Ձեր վստահելի աղբյուրը

«Մենք հետևողական ենք  մեր դիրքորոշումներում»,-ԱԺ-ում լրագրողների հետ ճեպազրույցում հայտարարեց ԱԳ նախարար Զոհրաբ Մնացականյանը՝ արձագանքելով Բաքվից հնչած հայտարարություններին։

Նրա խոսքով,  հայկական կողմը միշտ խոսել է նույն բանի մասին։

«Մեզ համար բանակցային գործընթացը շարունակական է։ Մենք ունենք մեր մոտեցումները, դիրքորոշումները, խոսել ենք դրանց համադրության պարիտետի մասին, խոսել ենք, թե ինչ է նշանակում կարգավիճակ, անվտանգություն, Ղարաբաղի մասնակցություն և այլն։ Ես նորից կարող եմ այս ամենը մեկ-մեկ բացել, բայց արդեն խոսել ենք»,-ասաց ԱԳ նախարարը՝ ավելացնելով, որ հայկական կողմը չափազանց հետևողական է։

Նա անընդունելի է համարում Ադրբեջանի կողմից հնչած հայտարարությունները, հատկապես երբ դրանք անցնում են քաղաքավարության սահմանները։

Ինչ վերաբերում է բանակցային գործընթացին, ապա նախարարի գնահատմամբ, այս տարվա ընթացքում այն եղել է բավականին դինամիկ։

«Մենք անցած տարվա մայիսից որևէ ընդմիջում  չենք վերցրել, միանգամից ներգրավել ենք։ Հիմա մեր նպատակւ ԱԳ  նախարարների մակարդակով երկխոսությունը շարունակելն է»,-ասաց նա։