Փաշինյան. Ինչի՞ ես ուզում էի դատական գործերին միջամտեի, չէի կարո՞ւմ
«Ինչի՞ ես ուզում էի դատական գործերին միջամտեի, չէի կարո՞ւմ: Այսինքն, առնվազն այդքան բան չունեմ, որ դատական գործերին պետք լիներ միջամտել, ես չէի կարողանո՞ւմ միջամտել»,- Ազատություն» ռադիոկայանին տված հարցազրույցում ասել է ՀՀ վարչապետ Նիկոլ Փաշինյանը՝ պատասխանելով հարցին, թե ՀՀ երկրորդ նախագահ Ռոբերտ Քոչարյանի խափանման միջոցը փոխվելուց հետո կոչ արեցիք փակել դատարանի մուտքերը, դա ընկալվեց որպես դատական գործընթացներին միջամտում։
Նա նշեց, որ իրեն պետք էր այդ սիմվոլիկ ակցիան ցույց տալու երկու բան. «Նախ՝ ժողովուրդ ջան, հերիք ասեք, թե ինչու ես որոշեցի այս մեկին բաց թողնել, այն մեկին բռնել։ Երկրորդ՝ ցույց տալ, որ չի կարող լինել այն դատական համակարգը, որին ժողովուրդը չի վստահում: Ես չեմ ուզում կրել այդ պատասխանատվությունը»։
Խոսելով վեթթինգի մասին՝ նա նշել է. «Այդ վեթթինգ բառի շուրջ մի մեծ փոթորիկ է։ Բառարանում նայել եմ վեթթինգ բառը, նշանակում է՝ որևէ մեկի համապատասխանելիության ստուգում։ Ինձ համար վեթթինգը հետևյալն է, որ մենք ունենալու ենք այդ գործընթացի արդյունքում մի դատարան, որ ինչ էլ որոշի, ասենք՝ մեր դատարանը որոշեց, եկեք մեր դատարանի կենացը խմենք, որովհետև մեր դատարան է, գիտենք, որ սա անկախ, անաչառ, սկզբունքային դատարան է։ Նպատակը վեթթինգը չէ, նպատակը այսպիսի դատարան ունենալն է։ Ես կողմնակից եմ այն տարբերակին, որը մեզ հանգեցնելու է այս նպատակին»։
Վարչապետի խոսքով, եթե քննարկմամբ պարզվել է, որ վեթթինգը հարմար չէ, այլ բան կանեն։
Հարակից հրապարակումներ`
- Հոգեբան. Ալտերնատիվ հզոր ուժ, որից վախենում է Նիկոլ Փաշինյանը, Ռոբերտ Քոչարյանն է
- Ռոբերտ Քոչարյանի փաստաբանական թիմն վճռաբեկ բողոք է ներկայացնել քրգործի վարույթը կասեցնելու որոշման բեկանման դեմ
- Քոչարյանի փաստաբանները դիմել են դատավորներին գործի՝ առանց խոչընդոտ քննությունն ապահովելու համար
- Ռոբերտ Քոչարյանը կկալանավորվի
- Վիկտոր Սողոմոնյան. Ռոբերտ Քոչարյանը Հայաստանում քաղբանտարկյալ է