաց հոգեբանը։

Նրա խոսքով, Ն Փաշինյան իր ձեռքով իր համար միակ ալետերնատիվա Ռոբերտ Քոչարյանի պերսոնան է սարքել. «Ավտոմատ  հասկանում ենք, որ ալտերնատիվ հզոր ուժ, որից վախենում է Նիկոլ Փաշիյանը, Ռոբերտ Քոչարյանն է։ Այդպես է հոգեբանության մեջ՝ ումից վախենում ենք, փորձում ենք առաջին հերթին նրան ոչնչացնել»։

Հոգեբանն ասաց, որ Ռ. Քոչարյանի վարկանիշը շարունակելու աճելու է, ինչին նպաստելու է  կառավարության արած սխալերը, գյուղացու բողոքը։
«Ռոբերտ Քոչարյանը ոչինչ չանի էլ, իր ռեյտինգը բարձրանալու է, որովհետև միակ ալտերնատիվն է, որին նշանակել է Նիկոլ Փաշինյանը»,- ասաց Մ. Մադաթյանը։
Ասուլիսին ներկա Երևանի ավագանու նախկին անդամ Մարինա Խաչատրյան ասաց, որ բացի երկրորդ նախագահից, քաղբանտարկյալ է նաև ԱԺ նախկին պատգամավոր, գեներալ Մանվել Գրիգորյանը:

«Որպես բժիշկ՝ սրտի ցավով եմ նայում, թե ինչ են անում այդ մարդու հետ։ Օգտագործել են քաղքական տեխնոլոգիաներ»,-նշեց նա։

Մ. Խաչատրյանի խոսքով, Մ. Գրիգորյանի գործի մասին գիտեն այն, ինչ ներկայացրել են, միակողմանի հայտարարություններ են արվել։ Նա նշեց, որ ինչպես կարելի է առողջական վատ վիճակում գտնվող մարդուն  նորից կալանավորել։

«Ի՞նչ կարող եմ մտածել։ Կարող եմ մտածել, որ պարզապես չեն ուզում  այս մարդը խոսի։  Եթե երկրորդ նախագահը, լինելով ուժեղ անձնավորություն, ունենալով կրթված ընտանիք, պայքարում է, կարողանում է  իր իրավունքները պաշտպանել, խոսել, արտահայտվել, ինձ մոտ տպավորություն է, որ Մանվել Գրիգորյանը հույսը կորցրել է։ Ես ուզում եմ իմանալ ճշմարտությունը։ Եթե նա կատարել է  հանցագործոթյունները, թող պատասխան տա, բայց ես ուզում եմ Մանվել Գրիգորյանին լսել, տեսնել մեդալի երկրորդ կողմը, հասկանալ՝ իրականում ինչ է տեղի ունենում, իր բացատրությունը լսել, բայց մեզ այդ հնարավորությունը չեն տալիս»,-ասաց նա: