ԱՅԼՄԱՄՈՒԼ 11:03 17/08/2019 Հայաստան

Պարապ գործերի մինիստրն որ նրա թանկարժեք վոյաժները. «Հրապարակ»

Կառավարության կառուցվածքային փոփոխությունների արդյունքում ստեղծվեց լրիվ նոր մի նախարարություն, որն ստացավ հնչեղ անվանում՝ բարձրտեխնոլոգիական արդյունաբերության նախարարություն։ Նախարար էլ նշանակվեց տրանսպորտի նախկին նախարար Հակոբ Արշակյանը, որը մասնագիտությամբ «այթիշնիկ» է։ Դրա համար էլ հատուկ նրա համար Նիկոլ Փաշինյանը բացեց IT ոլորտի հետ կապ ունեցող նախարարություն, որ իր թիմակիցը կոմֆորտով պաշտոնավարի։

Անցել է ավելի քան 2 ամիս, եւ մարդիկ չեն հասկանում՝ ո՞րն է այս նախարարության գոյության իմաստը, ստեղծել են, որ ի՞նչ անեն, որ Հակոբ Արշակյանի համար նախարարի աթո՞ռ ապահովեն, թե՞ ինչ-որ ռազմաքաղաքական նշանակության ծրագրեր են իրականացնելու։ Անգամ Արշակյանի թիմակիցներն են տարակուսած, թե արժե՞ր մեկ հոգու համար մի ամբողջ պարապ գործերի մինիստրություն բացել՝ բյուջեից հսկայական միջոցներ վատնելով։ Իսկ այն, իսկապես, պարապ գործերի մինիստրություն է, որտեղ նախարարից սկսած՝ զբաղված են «թիթեռ նկարելով»։ Իհարկե, դա չի խանգարում, որ Հակոբ Արշակյանը դեմքի լուրջ արտահայտությամբ ամեն անգամ նստի իր ծառայողական Toyota Avalon ավտոմեքենան, որը նրան ժառանգություն է մնացել տրանսպորտի նախկին նախարարներից, որոնք, ի դեպ, չէին օգտագործում այն՝ բավարարվելով իրենց անձնական մեքենաներով, եւ գա նույն լրջությամբ մասնակցի կառավարության նիստերին։ Իսկ թե ինչով է այս նախարարությունը նպաստում երկրում բարձրագույն տեխնոլոգիական արդյունաբերության զարգացմանը, հայտնի չէ։ Նրանց տարածած պաշտոնական հաղորդագրություններից, համենայնդեպս, բարձրագույն տեխնոլոգիական արդյունաբերության զարգացման նշույլ չի նշմարվում՝ անում են նույնը, ինչ նախկինում տրանսպորտի, կապի եւ տեղեկատվական տեխնոլոգիաների նախարարությունն էր անում, ո՛չ ավելին։

Ահավասիկ, երեկ մի հաղորդագրություն են տարածել, որով տեղեկացնում են, որ Գորիսի տարածաշրջանի Կատարի հեռուստաաշտարակի ներկման աշխատանքներով պայմանավորված՝ որոշ բնակավայրերում հեռուստատեսային հեռարձակման սարքավորումները կանջատվեն։ Նայում ենք նախարարության կայքում զետեղված մյուս հաղորդագրությունները, եւ միայն վերնագրերից կարելի է եզրակացնել, թե ինչ գույնի եւ չափի «թիթեռ են նկարում» այս նախարարությունում։ «Փորձառու ձեռնարկատերերը ստարտափների հետ կիսվել են իրենց փորձով», «Երեւանում մեկնարկել են Միջազգային ամառային տիեզերական դպրոցի աշխատանքները», Հակոբ Արշակյանը «Սեւան Ստարտափ-Սամիթ 2019»-ին ներկայացրել է նորաստեղծ նախարարության ռազմավարությունը, շվեյցարահայ գործարարը հետաքրքրված է Հայաստանում մեխանիկական մեքենայացման զարգացմամբ եւ այսպես շարունակ։ Միակ քիչ թե շատ «գործառնական» հաղորդագրությունն այն էր, որ տեխնոլոգիական ոլորտի 89 նորաստեղծ ընկերություն արդեն ստացել է հարկային արտոնության հավաստագիր։ Այսինքն՝ նախարարությունը կանաչ լույս է վառել տեխնոլոգիական մի շարք ընկերությունների գործունեության համար։ Բայց այս ամենը կարող էին նաեւ նախորդ նախարարության կազմում իրականացնել։ Ուստի հարց է առաջանում՝ ի՞նչ հեղափոխական գործառույթ պետք է իրականացնի նոր անվանումով նախարարությունը, որը չէր իրականացնում տրանսպորտի, կապի եւ տեղեկատվական տեխնոլոգիաների նախկին նախարարությունը։

Բարձրտեխնոլոգիական արդյունաբերության նախարարությունն այնքան բան չունի անելու կամ ասելու, որ գերատեսչության լրատվականը ստիպված նախարարի հրավիրած գործակարգավարական խորհրդակցության՝ դիսպետչերականների անցկացման մասին է հաղորդագրություններ տարածում, թե խորհրդակցության ընթացքում նախարարը տվել է կարեւոր հանձնարարականներ։ Տարիներ շարունակ տարբեր նախարարություններում նախարարները հրավիրել են դիսպետչերականներ, որոնց ընթացքում տրվել են կարեւոր հանձնարարականներ, բայց դրանց մասին հաղորդագրություններ երբեւէ չեն տարածել, չեն փորձել դա ներկայացնել որպես իրենց կատարած աշխատանք։ Իհարկե, «աշխատանքի» նույն ոճը նկատվում էր նաեւ Հակոբ Արշակյանի՝ տրանսպորտի, կապի եւ տեղեկատվական տեխնոլոգիաների նախարար եղած ժամանակ, պարզապես այնտեղ ոլորտն այնպիսին էր, որ որքան էլ չուզենայիր գործ անել կամ որքան էլ չհասկանայիր ոլորտից, միեւնույն է, որոշ պարտադրված ֆունկցիաներ իրականացնելու էիր։ Ուստի, վերջում նաեւ որոշակի արդյունք կկարողանայիր ցույց տալ՝ զուտ վիճակագրության համար։ Իսկ այստեղ լրիվ անհասկանալի է, թե մեկ տարի անց, օրինակ, մենք ինչ արդյունք կունենանք Հայաստանում բարձրտեխնոլոգիական արդյունաբերության զարգացման առումով, այնպիսի արդյունք, որը համարենք բացառապես նորաստեղծ այս նախարարության շնորհքը։

Այս ամենով հանդերձ՝ Հակոբ Արշակյանը շատ է սիրում նախարարի կարգավիճակում ճամփորդել, այն էլ՝ էկզոտիկ եւ տպավորիչ երկրներում։ Դե, բյուջեի հաշվին պաշտոնական պատվիրակությամբ գործուղումների մեկնելը վատ գործ չէ։ Նախարարությունից մեր հարցմանն ի պատասխան՝ ուղարկել են Հակոբ Արշակյանի գործուղումներն այս տարվա հունվարից մինչեւ հուլիս ընկած ժամանակահատվածում, որի մի մասը նա անցկացրել է տրանսպորտի նախարարի կարգավիճակում, մյուսը՝ բարձրտեխնոլոգիական արդյունաբերության։ Օրինակ՝ հունվարին նախարարը մեկնել է Ղազախստան՝ մասնակցելու ԵԱՏՄ միջկառավարական նիստին, որը համարենք, որ տրամաբանական է՝ վարչապետի հետ մեկնել է որպես տրանսպորտի նախարար։ Փետրվարին մեկնել է Իսպանիա՝ մասնակցելու ինչ-որ համաժողովի, անմիջապես հետո մեկնել է Իրան՝ հարեւան երկրի հետ համագործակցությունը խորացնելու։ Թե որքանով է խորացել հայ-իրանական համագործակցությունը, ասենք՝ տրանսպորտի ոլորտում՝ նախարարի այցի արդյունքում, հայտնի չէ, արդյունքների մասին որեւէ խոսք չկա։

Դրանից հետո՝ ապրիլ-մայիս ամիսներին, Հակոբ Արշակյանը մեկնել է Ռուսաստան, ապա՝ Շվեյցարիա, հետո՝ Չինաստան՝ մասնակցելու ինչ-որ նիստերի, այնուհետ՝ Փարիզ, ցուցահանդեսի մասնակցելու։ Նույն՝ մայիս ամսին նա հասցրել է մեկնել նաեւ Էստոնիայի մայրաքաղաք Տալլին՝ ինչ-որ նախարարական միջոցառման։

Մայիսի 28-ից մինչեւ հունիսի 4-ն էլ Արշակյանն անցկացրել է ԱՄՆ-ում, որտեղ փորձել է ընդլայնել հայ-ամերիկյան համագործակցությունը տեղեկատվական եւ բարձրտեխնոլոգիական ոլորտներում։ Ամերիկայից վերադառնալուց 2-3 օր անց էլ մեկնել է Վիետնամ եւ Սինգապուր՝ հավանաբար վայելելու սինգապուրյան հրաշքն ու ճաշակելու վիետնամական խոհանոցի բարիքները։

 Վահե Մակարյան, «Հրապարակ»



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

14:35
Կնոջը և հարևանին դանակահարելու կասկածանքով ձերբակալվել է 30 ամյա տղամարդ
ՀՀ քննչական կոմիտեի  Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ՝ Երևան...
Աղբյուր` Panorama.am
14:35
Թմրամիջոցների ապօրինի շրջանառության մեղադրանքով երկու անձ կալանավորվել է
ՀՀ ՔԿ ԵՔՔՎ Շենգավիթ վարչական շրջանի քննչական բաժնում քննություն է տարվում՝ թմրամիջոցի ապօրինի շրջանառության հանգամանքները պարզելու ուղղությամբ:...
Աղբյուր` Panorama.am
14:24
ԲԴԽ-ն կհանդիպի առաջին ատյանի դատավորների հետ
Սեպտեմբերի 18-ին Երևան քաղաքի առաջին ատյանի ընդհանուր իրավասության դատարանի Աջափնյակ նստավայրում տեղի կունենա Բարձրագույն դատական խորհրդի...
Աղբյուր` Panorama.am
14:20
Չնայած վնասվածքին Արթուր Ալեքսանյանը կպայքարի չեմպիոնի տիտղոսի համար
Երեկոյան մրցահերթում աշխարհի չեմպիոնի տիտղոսի համար կպայքարի Արթուր Ալեքսանյանը: Այս մասին տեղեկացնում է ՀԱՕԿ-ի պաշտոնական էջը։ Ալեքսանյանի...
Աղբյուր` Panorama.am
14:07
Տավուշցի կանանց ստեղծած բրենդը՝ «Թելիկ»
2016 թվականից Տավուշում ստեղծվել է «Թելիկ» ապրանքանիշը։ Նախաձեռնությունը Տավուշի թեմի առաջնորդ Գերաշնորհ Տ. Բագրատ եպիսկոպոս...
Աղբյուր` Panorama.am
14:00
Տավուշում բերքահավաքը՝ թշնամու նշանառության տակ
Տավուշի մարզում սկսվել է բերքահավաքը։ Սահմանամերձ գյուղերի բնակիչները սահմանից  մի քանի հարյուր մետր հեռավորության վրա թզի, հոնի, խաղողի...
Աղբյուր` Panorama.am
13:52
Բաց նամակ Փաշինյանին. Հայաստանի Հանրապետությունը պետություն է
ՀՀ քաղաքացի Արկադի Գալստյանը բաց նամակ է հղել կառավարության ղեկավարին՝ նրա ուշադրությունը հրավիրել օրենքի խախտումներին։ Նամակում ասված է....
Աղբյուր` Panorama.am
13:45
Ռուբեն Մելիքյանն ուշադրություն է հրավիրում Միրզոյանի ելույթի օրվա վրա
«Հանուն իրավական ուղի» ՀԿ հիմնադիր, Արցախի նախկին ՄԻՊ, Հայաստանի արդարադատության նախկին փոխնախարար Ռուբեն Մելիքյանը համոզված է՝ ԱԺ...
Աղբյուր` Panorama.am
13:40
Ազգային ժողովն իր դիրքորոշումը պետք է արտահայտի ՍԴ-ում տիրող իրավիճակի վերաբերյալ. Արարատ Միրզոյան
Ազգային ժողովի նախագահ Արարատ Միրզոյանն այսօրվա նիստում արտահերթ ելույթ ունեցավ ՀՀ Սահմանադրական դատարանի և դրա շուրջ ստեղծված իրավիճակի...
Աղբյուր` Panorama.am
13:34
Փաշինյանը կրկին ասուլիսը սկսեց 100 փաստի հրապարակումով
«Խնդրում եմ համբերությամբ լցվել»
Աղբյուր` Panorama.am
13:30
Պաշտպան. Մանվել Գրիգորյանի գործով երևում է առողջապահության նախարարի անգործությունը
ԵԿՄ նախկին նախագահ, ԱԺ նախկին պատգամավոր Մանվել Գրիգորյանի  գործով ոչ թե իրականացվում է կամ իրականացվելու է արդարադատություն, այլ ուղղակի...
Աղբյուր` Panorama.am
13:25
ԱԱ. Հենրիկ Սարգսյանը մեկնարկել է հաղթանակով
Հայաստանի ներկայացուցիչ Հենրիկ Սարգսյանը (91 կգ) հաղթանակով է մեկնարկել Ռուսաստանի Եկատերինբուրգ քաղաքում շարունակվող բռնցքամարտի աշխարհի...
Աղբյուր` Panorama.am
13:14
«Իմ քայլը» խմբակցությունը նիստ կանի՝ ՍԴ-ի շուրջ ստեղծված իրավիճակի հետ կապված
«Այս պահին որևէ մեկնաբանությունից զերծ կմնամ Սահմանադրական դատարանի հետ կապված»,- խորհրդարանում լրագրողների հետ զրույցում ասաց...
Աղբյուր` Panorama.am
13:03
ԲԴԽ-ում ընդունել են Վենետիկի հանձնաժողովի պատվիրակությանը
Այսօր՝ սեպտեմբերի 16-ին, Բարձրագույն դատական խորհրդում տեղի ունեցավ հանդիպում «Ժողովրդավարություն՝ իրավունքի միջոցով» եվրոպական...
Աղբյուր` Panorama.am
12:52
Սլավիկ Գալստյան. Կփորձեմ նվաճել ավելի բարձր հարգի մեդալ
Սլավիկի համար բարդ է եղել առաջին գոտեմարտն ադրբեջանցի Էլման Մուխտարովի հետ
Աղբյուր` Panorama.am
12:41
Արցախի նախագահը ցավակցական հեռագիր է հղել Արամ Ա-ին
Արցախի Հանրապետության նախագահ Բակո Սահակյանը սեպտեմբերի 16-ին ցավակցական հեռագիր է հղել Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Ա-ին:...
Աղբյուր` Panorama.am
12:35
Վահե Հովհաննիսյան. Ինչ սպասելիքներ՝ դատավորի վաղվա որոշումից
Եթե վաղը Ռ. Քոչարյանը ազատ չարձակվի՝ հաշվի առնելով ՍԴ որոշումը և մի շարք այլ հանգամանքներ, ապա դա. ա. Իրավական՝ արդարադատության տեսակետից,...
Աղբյուր` Panorama.am
12:21
Թրամփը կարգադրել է ԱՄՆ պահուստներից նավթի բաշխում իրականացնել՝ շուկայի կայունացման համար
ԱՄՆ նախագահ Դոնալդ Թրամփը հայտարարել է, որ կարգադրել է երկրի պահուստներից նավթի հատկացումներ կատարել՝ նավթի շուկայում իրավիճակի կայունացման...
Աղբյուր` Panorama.am
12:07
ԱԺ-ն սպառեց օրակարգը՝ դեմ լինելով միայն մեկ օրինագծի
Ազգային ժողովն այսօր երկրորդ ընթերցմամբ և ամբողջությամբ ընդունեց «Իմ քայլը» խմբակցության պատգամավոր Արտակ Մանուկյանի ներկայացրած ՀՀ...
Աղբյուր` Panorama.am
12:02
Արաբագետի դիտարկումները Անկարայի գագաթնաժողովին ընդառաջ
Արաբագետ Արմեն Պետրոսյանը ներկայացրել է Թուրքիայի մայրաքաղաքում կայանալիք Ռուսաստանի, Իրանի, Թուրքիայի նախագահների  5-րդ գագաթնաժողովին...
Աղբյուր` Panorama.am
11:55
Լոլիկի ցեցի դեմ պայքարը երկու գյուղում արդյունք է տվել
Էկոնոմիկայի նախարարության գյուղոլորտի պատասխանատուները և Հայաստանի ազգային ագրարային համալսարանի ներկայացուցիչներն այցելել են Արարատի Ոսկետափ և...
Աղբյուր` Panorama.am
11:51
Ո՞վ է ՄԱԿ-ում ԱՄՆ մշտական նոր ներկայացուցիչը
2016 թվականին այս ընտանիքը 1 միլիոն դոլար է նվիրաբերել Թրամփի քարոզարշավին
Աղբյուր` Panorama.am
11:40
Ալեքսիս Օհանյանը ելույթ կունենա իր «Առանց թույլտվության» բեսթսելերի հայերեն թարգմանության շնորհանդեսին
Առաջին անգամ բացառիկ հեղինակային իրավունքով հայերեն է թարգմանվում գործարար, ակտիվիստ, Reddit կայքի և Initialized Capital վենչուրային ընկերության...
Աղբյուր` Panorama.am
11:19
Արթուր Ղազինյան. Փաշինյանին ոչինչ չի մնում, քան զորքը մտցնել Ամուլսար
«Մեկ Հայաստան» կուսակցության նախագահ, իրավաբանական գիտությունների թեկնածու, դոցենտ Արթուր Ղազինյանը, անդրադառնալով Ամուլսարի հետ...
Աղբյուր` Panorama.am
11:08
Հայկական ԿԽ-ից մարդասիրական օգնություն՝ Շիրակի մարզի կարկուտից տուժած 925 ընտանիքի
Սեպտեմբերի 16-ից  Շիրակի մարզում այս տարի հունիսի 27-ին տեղացած ուժեղ կարկուտի հետևանքով առավել տուժած 925 ընտանիք՝ ընդհանուր առմամբ 4606...
Աղբյուր` Panorama.am
11:00
Սաուդյան Արաբիայի նավթային օբյեկտների հրդեհից հետո նավթի գները կտրուկ բարձրացել են
Երկուշաբթի՝ սեպտեմբերի 16-ին, նավթի համաշխարհային գներն աճել են 12-13%-ով Սաուդյան Արաբիայի երկու խոշոր նավթային օբյեկտներում տեղի ունեցած...
Աղբյուր` Panorama.am
10:52
Ադրբեջանը լայնածավալ զորավարժություններ է սկսել
Ադրբեջանի պաշտպանության նախարարությունը հայտնում է, որ այսօր սկսվել են լայնածավալ մարտավարական վարժանքներ՝ զորքերի, ռազմական միավորումների և...
Աղբյուր` Panorama.am
10:48
Պատգամավորը Վարչական դատարանի գործերը բեռնաթափող օրենքի նախագիծ է ներկայացրել
Ազգային ժողովը շարունակում է նախորդ շաբաթվանից մեկնարկած նստաշրջանի աշխատանքները։ ԱԺ նախագահ Արարատ Միրզոյանը տեղեկացրեց, որ քննարկման է մնացել...
Աղբյուր` Panorama.am

Տեսանյութեր

ԱԺ նախագահի հայտարարությունը՝ ՍԴ-ում ստեղծված վիճակի մասին
11:34 16/09/2019

ԱԺ նախագահի հայտարարությունը՝ ՍԴ-ում ստեղծված վիճակի մասին

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}