«Մեծարգո պարոն ոստիկանապետ, ցավով ու շատ մեծ հիասթափությամբ տեղեկացնում եմ Ձեզ»
Հենց մտնեք ՀՀ ոստիկանության ֆեյսբուքյան պաշտոնական էջ, կգտնեք այս նամակը՝ մի քանի օրինակով։ Panorama.am-ը որոշեց այն բերել լրատվական դաշտ, որպեսզի նամակագրի հարցադրումները լինեն ուշադրության կենտրոնում.
«Մեծարգո պարոն ոստիկանապետ ցավով ու շատ մեծ հիաստափությամբ տեղեկացնում եմ Ձեզ, որ ոստիկանության ու վերջինիս պրոֆեսիոնալ գործունեության վերաբերյալ վերոնշյալ նամակները, ոչ այլ ինչ են քան հեքիաթներ։
Տեղեկացնում եմ Ձեզ, որ հանդիանում եմ Էջմիածին քաղաքի բնակիչ, և 2019 թվականի Հունիսի 18-ին աշխատանքից տուն վերադառնալով հայտնաբերել ենք տունը ապականված, կողոպտված: Շատ արագ արձագանքել ենք տեղի ոստիկանության բաժին, որտեղից 8-9 տարբեր ոստիկաններ, տարբեր հատուկ նշանակության մասնագետներ արագ մոտեցան դեպքի վայր, խոստացան որ շատ արագ կբացահայտեն գողությունը։
Անցան օրեր, նույնիսկ չհարցաքննվեցին տեղի բնակչությունը,ովքեր կարող էին ականատես լինեին վայրագության։ Ամեն զանգով մեզ տեղեկացնում էին, որ հայտնաբերվել է խումբը, հավաքագրվում է համապատասխան պացույցներ, տարվում է շուրջօրյա վերահսկողություն, "օպերատիվնիկի բախտ" և այլ նմանատիպ անհեթեթ խոսակցություններ։ Սակայն հիասթափությունս պայմանավորված է այլ հանգամանքով, նրանով որ նույն թվականի հուլիսի 26-ին վերադառնալով աշխատանքից ստացանք նույն պատկերը ինչ մեկ ամիս առաջ էր։ Այն հայտնաբերված խումբը, որի նկատմամբ տարվում էր շուրջօրյա վերահսկողություն, "Պոչին նստած ենք" և այլն, նորից կողոպտել էր բնակարանս, պատճառելով բարոյական և հոգեբանական անդառնալի վնաս ինձ և ընտանիքիս։
Դեպքի վայր նորից արագ ժամանեցին պարոն Ալբերտ Մովսիսյանը և նոր Ներսեսներ, Արմեններ, պատկառելի պարոններ, ովքեր խոստացան որ ընդամենը 1 շաբաթում այս գործը կբացահայտվի։ Այսօր օգոստոսի 3-ն է, անցել է մեկ շաբաթ, զանգել ենք պարոն Մովսիսյանին, ով դեռ անցած շաբաթ նշում էր, որ այս կողոպուտը ուղղակի հայհոյանք է իր պրոֆեսինալիզմի նկատմաբ,պարզվեց որ Ալբերտ Մովսիսյանին տեղափոխել են այլ տարածքային բաժին/Մեծամոր/, և այլևս իրավասու չէ զբաղվել այս գործով, զանգեցինք նաև քննիչին, ով հպարտությամբ հայտարարեց որ նա արձակուրդի մեջ է/հոգնել էր երևի/, զանգեցինք օպերլիազորին, ով նշեց որ ինքը չի կարող ոչնչով օգնել։
Հարցնում էի կա գոնե մեկ կոմպետենտ ծառայող, ում կարող ենք այցելել տալ մեզ հուզող հարցերը, պատկառելի պարոնայք նշեցին, որ ոչ, քանի-որ մեր Շեֆը տեղափոխվել է այլ բաժին, այս պահին դեռ չկա։
Հարցս հետևյալն է, ես ու ընտանիքս ամբողջ մեր գործունեության ընթացքում անձնուրաց աշխատել ենք առավոտից մինչև երեկո, ամսեկան ամբողջ ընտանիքով վճարում ենք մոտ 400,000 ՀՀ դրամ եկամտային հարկ, երբև չենք ունեցել թշնամիներ, և չունենք համակարգում այնպիսի "Ծանոթ, բաերկամ գեներալներ", ով կկարողանար օգնել մեզ, ում կարող ենք դիմել, որպիսի մեզ զգանք պաշտպանված մեր իսկ տանը։ Շնորհակալ եմ ուշադրության համար, Տիգրան Խաչատրյան»։