Արա Զոհրաբյան. Անհանգստացնող է վարչապետի մամուլի քարտուղարի հեգնական տոնը
Փաստաբանների պալատի նախագահ Արա Զոհրաբյանը հույս ունի, որ վարչապետի մամուլի խոսնակ Վլադիմիր Կարապետյանի՝ փաստաբանների պալատի և հանրային խորհրդի նկատմամբ անթաքույց հեգնանքը և Ստամբուլյան կոնվենցիային վերաբերող մտքերը վարչապետը չի կիսում:
Ֆեյսբուքյան իր էջում նա մասնավորապես գրել է.
«Վլադիմիր Կարապետյանը Ստամբուլյան կոնվենցիան քննադատող հանրային ինստիտուտների հետ կապված նշել է՝ «մեր զրույցը ծավալվում է ոչ թե հեղափոխական նորարար մոտեցումներով աշխատող ինստիտուտների, ոչ թե նախարարությունների, կառավարության, այլ, այ սենց հանրային խորհուրդ, փաստաբանների պալատ: Ուր էին իրենք, երբ ստորագրվում էր կոնվենցիան...»:
Այնուհետև երկխոսությամբ որոշել են, որ ՓՊ-ն և ՀԽ-ն վախեցել են: Վարչապետի մամուլի քարտուղարը հայտնել է, որ կոնվենցիան համապատասխանում է մեր Սահմանադրության կարգավորումներին:
Ի գիտություն Պետրոս Ղազարյանի և Վլադիմիր Կարապետյանի, հայտնում եմ, որ նախկինում այդ հարցի առնչությամբ ինչպես փաստաբանների պալատը, այնպես էլ հանրային խորհուրդը հրապարակայնորեն, ԱՌԱՆՑ ՎԱԽԵՆԱԼՈՒ (շեշտում եմ հատուկ Պետրոսի համար), հնչեցրել է քննադատություններ:
Բարեխղճության կանխավարկածից ելնելով, կարծում եմ, որ մամուլի քարտուղարը նախկինում ուշադիր չի եղել և չի նկատել երկու կառույցների ակտիվությունը:
Անհանգստացնող է վարչապետի մամուլի քարտուղարի հեգնական տոնը Փաստաբանների պալատի և հանրային խորհրդի նկատմամբ:
Հուսով եմ Վլադիմիր Կարապետյանի՝ փաստաբանների պալատի և հանրային խորհրդի նկատմամբ անթաքույց հեգնանքը և Ստամբուլյան կոնվենցիային վերաբերող մտքերը վարչապետը չի կիսում:
Հ.Գ. Ի դեպ Վլադիմիր Կարապետյանը պետք է ընդունի, որ իրենք իշխանության են եկել նաև վախեցածներին համարձակություն տալու, ազատ խոսքը հարգելու և մարդկանց մեջ խտրականություն չդնելու համար»։
Հարակից հրապարակումներ`
- Արթուր Ղազինյան. Ստամբուլյան կոնվենցիան չի վավերացվելու
- Արա Զոհրաբյան. Ստամբուլյան կոնվենցիայի դեմ պայքարող բոլոր ուժերին համարում ենք մեր դաշնակիցը
- Արա Զոհրաբյան. Արդեն բոլոր սահմաններն անցնում են
- Գևորգ Դանիելյան. Ստամբուլյան կոնվենցիան միանշանակ հակասում է ՀՀ Սահմանադրությանը
- Արա Զոհրաբյան. Ստամբուլյան կոնվենցիայի վտանգները-2
- Ստամբուլի Կոնվենցիայում թաքնված ռիսկերը՝ ըստ Արա Զոհրաբյանի
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ