Ձեր վստահելի աղբյուրը

Ֆեյսբուքյան «Իմ քայլը» էջը, որն ակտիվորեն տարածում է վարչապետ Նիկոլ Փաշինյանի, Երևանի քաղաքապետ Հայկ Մարությանի, երբեմն նաև ոստիկանապետ Վալերիյ Օսիպյանի մասին դրական ու պաշտոնական տեղեկատվություն, վերջին օրերին օգտատերերի շրջանում հարցումներ է անցկացնում հասարակական տրանսպորտի բարելավման ու դրա թանկացման մասին։

Ըստ երևույթին, հասարակության տրամադրություններն  են ստուգում։ Իսկ դրանք թանկացնելու մտադրություն ունեցողների համար հուսադրող չեն, սթափեցնող են։
Հարցման վերաբերյալ գրառման ներքո մեկնաբանություն թողածները քաղաքապետ Մարությանին հիշեցրել են ոչ հեռու անցյալը՝ 2013 թվականը, երբ ինքը պայքարում էր տրանսպորտի թանկացման դեմ, իր մեքենայով մարդկանց անվճար տեղափոխում էր։ Օգտատերեից մեկն էլ նկատել է՝ «էս շանտա՞ժ եք անում»։

Հուլիսի 18-ին  էջում հարցում է հրապարակվել.

«Երևանում մաշված երթուղայիններին կփոխարինեն հարմարավետ ավտոբուսները: Պատրաստ ե՞ք հասարարական տրանսպորտի համար վճարել 100 դրամից ավելի»։  Պատասխանողների 63 տոկոսը նշել է՝ պատրաստ է։



Հարցմանը չմասնակցած օգտատերերը փնտրում են դրական պատասխանողներին։ Նրանցից մեկն էլ ընդգծել է. «Ես պատրաստ եմ երթևեկել նոր, հարմարավետ տրանսպորտային միջոցներով, բայց 100 դրամով»։

Երեկ  հետևել է հաջորդ հարցը՝ ինչքա՞ն շատ են պատրաստ վճարել՝ 50 դրա՞մ, 100 դրա՞մ։ Ընդ որում պատասխանների տարբերակում չկա 100 դրամը։

«Որքան ե՞ք պատրաստ վճարել նոր բարելաված երթուղայիններից օգտվելու համար» հարցմանն էլ մեծ մասը պատասխանել է 150 դրամ։ Մեծ թովով օգտատերեր մեկնաբանություններում նշել են՝ 100 դրամ, եղել են նաև 50 դրամ առաջարկողներ։





Մեկնաբանություն թողած քաղաքացիները բացասաբար են վերաբերվում տրանսպորտի թանկացմանն ու նման հնարավորությանը։ Նրանք գրել են.«Ես մեռաաաաա...Հայկոն ինքն էր կռիվ տալիս գնի համար հիմա ինքնա բարձրացնում? Հայկո ջան մալադեց։ Փաստորեն քո մոտ գնի կռիվ չէր այլ աթոռի»։

«Երբ կլինեն մարդավայել աշխատավարձեր այն ժամանակ էլ կմտածենք ավել վճարելու մասին!!»։
«Շատ շնորհակալություն ձեր բարելավումից։ Արդեն ձեր և սանիթեքի բարելավումի արդյունքի հոտից չենք կարողանում քայլել մայրաքաղաքում»։
«100 դրամ տարբերակը հանել եք, որ ինչ անեք? :)»
«Հեռվից մի եկեք 100դրամ»։
«Հարցումը եթե չունի 100 դրամ պատասխանը, ապա դա ձեր կողմից զուտ խաբեություն է։ Ստացվում է էսպես թէ էնպես պիտի թանկանա։ Բա ղեկին գալուց առաջ ասեիք սա!»։
«Սկսվեեեց նորից:
Այնպես արեք, որ անհոգ կարողանանք ապրել, կյանքներս անցավ միայն պայքարելով: Այսօր քաղաքացիներին(մեզ) ավելի շատ մտահոգում է օրվա ապրուստի համար:
Ես չեմ ընդունում տրանսպորտի թանկացումը, իսկ բարելավելը պարտավորվածությունա»։