Նախկին աշխատակիցը հայց է ներկայացրել նախարար Տիգրան Խաչատրյանի դեմ
Նախկինում Տնտեսական զարգացման և ներդրումների, այժմ էկոնոմիկայի նախարարության նախկին աշխատակից Գոհար Անակչյանը դատական կարգով բողոքարկում է նախարար Տիգրան Խաչատրյանի՝ իրեն աշխատանքից ազատելու հրամանը։
«Հայցադիմում եմ ներկայացրել ՀՀ վարչական դատարան՝ ՀՀ էկոնոմիկայի նախարար Տիգրան Խաչատրյանի թիվ 401-Ա հրամանն անվավեր ճանաչելու և ինձ նախկին աշխատանքում/պաշտոնում վերականգնելու պահանջով։
Հաշվի առնելով դատարանների նկատմամբ սկսված ռեպրեսիաների փաստը, այնուամենայնիվ ուզում եմ հույս հայտնել, որ ներկայացված խնդրին կտրվի ճիշտ իրավական գնահատական, կհաստատվի իրավունքի գերակայություն և իրական արդարություն։
Ուզում եմ կոչ անել բոլոր այն մարդկանց, ովքեր գտնվում են նմանատիպ իրավիճակում՝ չվարանել ձեր իրավունքերի պաշտպանության համար բոլոր միջոցներին դիմելու հարցում։
Դատավարության հետագա ընթացքի վերաբերյալ պարբերաբար կներկայացնեմ տեղեկատվություն։
Մի խոսքով՝ իշխանություններին հասկանալի լեզվով ասած՝ իրապես բոլոլայա լինելու ու ահավոոոոոոր բազար։ Կհանդիպենք վարչական դատարանում»,-մասնավորապես գրել է Անակչյանը։
Հիշեցնենք, նա ընդդիմադիր հայացքներ ունի, ավելի վաղ կարծիք էր հայտնել, որ հեռացման պատճառը կարող են լինել իր ֆեյսբուքյան գրառումներն ու դրանցում հնչած քննադատությունները։
Սրան ի պատասխան էկոնոմիկայի նախարարի խոսնակ Աննա Օհանյանը մանրամասնել էր.
«Գոհար Անակչյանը զբաղեցնում է նախարարի տեղակալ Հակոբ Ավագյանի օգնականի պաշտոնը, որը հայեցողական է։ Հակոբ Ավագյանը փետրվարի 5-ից ՏԶՆ նախարարի տեղակալ չէ։ Հետևաբար, տիկին Անակչյանը տևական ժամանակ է՝ չունի անմիջական ղեկավար, հստակ հանձնարարությունների և գործառույթների շրջանակ ,
• Արդյունքում, տվյալ աշխատակցի կողմից եղել են ուշացումների և բացակայությունների դեպքեր,
• Այդ պատճառով նրան արվել է համապատասխան առաջարկը,
• Նախարարությունը չի վերահսկում իր աշխատակիցների ակտիվությունը սոցիալական ցանցերում, և Գոհար Անակչյանին աշխատանքից ազատելու խնդիրը պայմանավորված է բացառապես վերը նշված պատճառներով»։
Լրահոս
Տեսանյութեր
Համլետ Վիրաբյան. Այսօր ես ավելի հաճախ հիշում եմ կարսեցի տատիս պատմությունները
