Զոհված զինծառայող Հրանտ Մանգասարյանի անօթևան ընտանիքի բնակարանի հարցը լուծվեց
Կառավարությունը բնակարան հատկացրեց ծառայողական պարտականությունները կատարելիս զոհված զինծառայող Հրանտ Մանգասարյանի ընտանիքին։ Այս մասին որոշումն ընդունվել է գործադիրի այսօրվա նիստում։ Նշենք, որ հարցը ներառված էր կառավարության չզեկուցվող հարցերի շարքում:
Որոշման նախագծի համաձայն, նախատեսվում է Պաշտպանության նախարարության հաշվեկշռում հաշվառված Երևան քաղաքի Քանաքեռ 14 փողոցի 42 շենքի թիվ 22 1 սենյականոց բնակարանը՝ 45.2 քմ մակերեսով և 10 մլն 620 հազար դրամ արժեքով գույքը հետ վերցնել և նվիրաբերել Երևանի համայնքին՝ ծառայողական պարտականությունները կատարելիս զոհված զինծառայող Հրանտ Խաչատուրի Մանգասարյանի մոր` Նունե Սողոմոնի Հակոբյանի անօթևան ընտանիքին սեփականանության իրավունքով անհատույց տրամադրելու պայմանով:
Որոշման նախագծի ընդունումը պայմանավորված է այն հանգամանքով, որ ծառայողական պարտականությունները կատարելիս զոհված զինծառայող, շարքային Հրանտ Խաչատուրի Մանգասարյանի մայրը` Նունե Սողոմոնի Հակոբյանը բնակվում է վարձակալական հիմունքներով, և վերջինիս անվամբ ՀՀ տարածքում առկա չէ սեփականության իրավունքով բնակելի նշանակության անշարժ գույք: Նախագծի ներկայացումը պայմանավորված է նաև Վարչապետի աշխատակազմի ղեկավարի 19.04.2019թ. N 02/11.6/18617-2019 հանձնարարականի կատարումն ապահովելու անհրաժեշտությամբ:
Ըստ նախագծի՝ զոհված զինծառայող, շարքային Հ. Մանգասարյանի մայրը` Ն. Հակոբյանն իր երկու երեխաների հետ միասին բնակվում է Երևան քաղաքում` վարձակալական հիմունքներով:
Նշենք, որ ՊԲ զինծառայող, 1997թ. ծնված Հրանտ Խաչատուրի Մանգասարյանը զոհվել է 2017 թվականի նոյեմբերի 4-ին՝ ժամը 12:10-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունի հետևանքով։ Հրանտ Մանգասարյանը ստացել էր պայթունի հետևանքով ստացել էր կյանքի հետ անհամատեղելի պայթյունաբեկորային վնասվածքներ, իսկ նույն պահեստում աշխատանքներ կատարող պահեստապետ, պայմանագրային զինծառայող Գևորգ Հյուսնունցը և պարտադիր ժամկետային զինծառայող, շարքային Սերգեյ Ալումյանն ստացել էին տարբեր աստիճանի մարմնական վնասվածքներ և տեղափոխվել զինհոսպիտալ:
Դեպքի առթիվ հարցուվել է քրեական գործ։
Տեղեկացնենք, որ օգոստոսի 21-ին Սյունիքի մարզի ընդհանուր իրավասության դատարանում՝ Ստեփանակերտի նստավայրում դատավոր Գնել Գասպարյանի նախագահությամբ շարունակվել է Մատաղիսի 5-րդ զորամասի պահեստում ականի պայթյունից մահացած ժամկետային զինծառայող, դիպուկահար, ապրիլյան պատերազմի հերոս Հրանտ Մանգասարյանի մահվան գործով դատական նիստը։
Հարակից հրապարակումներ`
- «Ղեկավարության անփութության պատճառով» ականի պայթյունից մահացած զինծառայողի մահվան գործով մեկնարկեց դատավարությունը. forrights.am
- Ժամկետային զինծառայող Հ. Մանգասարյանի մահվան փաստով մեղադրանք է առաջադրվել երկու անձի
- Ժամկետային զինծառայող Հրանտ Մանգասարյանի մահվան գործով մեղադրանք է առաջադրվել հրթիռահրետանային սպառազինության ծառայության պետին
Լրահոս
Տեսանյութեր
«Ազատություն քաղբանտարկյալներին». ակցիա՝ Հայաստանում ԵՄ պատվիրակության գրասենյակի դիմաց